ਗੁਰਦਾਸਪੁਰ, 28 ਅਪ੍ਰੈਲ (ਚੱਕਰਾਜਾ)-ਸੰਤ ਫਰਾਂਸਿਸ ਕਾਨਵੈਂਟ ਸਕੂਲ ਬਟਾਲਾ ਵਿਖੇ ਜ਼ਿਲ੍ਹਾ ਪੱਧਰੀ ਚੈਸ ਪ੍ਰਤੀਯੋਗਤਾ-2026 ਕਰਵਾਈ ਗਈ, ਜਿਸ ਵਿਚ ਦੂਨ ਇੰਟਰਨੈਸ਼ਨਲ ਸਕੂਲ ਦੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ | ਇਸ ਪ੍ਰਤੀਯੋਗਤਾ 'ਚ ਚੌਥੀ ਜਮਾਤ ਦੇ ਵਿਦਿਆਰਥੀ ਰੂਹਾਨ ਸ਼ਰਮਾ (ਯੂ-09) ਨੇ ਪਹਿਲਾ ਅਤੇ ਪਵਿੱਤ ਪ੍ਰੀਤ ਸਿੰਘ ਜਮਾਤ ਦੂਸਰੀ (ਯੂ-07) ਨੇ ਤੀਸਰਾ ਸਥਾਨ ਹਾਸਲ ਕੀਤਾ | ਮਿਥਲ ਸ੍ਰੀਧਰ, ਰਿਆਣ ਸ਼ਰਮਾ, ਹਰਸ਼ਾਨ ਸਿੰਘ ਕਾਹਲੋਂ ਅਤੇ ਕਾਰਤਿਕ ਨੇ ਵੀ ਤਗਮੇ ਹਾਸਲ ਕੀਤੇ | ਇਸ ਮੌਕੇ ਡਾਇਰੈਕਟਰ ਗਗਨਦੀਪ ਸਿੰਘ ਅਤੇ ਪਿ੍ੰਸੀਪਲ ਊਸ਼ਾ ਸ਼ਰਮਾ ਨੇ ਵਿਦਿਆਰਥੀਆਂ, ਕੋਚ ਹਰਪ੍ਰੀਤ ਸਿੰਘ ਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਜਿੱਤ 'ਤੇ ਵਧਾਈ ਦਿੱਤੀ ਅਤੇ ਭਵਿੱਖ ਲਈ ਸ਼ੁੱਭਕਾਮਨਾਵਾਂ ਦਿੱਤੀਆਂ |
