ਪਠਾਨਕੋਟ, 13 ਜੂਨ (ਸੰਧੂ)-ਭਾਰਤ ਵਿਕਾਸ ਪ੍ਰੀਸ਼ਦ ਛਤਵਾਲ ਸ਼ਾਖਾ ਵਲੋਂ ਵਾਤਾਵਰਨ ਸੁਰੱਖਿਆ ਨੂੰ ਸਮਰਪਿਤ ਪੰਜ ਰੋਜ਼ਾ ਆਨਲਾਈਨ ਪੇਂਟਿੰਗ, ਸਲੋਗਨ ਅਤੇ ਕਵਿਤਾ ਮੁਕਾਬਲੇ ਦੇ ਤੀਜੇ ਦਿਨ ਦੇਸ਼ ਦੇ 14 ਰਾਜਾਂ ਦੇ 484 ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਭਾਗ ਲਿਆ | ਪ੍ਰੋਜੈਕਟ ਚੇਅਰਮੈਨ ਡਾ: ਮਨੂ ਸ਼ਰਮਾ ਨੇ ਦੱਸਿਆ ਕਿ ਖੇਤਰੀ ਪ੍ਰਧਾਨ ਸੁਸ਼ੀਲ ਸ਼ਰਮਾ ਦੀ ਰਹਿਨੁਮਾਈ ਹੇਠ ਕਰਵਾਏ ਜਾ ਰਹੇ ਇਸ ਮੁਕਾਬਲੇ ਨੂੰ ਕੁਲਦੀਪ ਗੁਲੇਰੀਆ, ਰਜਨੀਸ਼ ਸ਼ਰਮਾ, ਸੁਰਿੰਦਰ ਮੋਹਨ ਮਹਿਤਾ, ਅਮਰਜੀਤ ਸਿੰਘ, ਕੁਲਭੂਸ਼ਣ ਖਜੂਰੀਆ, ਅਮਿਤ ਕਾਂਸਲ ਅਤੇ ਸੰਜੀਵ ਸ਼ਰਮਾ ਦਾ ਪੂਰਾ ਸਹਿਯੋਗ ਮਿਲ ਰਿਹਾ ਹੈ | ਮੁਕਾਬਲੇ ਦੌਰਾਨ ਛੱਤੀਸਗੜ੍ਹ ਦੇ ਨੂਤਨ ਲਾਲ ਨੇ 'ਬਰਸਾਤ ਆਉਣ ਵਾਲੀ ਹੈ', ਯੂਨਿਕ ਇੰਟਰਨੈਸ਼ਨਲ ਸਕੂਲ ਜੰਮੂ ਦੀ ਭਾਵਨਾ ਸ਼ਰਮਾ ਨੇ 'ਧਰਤੀ ਰੋਂਦੀ ਹੈ ਚੁੱਪਕੇ-ਚੁੱਪਕੇ', ਮਹਾਂਵੀਰ ਇੰਟਰਨੈਸ਼ਨਲ ਸਕੂਲ ਗੁਰਦਾਸਪੁਰ ਦੇ ਸਮਰ ਨੇ 'ਮਤ ਕਰੋ ਧਰਤੀ 'ਤੇ ਅੱਤਿਆਚਾਰ', ਸੰਸਕਾਰ ਵੈਲੀ ਸਕੂਲ ਦਾਤਾਰਪੁਰ ਦੀ ਆਰਾਧਨਾ ਨੇ 'ਪਿ੍ਥਵੀ ਸਾਡਾ ਘਰ ਹੈ' ਕਵਿਤਾਵਾਂ ਪੇਸ਼ ਕੀਤੀਆਂ | ਇਸੇ ਤਰ੍ਹਾਂ ਸੱਤਪਾਲ ਮਿੱਤਲ ਸਕੂਲ ਲੁਧਿਆਣਾ ਦੀ ਧੁਨ ਸ਼ਰਮਾ ਨੇ ਵਾਤਾਵਰਨ ਸੁਰੱਖਿਆ ਸਬੰਧੀ ਪ੍ਰਭਾਵਸ਼ਾਲੀ ਸਲੋਗਨ ਪੇਸ਼ ਕੀਤਾ | ਡਾ: ਮਨੂ ਸ਼ਰਮਾ ਨੇ ਕਿਹਾ ਕਿ ਦੇਸ਼ ਭਰ ਤੋਂ ਵਿਦਿਆਰਥੀਆਂ ਦੀ ਵੱਡੀ ਭਾਗੀਦਾਰੀ ਇਸ ਮੁਕਾਬਲੇ ਦੀ ਸਫਲਤਾ ਦਾ ਪ੍ਰਮਾਣ ਹੈ | ਖੇਤਰੀ ਪ੍ਰਧਾਨ ਸੁਸ਼ੀਲ ਸ਼ਰਮਾ ਨੇ ਕਿਹਾ ਕਿ ਡਾ: ਮਨੂ ਸ਼ਰਮਾ ਅਤੇ ਕੁਲਦੀਪ ਗੁਲੇਰੀਆ ਦੀ ਦੇਖ-ਰੇਖ ਹੇਠ ਚੱਲ ਰਹੇ ਇਸ ਪ੍ਰੋਜੈਕਟ ਰਾਹੀਂ ਵਿਦਿਆਰਥੀਆਂ ਨੂੰ ਆਪਣੀ ਰਚਨਾਤਮਿਕ ਪ੍ਰਤਿਭਾ ਨਿਖਾਰਨ ਦਾ ਸ਼ਾਨਦਾਰ ਮੌਕਾ ਮਿਲ ਰਿਹਾ ਹੈ | ਇਸ ਮੌਕੇ ਸੁਸ਼ੀਲ ਸ਼ਰਮਾ, ਡਾ: ਮਨੂ ਸ਼ਰਮਾ, ਕੁਲਦੀਪ ਗੁਲੇਰੀਆ, ਸੁਰਿੰਦਰ ਮੋਹਨ ਮਹਿਤਾ, ਕੁਲਭੂਸ਼ਣ ਖਜੂਰੀਆ, ਰਜਨੀਸ਼ ਸ਼ਰਮਾ, ਅਮਰਜੀਤ ਸਿੰਘ, ਸੰਜੀਵ ਸ਼ਰਮਾ, ਸੁਰੇਸ਼ ਸ਼ਰਮਾ, ਅਮਿਤ ਕਾਂਸਲ ਅਤੇ ਰਮੇਸ਼ ਸ਼ਰਮਾ ਹਾਜ਼ਰ ਸਨ |
