ਤਲਾਕਸ਼ੁਦਾ ਲੜਕੀ ਅਗਵਾ, 4 ਖ਼ਿਲਾਫ਼ ਮਾਮਲਾ ਦਰਜ
ਬਟਾਲਾ, 10 ਅਕੂਬਰ (ਰਾਕੇਸ਼ ਰੇਖੀ)-ਤਲਾਕਸ਼ੁਦਾ ਮਹਿਲਾ ਨੂੰ ਅਗਵਾ ਕਰਨ ਦੇ ਦੋਸ਼ ਤਹਿਤ ਪੁਲਿਸ ਨੇ ਚਾਰ ਵਿਅਕਤੀਆਂ ਦੇ ਖ਼ਿਲਾਫ਼ ਮਾਮਲਾ ਦਰਜ਼ ਕੀਤਾ ਹੈ। ਥਾਣਾ ਸ੍ਰੀ ਕਰਤਾਰਪੁਰ ਸਾਹਿਬ ਕੋਰੀਡੋਰ ਦੇ ਏ.
ਬਟਾਲਾ, 10 ਅਕੂਬਰ (ਰਾਕੇਸ਼ ਰੇਖੀ)-ਤਲਾਕਸ਼ੁਦਾ ਮਹਿਲਾ ਨੂੰ ਅਗਵਾ ਕਰਨ ਦੇ ਦੋਸ਼ ਤਹਿਤ ਪੁਲਿਸ ਨੇ ਚਾਰ ਵਿਅਕਤੀਆਂ ਦੇ ਖ਼ਿਲਾਫ਼ ਮਾਮਲਾ ਦਰਜ਼ ਕੀਤਾ ਹੈ। ਥਾਣਾ ਸ੍ਰੀ ਕਰਤਾਰਪੁਰ ਸਾਹਿਬ ਕੋਰੀਡੋਰ ਦੇ ਏ. ਐਸ. ਆਈ. ਰਣਜੀਤ ਸਿੰਘ ਨੇ ਦੱਸਿਆ ਕਿ ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਥਾਣਾ ਮੇਹਟੀਆਨਾ ਦੇ ਪਿੰਡ ਮੁਖਲੀਆਨਾ ਦੇ ਰਹਿਣ ਵਾਲੇ ਮੁਗਦੁ ਪੁੱਤਰ ਰੋਸ਼ਨਦੀਨ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਉਸ ਦੇ ਚਾਚੇ ਦੀ ਲੜਕੀ ਛਾਬੀ ਦਾ ਆਪਣੇ ਪਤੀ ਨਾਲ ਤਲਾਕ ਹੋ ਚੁੱਕਿਆ ਹੈ ਅਤੇ ਉਸ ਦੇ ਕੋਲ ਹੀ ਰਹਿੰਦੀ ਹੈ। ਬੀਤੇ ਕੁਝ ਦਿਨਾਂ ਤੋਂ ਵੁਹ ਆਪਣੀ ਚਚੇਰੀ ਭੈਣ ਛਾਬੀ ਦੇ ਨਾਲ ਪਿੰਡ ਸ਼ਾਹਪੁਰ ਗੋਰਾਇਆ ਵਿਚ ਆਪਣੇ ਮਾਮੇ ਦੇ ਲੜਕੇ ਜ਼ਾਕਿਰ ਦੇ ਡੇਰੇ ’ਤੇ ਮਿਲਣ ਆਇਆ ਹੋਇਆ ਸੀ। ਬੀਤੇ ਦਿਨੀਂ ਛਾਬੀ ਨਲਕੇ ’ਤੇ ਪਾਣੀ ਭਰ ਰਹੀ ਸੀ ਕਿ ਇਸੇ ਦੌਰਾਨ ਚਿੱਟੇ ਰੰਗ ਦੀ ਇਕ ਸਵਿਫਟ ਕਾਰਵਾਈ, ਜਿਸ ’ਚ 4 ਵਿਅਕਤੀ ਸਵਾਰ ਸਨ। ਉਕਤ ਵਿਅਕਤੀ ਜ਼ਬਰਦਸਤੀ ਛਾਬੀ ਨੂੰ ਗੱਡੀ ਵਿਚ ਬਿਠਾ ਕੇ ਲੈ ਗਏ। ਬਾਅਦ ਵਿਚ ਉਸ ਨੂੰ ਪਤਾ ਲੱਗਿਆ ਕਿ ਅਗਵਾਕਾਰਾਂ ਵਿਚ ਭਾਉਆ ਪੁੱਤਰ ਜੰਗੂ ਵਾਸੀ ਹਾਲਟਾ ਜ਼ਿਲ੍ਹਾ ਹੁਸ਼ਿਆਰਪੁਰ, ਦੀਨ ਮਹੁੰਮਦ ਪੁੱਤਰ ਜਮਾਲਦੀਨ ਵਾਸੀ ਸੁੰਦਰਚੱਕ ਜ਼ਿਲ੍ਹਾ ਪਠਾਨਕੋਟ ਅਤੇ ਦੋ ਨਾਮਾਲੂਮ ਵਿਅਕਤੀ ਸ਼ਾਮਿਲ ਸਨ। ਏ. ਐਸ. ਆਈ. ਰਣਜੀਤ ਸਿੰਘ ਨੇ ਦੱਸਿਆ ਕਿ ਉਕਤ ਵਿਅਕਤੀਆਂ ਦੇ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਪੁਲਿਸ ਦੋਸ਼ੀਆਂ ਦੇ ਅਗਵਾਹ ਕੀਤੀ ਗਈ ਲੜਕੀ ਦੀ ਭਾਲ ਕਰ ਰਹੀ ਹੈ।
