ਪ੍ਰਾਜੈਕਟ ਆਵਾਜ਼ ਤਹਿਤ ਰਾਜ ਪੱਧਰੀ ਕਲਾ ਅਧਿਆਪਕਾਂ ਲਈ ਦੋ ਰੋਜ਼ਾ ਸਿਖਲਾਈ ਸ਼ੁਰੂ
ਪਠਾਨਕੋਟ, 6 ਅਕਤੂਬਰ (ਵਿਨੋਦ)-ਪ੍ਰਾਜੈਕਟ ਆਵਾਜ਼ ਤਹਿਤ ਰਾਜ ਭਰ ਦੇ ਸਰਕਾਰੀ ਸਕੂਲਾਂ ਵਿਚ ਕਲਾ ਅਧਿਆਪਕਾਂ ਲਈ ਦੋ ਰੋਜ਼ਾ ਸਿਖਲਾਈ ਸ਼ੁਰੂ ਹੋਈ। ਜ਼ਿਲ੍ਹਾ ਪੱਧਰੀ ਪਠਾਨਕੋਟ ਸਿਖਲਾਈ ਜ਼ਿਲ੍ਹਾ ਕਲਾ ਸਲਾਹਕਾਰ ਵਿਕਾਸ ਕੁਮਾਰ ਤੇ ਮੈਡਮ ਸ਼ਿਲਪੀ ਦੀ ਨਿਗਰਾਨੀ ਹੇਠ ਸਰਕਾਰੀ ਹਾਈ ਸਕੂਲਾਂ ਵਿਖੇ ਆਯੋਜਿਤ ਕੀਤੀ ਗਈ।
ਅ
ਅਧਿਆਪਕਾਂ ਨੂੰ ਟ੍ਰੇਨਿੰਗ ਦਿੰਦੇ ਹੋਏ ਅਧਿਕਾਰੀ । ਤਸਵੀਰ : ਵਿਨੋਦ
07-10-2026
ਪਠਾਨਕੋਟ, 6 ਅਕਤੂਬਰ (ਵਿਨੋਦ)-ਪ੍ਰਾਜੈਕਟ ਆਵਾਜ਼ ਤਹਿਤ ਰਾਜ ਭਰ ਦੇ ਸਰਕਾਰੀ ਸਕੂਲਾਂ ਵਿਚ ਕਲਾ ਅਧਿਆਪਕਾਂ ਲਈ ਦੋ ਰੋਜ਼ਾ ਸਿਖਲਾਈ ਸ਼ੁਰੂ ਹੋਈ। ਜ਼ਿਲ੍ਹਾ ਪੱਧਰੀ ਪਠਾਨਕੋਟ ਸਿਖਲਾਈ ਜ਼ਿਲ੍ਹਾ ਕਲਾ ਸਲਾਹਕਾਰ ਵਿਕਾਸ ਕੁਮਾਰ ਤੇ ਮੈਡਮ ਸ਼ਿਲਪੀ ਦੀ ਨਿਗਰਾਨੀ ਹੇਠ ਸਰਕਾਰੀ ਹਾਈ ਸਕੂਲਾਂ ਵਿਖੇ ਆਯੋਜਿਤ ਕੀਤੀ ਗਈ। ਸਮਰਪਾਲ ਸਿੰਘ, ਕੁਲਦੀਪ ਸਿੰਘ, ਰਾਕੇਸ਼ ਕੁਮਾਰ, ਬੋਧ ਰਾਜ, ਸੁਸ਼ੀਲ ਕੁਮਾਰ, ਰਾਜੇਸ਼ ਕੁਮਾਰ, ਉਪਿੰਦਰ ਕੁਮਾਰ, ਰਣਜੀਤ ਕੁਮਾਰ, ਰਾਜ ਰਾਣੀ, ਰੇਣੂ ਬਾਲਾ, ਰਜਨੀ ਸੈਣੀ, ਸਾਕਸ਼ੀ, ਮਨਦੀਪ ਕੌਰ, ਜਸਬੀਰ ਕੌਰ, ਨੀਰਜ ਅਤੇ ਕੰਚਨ ਬਾਲਾ ਸਮੇਤ ਜ਼ਿਲ੍ਹੇ ਦੇ ਸਾਰੇ ਕਲਾ ਅਧਿਆਪਕਾਂ ਨੇ ਭਾਗ ਲਿਆ। ਇਸ ਮੌਕੇ ਕਲਾ ਮੁਖੀ ਮੈਡਮ ਸ਼ਿਲਪੀ ਨੇ ਦੱਸਿਆ ਕਿ ‘ਪ੍ਰਾਜੈਕਟ ਆਵਾਜ਼’ ਤੇ ‘ਸਲੈਮ ਆਉਟ ਲਾਊਡ’ ਇਕ ਪਹਿਲਕਦਮੀ ਹੈ, ਜਿਸ ਦਾ ਉਦੇਸ਼ ਸਰਕਾਰੀ ਸਕੂਲਾਂ ਦੇ ਵਿਦਿਆਰਥੀਆਂ ਵਿਚ ਕਲਾ ਦੀ ਪਰਿਵਰਤਨਸ਼ੀਲ ਸ਼ਕਤੀ ਫੈਲਾਉਣਾ ਹੈ । ਇਹ ਪ੍ਰੋਗਰਾਮ ਬੱਚਿਆਂ ਵਿਚ ਜੀਵਨ ਹੁਨਰਾਂ ਜਿਵੇਂ ਕਿ ਭਾਵਨਾਤਮਿਕ ਪ੍ਰਬੰਧਨ, ਕਲਪਨਾ ਤੇ ਭਾਗੀਦਾਰੀ ਨੂੰ ਵਿਕਸਿਤ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ, ਕਲਾ ਅਧਿਆਪਕਾਂ ਦੇ ਸਿੱਖਿਆ ਤੇ ਸਿੱਖਣ ਦੇ ਤਰੀਕਿਆਂ, ਸਿਖਲਾਈ ਅਤੇ ਹੁਨਰਾਂ ਵਿਚ ਸੁਧਾਰ ਕਰਕੇ। ਜ਼ਿਲ੍ਹਾ ਕਲਾ ਮੁਖੀ ਵਿਕਾਸ ਕੁਮਾਰ ਨੇ ਕਿਹਾ ਕਿ ਕਲਾ ਬੱਚਿਆਂ ਦੀ ਕਲਪਨਾ ਨੂੰ ਵਧਾਉਂਦੀ ਹੈ। ਇਹ ਉਨ੍ਹਾਂ ਭਾਵਨਾਵਾਂ ਨੂੰ ਪ੍ਰਗਟ ਕਰਨ ਵਿਚ ਮਦਦ ਕਰਦੀ ਹੈ, ਜੋ ਸ਼ਬਦਾਂ ਵਿਚ ਪ੍ਰਗਟ ਕਰਨਾ ਮੁਸ਼ਕਿਲ ਹੁੰਦਾ ਹੈ ਤੇ ਇਸ ਤਰ੍ਹਾਂ ਸਮਝ ਅਤੇ ਖੋਜ ਦੀ ਅੰਦਰੂਨੀ ਪ੍ਰਕਿਰਿਆ ਨੂੰ ਉਤਸ਼ਾਹਿਤ ਕਰਦਾ ਹੈ। ਕਲਾ ਹਰ ਬੱਚੇ ਨੂੰ ਆਪਣੇ ਵਿਲੱਖਣ ਤਰੀਕੇ ਨਾਲ ਹਿੱਸਾ ਲੈਣ ਦਾ ਮੌਕਾ ਦਿੰਦੀ ਹੈ । ਕਲਾ ਬੱਚਿਆਂ ਲਈ ਆਪਣੇ ਵਿਲੱਖਣ ਤਰੀਕਿਆਂ ਨਾਲ ਵਧਣ ਤੇ ਵਧਣ-ਫੁੱਲਣ ਲਈ ਇਕ ਸੁਰੱਖਿਅਤ ਵਾਤਾਵਰਨ ਬਣਾ ਸਕਦੀ ਹੈ।
