ਮਾਧੋਪੁਰ 29 ਮਈ- (ਮਹਿਰਾ)ਮਾਧੋਪੁਰ ਖੇਤਰ ਆਪਣੀ ਖ਼ੂਬਸੂਰਤੀ ਨੂੰ ਲੈ ਕੇ ਹਮੇਸ਼ਾ ਹੀ ਖਿੱਚ ਦਾ ਕੇਂਦਰ ਹੈ, ਕਿਉਂਕਿ ਮਾਧੋਪੁਰ 'ਚ ਰਾਵੀ ਦਰਿਆ 'ਚੋਂ ਦੋ ਨਿਕਲਦੀਆਂ ਨਹਿਰਾਂ ਜੋ ਕਿ ਮਾਧੋਪੁਰ ਨੂੰ ਚਾਰ ਚੰਨ ਲਗਾਉਂਦੀਆਂ ਹਨ, ਉੱਥੇ ਹੀ ਜੰਮੂ-ਕਸ਼ਮੀਰ ਵਿਚ ਆਉਣ ਜਾਣ ਵਾਲੇ ਯਾਤਰੀ ਰੁਕ ਕੇ ਜਾਂਦੇ ਹਨ ਅਤੇ ਇਨ੍ਹਾਂ ਨਹਿਰਾਂ ਦੇ ਕਿਨਾਰੇ ਸੈਲਫੀ ਅਤੇ ਫ਼ੋਟੋਆਂ ਲੈਂਦੇ ਹਨ | ਜ਼ਿਕਰਯੋਗ ਹੈ ਕਿ ਇਨ੍ਹਾਂ ਨਹਿਰਾਂ ਦੀ ਸੁੰਦਰਤਾ ਕਈ ਲੋਕਾਂ ਦੀ ਜਾਨ ਲੈ ਚੁੱਕੀ ਹੈ | ਜਿਸ ਤੋਂ ਬਾਅਦ ਸਿੰਜਾਈ ਵਿਭਾਗ ਅਤੇ ਪੁਲਿਸ ਵਲੋਂ ਇਨ੍ਹਾਂ ਨਹਿਰਾਂ ਵਿਚ ਹੱਥ ਮੂੰਹ ਧੋਣ ਤੇ ਨਹਾਉਣ ਲਈ ਸਖ਼ਤ ਮਨਾਂ ਕਰਨ ਦੇ ਬੋਰਡ ਲਗਾਏ ਗਏ ਹਨ | ਇਸ ਦੇ ਬਾਵਜੂਦ ਵੀ ਲੋਕ ਨਹਿਰਾਂ ਕਿਨਾਰੇ ਆ ਕੇ ਸਿੰਜਾਈ ਵਿਭਾਗ ਦੇ ਮੁਲਾਜ਼ਮਾਂ ਸਾਹਮਣੇ ਦਰਿਆ ਦੇ ਗੇਟਾਂ ਤੇ ਚੜ੍ਹ ਕੇ ਸੈਲਫੀ ਲੈਂਦੇ ਹਨ ਤੇ ਉੱਥੇ ਹੀ ਨਹਿਰਾਂ ਕਿਨਾਰੇ ਲਗਾਈ ਰੇਲਿੰਗ ਨੂੰ ਟੱਪ ਕੇ ਨਹਿਰ ਦੇ ਪਾਣੀ ਨਾਲ ਹੱਥ ਮੂੰਹ ਧੋਂਦੇ ਹਨ | ਜਿਸ ਨਾਲ ਕੋਈ ਹਾਦਸਾ ਵੀ ਵਾਪਰ ਸਕਦਾ ਹੈ | ਸਿੰਜਾਈ ਵਿਭਾਗ ਮੁਲਾਜ਼ਮ ਮਨਾਂ ਕਰਨ ਦੀ ਬਜਾਏ ਚੁੱਪ-ਚਪਾਤੇ ਦੇਖਦੇ ਰਹਿੰਦੇ ਹਨ ਤੇ ਕਿਸੇ ਵੱਡੇ ਹਾਦਸੇ ਦਾ ਇੰਤਜ਼ਾਰ ਕਰ ਰਹੇ ਹਨ |
