ਛੋਟੂ ਨਾਥ ਮੰਦਿਰ ਤੋਂ ਬਲੌਰ ਤੱਕ ਸੜਕ ਦੀ ਹਾਲਤ ਖਸਤਾ, ਰਾਹਗੀਰ ਪ੍ਰੇਸ਼ਾਨ

ਤਾਰਾਗੜ੍ਹ, 5 ਅਗਸਤ (ਸੋਹਨ ਲਾਲ)-ਹਲਕਾ ਭੋਆ ਦੇ ਅਧੀਨ ਪੈਂਦੇ ਪਿੰਡ ਛੋਟੂ ਨਾਥ ਦੇ ਮੰਦਿਰ ਤੋਂ ਲੈ ਕੇ ਬਲੌਰ ਤੱਕ ਸੜਕ ਦਾ ਨੀਂਹ ਪੱਥਰ ਹਲਕਾ ਭੋਆ ਦੇ ਕੈਬਨਿਟ ਮੰਤਰੀ ਲਾਲ ਚੰਦ ਕਟਾਰੂਚੱਕ ਨੇ ਜਨਵਰੀ ਮਹੀਨੇ ਰੱਖਿਆ ਸੀ ਤੇ ਉਸ ਸਮੇਂ ਲੋਕਾਂ ਨਾਲ ਵਾਅਦਾ ਕੀਤਾ ਸੀ ਕਿ ਪਿੰਡ ਪਹਾੜੋਚੱਕ, ਕੈਰੇ ਮਦਾਰਪੁਰ, ਢੋਲੋਵਾਲ ਤੇ ਬਲੌਰ ਆਦਿ ਪਿੰਡਾਂ ਨੂੰ ਜਾਣ ਵਾਲੀ ਸੜਕ ਇਕ ਮਹੀਨੇ ਅੰਦਰ ਬਣਾਈ ਜਾਵੇਗੀ। ਲੋਕਾਂ ਦਾ ਕਹਿਣਾ ਹੈ ਕਿ 7-8 ਮਹੀਨੇ ਬੀਤਣ ਤੋਂ ਬਾਅਦ ਵੀ ਇਹ ਸੜਕ ਅਜੇ ਤੱਕ ਨਹੀਂ ਬਣਾਈ ਗਈ।