ਗੁਰਦਾਸਪੁਰ, 5 ਮਈ (ਅਸ਼ੋਕ ਸ਼ਰਮਾ)-ਅੱਜ ਆਪਣੀਆਂ ਮੰਗਾਂ ਨੰੂ ਲੈ ਕੇ ਕਰਮਚਾਰੀ ਦਲ ਦਾ ਵਫ਼ਦ ਦਰਬਾਰਾ ਸਿੰਘ ਛੀਨਾ ਸਰਕਲ ਅਹੁਦੇਦਾਰ ਦੀ ਅਗਵਾਈ ਹੇਠ ਨਿਗਰਾਨ ਇੰਜੀਨੀਅਰ ਸੰਚਾਲਨ ਹਲਕਾ ਗੁਰਦਾਸਪੁਰ ਨੂੰ ਮਿਲਿਆ | ਇਸ ਮੌਕੇ ਵਫ਼ਦ ਵਲੋਂ ਕੁਝ ਅਹਿਮ ਮਸਲੇ ਵਿਚਾਰੇ ਗਏ, ਜਿਸ 'ਚ ਅਹਿਮ ਮਸਲਾ ਕਰਮਚਾਰੀ ਦੀ ਬਦਲੀ ਹੋਣ ਉਪਰੰਤ ਜੁਆਇੰਨ ਕਰਵਾਉਣਾ ਸੀ , ਬਾਰੇ ਨਿਗਰਾਨ ਇੰਜੀਨੀਅਰ ਦੇ ਧਿਆਨ ਹਿੱਤ ਲਿਆਂਦਾ | ਜਿਸ 'ਤੇ ਐਸ.ਈ ਗੁਰਦਾਸਪੁਰ ਵਲੋਂ ਆਗੂਆਂ ਨੰੂ ਭਰੋਸਾ ਦਿੱਤਾ ਕਿ ਉੱਚ ਦਫ਼ਤਰ ਨਾਲ ਗੱਲਬਾਤ ਕਰਕੇ ਕਰਮਚਾਰੀ ਨੂੰ ਜੁਆਇੰਨ ਕਰਵਾ ਲਿਆ ਜਾਵੇਗਾ | ਇਸ ਮੌਕੇ ਤਰਲੋਕ ਸਿੰਘ ਖੁੰਡੀ, ਜਸਵਿੰਦਰ ਸਿੰਘ ਚੌਹਾਨ, ਗੁਰਪਿੰਦਰ ਸਿੰਘ, ਵਰਿੰਦਰ ਸਿੰਘ, ਗੁਰਜੀਤ ਸਿੰਘ ਘੁੰਮਣ, ਅਸ਼ੋਕ ਕੁਮਾਰ, ਮਨਿੰਦਰ ਸਿੰਘ, ਕਮਲ ਕੁਮਾਰ, ਨਿਤਿਨ, ਗਗਨਦੀਪ ਸਿੰਘ, ਪਲਜੀਤ ਸਿੰਘ, ਹਰਸ਼ ਕੁਮਾਰ ਆਦਿ ਮੁਲਾਜ਼ਮ ਹਾਜ਼ਰ ਸਨ |
