ਪਿੰਡ ਬੱਬੇਹਾਲੀ ਨੇੜੇ ਸੜਕ ’ਤੇ ਜਾਂਦੀ ਕਾਰ ਉੱਪਰ ਡਿੱਗਾ ਦਰੱਖ਼ਤ ਦਾ ਟਾਹਣਾ
ਗੁਰਦਾਸਪੁਰ, 2 ਅਕਤੂਬਰ (ਚੱਕਰਾਜਾ)-ਇਥੋਂ ਨਜ਼ਦੀਕੀ ਪਿੰਡ ਬੱਬੇਹਾਲੀ ਮੇਨ ਰੋਡ ’ਤੇ ਅੱਜ ਅਚਾਨਕ ਸੜਕ ’ਤੇ ਜਾ ਰਹੀ ਇਕ ਕਾਰ ਉਪਰ ਦਰੱਖਤ ਦਾ ਟਾਹਣਾ ਡਿੱਗ ਗਿਆ। ਜਿਸ ਕਾਰਨ ਕੋਈ ਵੱਡਾ ਜਾਨੀ ਨੁਕਸਾਨ ਹੋਣ ਤੋਂ ਬਚ ਗਿਆ।
ਗੁਰਦਾਸਪੁਰ, 2 ਅਕਤੂਬਰ (ਚੱਕਰਾਜਾ)-ਇਥੋਂ ਨਜ਼ਦੀਕੀ ਪਿੰਡ ਬੱਬੇਹਾਲੀ ਮੇਨ ਰੋਡ ’ਤੇ ਅੱਜ ਅਚਾਨਕ ਸੜਕ ’ਤੇ ਜਾ ਰਹੀ ਇਕ ਕਾਰ ਉਪਰ ਦਰੱਖਤ ਦਾ ਟਾਹਣਾ ਡਿੱਗ ਗਿਆ। ਜਿਸ ਕਾਰਨ ਕੋਈ ਵੱਡਾ ਜਾਨੀ ਨੁਕਸਾਨ ਹੋਣ ਤੋਂ ਬਚ ਗਿਆ। ਪਰ ਇਸ ਹਾਦਸੇ ਵਿਚ ਕਾਰ ਕਾਫੀ ਨੁਕਸਾਨੀ ਗਈ। ਜਾਣਕਾਰੀ ਦਿੰਦੇ ਹੋਏ ਪਵਨ ਕੁਮਾਰ ਵਾਸੀ ਕੋਟ ਖਾਨ ਮੁਹੰਮਦ ਨੇ ਦੱਸਿਆ ਕਿ ਉਹ ਆਪਣੇ ਪਿਤਾ ਨੂੰ ਕਾਰ ’ਚ ਬਿਠਾ ਕੇ ਉਕਤ ਸੜਕ ਤੋਂ ਲੰਘ ਰਿਹਾ ਸੀ ਕਿ ਦੇਖਦੇ ਹੀ ਦੇਖਦੇ ਅਚਾਨਕ ਦਰੱਖਤ ਦਾ ਇਕ ਟਹਿਣਾ ਉਨ੍ਹਾਂ ਦੀ ਗੱਡੀ ’ਤੇ ਆ ਡਿੱਗਿਆ, ਜਿਸ ਨਾਲ ਉਸ ਦੀ ਗੱਡੀ ਦਾ ਕਾਫੀ ਨੁਕਸਾਨ ਹੋ ਗਿਆ। ਉਸ ਨੇ ਦੱਸਿਆ ਕਿ ਉਸ ਵਲੋਂ ਕਾਰ ਰੋਕ ਕੇ ਬਚਣ ਦੀ ਕੋਸ਼ਿਸ਼ ਵੀ ਕੀਤੀ ਗਈ। ਪਰ ਕਾਰ ਰੁਕਣ ਤੱਕ ਦਰੱਖਤ ਕਾਰ ਉਪਰ ਆ ਕੇ ਡਿੱਗ ਗਿਆ। ਜਿਕਰਯੋਗ ਹੈ ਕਿ ਸੜਕ ਕਿਨਾਰੇ ਪੁਰਾਣੇ ਦਰਖਤ ਪਹਿਲਾਂ ਵੀ ਕਈ ਹਾਦਸਿਆਂ ਦਾ ਕਾਰਨ ਬਣ ਚੁੱਕੇ ਹਨ ।
