ਬਟਾਲਾ, 4 ਮਈ (ਸਤਿੰਦਰ ਸਿੰਘ)-ਵੀ.ਐੱਮ.ਐੱਸ. ਇੰਸਟੀਚਿਊਟ ਬਟਾਲਾ 'ਚ ਯੋਗ ਤੇ ਧਿਆਨ ਕੈਂਪ ਲਗਾਇਆ ਗਿਆ | ਕੈਂਪ ਦੌਰਾਨ ਵੱਡੀ ਗਿਣਤੀ ਵਿਚ ਸਟਾਫ਼ ਤੇ ਵਿਦਿਆਰਥੀਆਂ ਨੇ ਭਾਗ ਲਿਆ | ਕੈਂਪ ਵਿਚ ਮਾਹਿਰ ਜਤਿੰਦਰ, ਯੋਗੇਸ਼, ਵਿਰਾਟ, ਸਾਹਿਲ, ਮੈਡਮ ਭਾਵਨਾ ਨੇ ਸਟਾਫ਼ ਤੇ ਵਿਦਿਆਰਥਣਾਂ ਨੂੰ ਯੋਗਾ ਦੇ ਵੱਖ-ਵੱਖ ਅਭਿਆਸਾਂ ਦੇ ਵਿਹਾਰਕ ਪ੍ਰਦਰਸ਼ਨ ਰਾਹੀਂ ਆਸਨ ਕਰਵਾਏ ਗਏ | ਕਾਲਜ ਡਾਇਰੈਕਟਰ ਸ਼੍ਰੀਮਤੀ ਨਿਰਮਲ ਪਾਂਧੇ, ਰਜਿਸਟਰਾਰ ਜਤਿੰਦਰ ਸਿੰਘ ਤੇ ਕਾਲਜ ਪਿ੍ੰਸੀਪਲ ਨੇ ਮਾਹਿਰਾਂ ਵਲੋਂ ਵਿਦਿਆਰਥੀਆਂ ਤੇ ਸਟਾਫ਼ ਨੂੰ ਯੋਗਾ ਆਸਨ ਤੇ ਧਿਆਨ ਦੀ ਮਹੱਤਤਾ ਤੇ ਲਾਭਾਂ ਬਾਰੇ ਜਾਣਕਾਰੀ ਦੇਣ 'ਤੇ ਧੰਨਵਾਦ ਜਾਹਿਰ ਕੀਤਾ | ਉਨ੍ਹਾਂ ਕਿਹਾ ਕਿ ਅੱਜ ਦੇ ਭੱਜ-ਨੱਠ ਦੇ ਯੁੱਗ 'ਚ ਯੋਗਾ ਆਸਨਾਂ ਤੇ ਧਿਆਨ ਰਾਹੀਂ ਸਰੀਰ ਨੂੰ ਨਿਰੋਗ ਰੱਖਿਆ ਜਾ ਸਕਦਾ ਹੈ | ਇਸ ਲਈ ਯੋਗ ਸਾਡੇ ਜੀਵਨ ਲਈ ਬਹੁਤ ਮਹੱਤਵਪੂਰਨ ਹਨ |
