ਸ਼ਾਹਪੁਰ ਕੰਢੀ, 22 ਜੁਲਾਈ (ਰਣਜੀਤ ਸਿੰਘ)-ਪਾਵਰਕਾਮ ਦੀ ਮੈਨੇਜਮੈਂਟ ਤੇ ਪੰਜਾਬ ਸਰਕਾਰ ਵਲੋਂ ਬਿਜਲੀ ਕਾਮਿਆਂ ਦੀਆਂ ਮੰਗਾਂ ਨਾ ਮੰਨੇ ਜਾਣ ਦੇ ਵਿਰੋਧ ’ਚ ਜੁਆਇੰਟ ਫੋਰਮ ਦੇ ਦਿੱਤੇ ਪ੍ਰੋਗਰਾਮ ਤਹਿਤ ਬਿਜਲੀ ਕਾਮਿਆਂ ਵਲੋਂ ਪੰਜਾਬ ਸਰਕਾਰ ਦੀਆਂ ਘਟੀਆ ਨੀਤੀਆਂ ਖਿਲਾਫ ਸੂਬਾ ਜਰਨਲ ਸਕੱਤਰ ਕਪਿਲ ਦੇਵ ਦੀ ਅਗਵਾਈ ਹੇਠ ਰੋਸ ਮਾਰਚ ਕੱਢਿਆ ਤੇ ਜ਼ੋਰਦਾਰ ਨਾਅਰੇਬਾਜ਼ੀ ਕੀਤੀ। ਸਾਥੀਆਂ ਨੇ ਪੰਜਾਬ ਸਰਕਾਰ ਦੀਆਂ ਮੁਲਾਜ਼ਮ ਵਿਰੋਧੀ ਨੀਤੀਆਂ ਦੀ ਤਿੱਖੀ ਅਲੋਚਨਾ ਕੀਤੀ। ਸਾਥੀ ਅਨਿਲ ਕੁਮਾਰ ਨੇ ਸਮੂਹ ਸਾਥੀਆਂ ਨੂੰ ਵੱਖ-ਵੱਖ ਮੰਗਾਂ, ਮਸਲਿਆਂ ਬਾਰੇ ਜਾਗਰੂਕ ਕੀਤਾ ਤੇ ਸਰਕਾਰ ਨੂੰ ਚਿਤਾਵਨੀ ਦਿੱਤੀ ਕਿ ਜੇਕਰ ਮੁਲਾਜ਼ਮਾਂ ਦੀਆਂ ਮੰਗਾਂ ਦਾ ਛੇਤੀ ਹੱਲ ਨਾ ਕੱਢਿਆ ਤਾਂ ਗੰਭੀਰ ਸਿੱਟੇ ਨਿਕਲਣਗੇ। ਇਸ ਮੌਕੇ ਨਿਸ਼ਾਕਾਂਤ, ਯੁੱਧਵੀਰ ਸਿੰਘ, ਲਾਲ ਪ੍ਰਤਾਪ, ਪ੍ਰਵੀਨ ਕੁਮਾਰ, ਨਿਖਿਲ ਮੰਡਲ, ਹਰਿੰਦਰ ਆਦਿ ਹਾਜ਼ਰ ਸਨ।
