ਰਾਵੀ ਜੱਟ ਸਭਾ ਦੀ ਕੋਰ ਕਮੇਟੀ ਦੀ ਮੀਟਿੰਗ
ਕਈ ਜ਼ਰੂਰੀ ਮੁੱਦੇ ਵਿਚਾਰੇ
ਬਮਿਆਲ, 11 ਅਗਸਤ (ਰਕੇਸ਼ ਸ਼ਰਮਾ)-ਅੱਜ ਰਾਵੀ ਜੱਟ ਸਭਾ ਦੇ ਕੋਰ ਕਮੇਟੀ ਦੇ ਅਹੁਦੇਦਾਰਾਂ ਦੀ ਮੀਟਿੰਗ ਬਚਨ ਸਿੰਘ ਸੈਕਰੇਟਰੀ ਡੇਰਾ ਮੰਗਵਾਲ ਦੇ ਗ੍ਰਹਿ ਵਿਖੇ ਚੇਅਰਮੈਨ ਪਾਲ ਸਿੰਘ ਤੇ ਪ੍ਰਧਾਨ ਬਲਬੀਰ ਸਿੰਘ ਦੀ ਪ੍ਰਧਾਨਗੀ ਹੇਠ ਹੋਈ । ਜਿਸ ’ਚ ਵੱਖ-ਵੱਖ ਮੁੱਦਿਆਂ ’ਤੇ ਗਹਿਰੀ ਵਿਚਾਰ ਚਰਚਾ ਕੀਤੀ ਗਈ ।
ਬਮਿਆਲ, 11 ਅਗਸਤ (ਰਕੇਸ਼ ਸ਼ਰਮਾ)-ਅੱਜ ਰਾਵੀ ਜੱਟ ਸਭਾ ਦੇ ਕੋਰ ਕਮੇਟੀ ਦੇ ਅਹੁਦੇਦਾਰਾਂ ਦੀ ਮੀਟਿੰਗ ਬਚਨ ਸਿੰਘ ਸੈਕਰੇਟਰੀ ਡੇਰਾ ਮੰਗਵਾਲ ਦੇ ਗ੍ਰਹਿ ਵਿਖੇ ਚੇਅਰਮੈਨ ਪਾਲ ਸਿੰਘ ਤੇ ਪ੍ਰਧਾਨ ਬਲਬੀਰ ਸਿੰਘ ਦੀ ਪ੍ਰਧਾਨਗੀ ਹੇਠ ਹੋਈ । ਜਿਸ ’ਚ ਵੱਖ-ਵੱਖ ਮੁੱਦਿਆਂ ’ਤੇ ਗਹਿਰੀ ਵਿਚਾਰ ਚਰਚਾ ਕੀਤੀ ਗਈ । ਜਿਸ ’ਚ ਮਾਈਨਿੰਗ ਦਾ ਮੁੱਦਾ ਕਾਫੀ ਭਾਰੂ ਰਿਹਾ, ਕਿਉਂਕਿ ਇਸ ਨਾਲ ਇਲਾਕੇ ਦੀਆਂ ਸੜਕਾਂ ਟੁੱਟ ਰਹੀਆਂ ਹਨ, ਪਾਣੀ ਦਾ ਪੱਧਰ ਥੱਲੇ ਜਾ ਰਿਹਾ ਹੈ ਤੇ ਹਾਦਸੇ ਵੀ ਵਾਪਰ ਰਹੇ ਹਨ । ਇਸ ਤੋਂ ਇਲਾਵਾ ਕਥਲੌਰ ਦੀ ਜੰਗਲਾਤ ਤੋਂ ਸੂਰ ਨਿਕਲ ਕੇ ਚੜਦੇ ਪਾਸੇ ਦੇ ਪਿੰਡਾਂ ਦੇ ਗੰਨੇ ਦੀ ਫਸਲ ਦਾ ਕਾਫੀ ਨੁਕਸਾਨ ਕਰ ਰਹੇ ਹਨ । ਇਸ ਤੋਂ ਇਲਾਵਾ ਝੋਨੇ ਦੀ ਫਸਲ ਤੇ ਆੜ੍ਹਤੀਆਂ ਵਲੋਂ ਬੇਲੋੜੇ ਕੱਟ ਲਗਾਉਣਾ, ਜਿਸ ਦੇ ਨਾਲ ਜਿੰਮੀਦਾਰਾਂ ਦਾ ਕਾਫੀ ਨੁਕਸਾਨ ਹੁੰਦਾ ਹੈ ਤੇ ਨਾਲ ਹੀ ਮੰਡੀਆਂ ਵਿਚ ਡਿਜ਼ੀਟਲ ਕੰਡੇ ਰਾਹੀਂ ਫਸਲ ਨੂੰ ਤੁਲਵਾਉਣ ਦੀ ਪ੍ਰਥਾ ਸ਼ੁਰੂ ਕਰਾਉਣੀ ਆਦਿ ਵਿਸ਼ੇ ਚਰਚਾ ਦਾ ਕੇਂਦਰ ਰਹੇ । 1962 ਦੀ ਚੱਕਬੰਦੀ ਦੌਰਾਨ ਸਰਕਾਰ ਦੁਆਰਾ ਜਿੰਮੀਦਾਰਾਂ ਨੂੰ ਉਨ੍ਹਾਂ ਦੇ ਖੇਤਾਂ ਲਈ ਜੋ ਪਾਣੀ ਦੇ ਸਾਧਨ ਮੁਹੱਈਆ ਕਰਵਾਏ ਗਏ ਸਨ, ਉਨ੍ਹਾਂ ’ਤੇ ਕੁਝ ਲੋਕਾਂ ਵਲੋਂ ਕਬਜ਼ੇ ਕਰ ਲਏ ਗਏ ਹਨ । ਇਹ ਕਬਜ਼ੇ ਖਾਲੀ ਕਰਵਾਉਣ ’ਤੇ ਵੀ ਕਾਫੀ ਗਹਿਰੀ ਚਰਚਾ ਹੋਈ । ਅਖੀਰ ’ਚ ਸਭਾ ਵਲੋਂ ਸਰਬਸੰਮਤੀ ਨਾਲ ਫੈਸਲਾ ਕੀਤਾ ਗਿਆ ਕਿ ਇਨ੍ਹਾਂ ਸਭਨਾਂ ਬਿੰਦੂਆਂ ਦਾ ਇਕ ਮੰਗ ਪੱਤਰ ਬਣਾ ਕੇ ਮਾਨਯੋਗ ਮੰਤਰੀ ਲਾਲ ਚੰਦ ਕਟਾਰੂਚੱਕ ਪੰਜਾਬ ਸਰਕਾਰ ਨੂੰ ਦੇਣ ਦਾ ਵੀ ਫੈਸਲਾ ਕੀਤਾ ਗਿਆ । ਉਪਰੋਕਤ ਤੋਂ ਇਲਾਵਾ ਮੀਟਿੰਗ ਵਿਚ ਸੁਖਦੇਵ ਸਿੰਘ ਨੰਗਲ ਸੀਨੀਅਰ ਉਪ ਪ੍ਰਧਾਨ, ਕੈਪ: ਹਰਪਾਲ ਸਿੰਘ ਉਪ ਪ੍ਰਧਾਨ, ਮੱਖਣ ਸਿੰਘ ਮੈਨੇਜਰ, ਪ੍ਰਸ਼ੋਤਮ ਸਿੰਘ ਕਾਨੂੰਨੀ ਸਲਾਹਕਾਰ, ਕੈਪ: ਬਲਬੀਰ ਸਿੰਘ ਖਜ਼ਾਨਚੀ ਤੋਂ ਇਲਾਵਾ ਡਾ: ਰਾਜ ਸਿੰਘ, ਅਮਰੀਕ ਸਿੰਘ, ਪੂਰਨ ਸਿੰਘ, ਲੱਖਾ ਸਿੰਘ ਅਤੇ ਬਲਜੀਤ ਸਿੰਘ ਆਦਿ ਮੈਂਬਰ ਹਾਜ਼ਰ ਰਹੇ।
