ਧਾਰੀਵਾਲ, 11 ਮਈ (ਜੇਮਸ ਨਾਹਰ)-ਕਣਕ ਦੇ ਨਾੜ ਨੂੰ ਅੱਗ ਲਗਾਉਣ ਦੇ ਸੰਬੰਧ 'ਚ ਪੁਲਿਸ ਵਲੋਂ 2 ਕਿਸਾਨਾਂ 'ਤੇ ਮਾਮਲਾ ਦਰਜ ਕੀਤਾ ਹੈ | ਜਾਣਕਾਰੀ ਮੁਤਾਬਿਕ ਬੀਤੇ ਕੱਲ੍ਹ ਪਿੰਡ ਜੱਫਰਵਾਲ ਵਿਚ (ਪੀਆਰਐਸਸੀ) ਤੋਂ ਪ੍ਰਾਪਤ ਲੋਕੇਸ਼ਨ ਦੇ ਅਨੁਸਾਰ ਅੱਗ ਲੱਗਣ ਸਬੰਧੀ ਪਤਾ ਲੱਗਾ, ਜਿਸ 'ਤੇ ਸ੍ਰੀ ਦਿਲਬਾਗ ਸਿੰਘ (ਬੀ.ਟੀ.ਐੱਮ.) ਕਲੱਸਟਰ ਅਫ਼ਸਰ ਖੇਤੀਬਾੜੀ ਦਫ਼ਤਰ ਬਲਾਕ ਧਾਰੀਵਾਲ ਵਲੋਂ ਮੌਕਾ ਦੇਖਿਆ ਗਿਆ | ਮੌਕੇ ਉੱਪਰ ਖੇਤ 'ਚ ਅੱਗ ਦਾ ਸਪਾਟ ਪਾਇਆ ਗਿਆ, ਜੋ ਕਿਸਾਨ ਅਵਤਾਰ ਸਿੰਘ ਪੁੱਤਰ ਜੋਗਿੰਦਰ ਸਿੰਘ ਵਾਸੀ ਜੱਫਰਵਾਲ ਨੇ ਕਣਕ ਦੇ ਨਾੜ ਨੂੰ ਅੱਗ ਲਗਾ ਕੇ ਮਾਣਯੋਗ ਡਿਪਟੀ ਕਮਿਸ਼ਨਰ ਗੁਰਦਾਸਪੁਰ ਦੇ ਹੁਕਮਾਂ ਦੀ ਉਲੰਘਣਾ ਕੀਤੀ, ਜਿਸ 'ਤੇ ਮੁਕੱਦਮਾ ਦਰਜ ਕੀਤਾ ਗਿਆ | ਇਸੇ ਤਰ੍ਹਾਂ ਇਕ ਹੋਰ ਕਾਰਵਾਈ ਵਿਚ ਵੀ ਬੀਤੇ ਕੱਲ੍ਹ ਮੁਕੱਦਮਾ ਦਰਜ ਕੀਤਾ ਕਿ ਪਿੰਡ ਜੱਫਰਵਾਲ ਵਿਚ (ਪੀ.ਆਰ.ਐੱਸ.ਸੀ.) ਤੋਂ ਪ੍ਰਾਪਤ ਲੋਕੇਸ਼ਨ ਦੇ ਅਨੁਸਾਰ ਅੱਗ ਲੱਗਣ ਸਬੰਧੀ ਪਤਾ ਲੱਗਾ, ਜਿਸ 'ਤੇ ਦਿਲਬਾਗ ਸਿੰਘ (ਬੀਟੀਐਮ) ਕਲੱਸਟਰ ਅਫ਼ਸਰ ਖੇਤੀਬਾੜੀ ਦਫ਼ਤਰ ਬਲਾਕ ਧਾਰੀਵਾਲ ਵਲੋਂ ਮੌਕਾ ਦੇਖਿਆ ਗਿਆ | ਮੌਕੇ ਉਪਰ ਖੇਤ 'ਚ ਅੱਗ ਦਾ ਸਪਾਟ ਪਾਇਆ ਗਿਆ, ਜੋ ਕਿਸਾਨ ਗੁਰਨਾਮ ਸਿੰਘ ਪੁੱਤਰ ਹਰਦੀਪ ਸਿੰਘ ਵਾਸੀ ਜੱਫਰਵਾਲ ਨੇ ਕਣਕ ਦੇ ਨਾੜ ਨੂੰ ਅੱਗ ਲਗਾ ਕੇ ਮਾਨਯੋਗ ਡਿਪਟੀ ਕਮਿਸ਼ਨਰ ਗੁਰਦਾਸਪੁਰ ਦੇ ਹੁਕਮਾਂ ਦੀ ਉਲੰਘਣਾ ਕੀਤੀ ਹੈ, ਜਿਨ੍ਹਾਂ ਖਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕੀਤੀ ਗਈ |
