ਕਰੰਟ ਲੱਗਣ ਨਾਲ ਮਰੀਆਂ ਗਾਵਾਂ ਨੂੰ ਦਫਨਾਉਣ ਗਏ ਗਊ ਭਗਤ ਸਰਕਾਰੀ ਗਊਸ਼ਾਲਾ ਦਾ ਹਾਲ ਦੇਖ ਹੋਏ ਦੁਖੀ
ਗੁਰਦਾਸਪੁਰ, 13 ਅਕਤੂਬਰ (ਚੱਕਰਾਜਾ)-ਬੀਤੇ ਦਿਨੀਂ ਗੁਰਦਾਸਪੁਰ ਦੀ ਧਰਤੀ ਨਾਥ ਗਊਸ਼ਾਲਾ ਵਿਚ ਅਚਾਨਕ ਤੂਫਾਨ ਕਾਰਨ ਇਕ ਹਾਈ ਵੋਲਟ ਬਿਜਲੀ ਤਾਰ ਗਊਸ਼ਾਲਾ ਦੀ ਸ਼ੈਡ ’ਤੇ ਡਿੱਗ ਗਈ। ਜਿਸ ਕਰਕੇ ਕਰੰਟ ਲੱਗਣ ਨਾਲ ਪੰਜ ਗਾਵਾਂ ਤੇ ਪੰਜ ਵੱਛਿਆਂ ਦੀ ਮੌਤ ਹੋ ਗਈ ਸੀ।
ਗੁਰਦਾਸਪੁਰ, 13 ਅਕਤੂਬਰ (ਚੱਕਰਾਜਾ)-ਬੀਤੇ ਦਿਨੀਂ ਗੁਰਦਾਸਪੁਰ ਦੀ ਧਰਤੀ ਨਾਥ ਗਊਸ਼ਾਲਾ ਵਿਚ ਅਚਾਨਕ ਤੂਫਾਨ ਕਾਰਨ ਇਕ ਹਾਈ ਵੋਲਟ ਬਿਜਲੀ ਤਾਰ ਗਊਸ਼ਾਲਾ ਦੀ ਸ਼ੈਡ ’ਤੇ ਡਿੱਗ ਗਈ। ਜਿਸ ਕਰਕੇ ਕਰੰਟ ਲੱਗਣ ਨਾਲ ਪੰਜ ਗਾਵਾਂ ਤੇ ਪੰਜ ਵੱਛਿਆਂ ਦੀ ਮੌਤ ਹੋ ਗਈ ਸੀ। ਗਊਸ਼ਾਲਾ ਵਿਚ ਜਗ੍ਹਾ ਦੀ ਕਮੀ ਹੋਣ ਕਾਰਨ ਇਨ੍ਹਾਂ ਗਾਵਾਂ ਨੂੰ ਗੁਰਦਾਸਪੁਰ ਵਿਚ ਨਹੀਂ ਦਫਨਾਇਆ ਜਾ ਸਕਿਆ ਤਾਂ ਗਊ ਭਗਤਾਂ ਨੇ ਇਨਾਂ ਗਊਆਂ ਦਾ ਅੰਤਿਮ ਸੰਸਕਾਰ ਕਲਾਨੌਰ ਦੀ ਸਰਕਾਰੀ ਗਊਸ਼ਾਲਾ ਵਿਚ ਕਰਨ ਦਾ ਫੈਸਲਾ ਕੀਤਾ । ਅੱਜ ਗੁਰਦਾਸਪੁਰ ਤੋਂ ਗਊ ਭਗਤ ਇਨਾਂ ਮ੍ਰਿਤਕ ਗਊਆਂ ਨੂੰ ਲੈ ਕੇ ਕਲਾਨੌਰ ਦੇ ਸਰਕਾਰੀ ਗਊਸ਼ਾਲਾ ਵਿਖੇ ਪਹੁੰਚੇ। ਪਰ ਸਰਕਾਰੀ ਗਊਸ਼ਾਲਾ ਵਿਚ ਗਾਵਾਂ ਦਾ ਮਾੜਾ ਹਾਲ ਦੇਖ ਕੇ ਉਹ ਬਹੁਤ ਦੁਖੀ ਹੋਏ। ਗਊ ਭਗਤਾਂ ਦਾ ਕਹਿਣਾ ਹੈ ਕਿ ਇਸ ਗਊਸ਼ਾਲਾ ਦੀ ਦੇਖਰੇਖ ਲਈ ਸਰਕਾਰੀ ਅਧਿਕਾਰੀਆਂ ਨੂੰ ਅਬਜ਼ਰਵਰ ਨਿਯੁਕਤ ਕੀਤਾ ਗਿਆ ਹੈ। ਪਰ ਕਈ ਦਿਨਾਂ ਤੋਂ ਇੱਥੇ ਗਊਆਂ ਨੂੰ ਹਰਾ ਚਾਰਾ ਨਹੀਂ ਮਿਲ ਰਿਹਾ। ਜਿਸ ਕਾਰਨ ਪਿਛਲੇ ਦਿਨ ਹੀ ਇਸ ਸਰਕਾਰੀ ਗਊਸ਼ਾਲਾ ਵਿਚ ਵੀ ਕਈ ਗਊਆਂ ਦੀ ਭੁੱਖ ਕਾਰਨ ਮੌਤ ਹੋ ਚੁੱਕੀ ਹੈ । ਨਗਰ ਕੌਂਸਲ ਤੇ ਹੋਰ ਕਈ ਜਗ੍ਹਾ ’ਤੇ ਕਾਊ ਸੈੱਸ ਦੇ ਨਾਂਅ ’ਤੇ ਆਮ ਜਨਤਾ ਕੋਲੋਂ ਟੈਕਸ ਲਿਆ ਜਾਂਦਾ ਹੈ। ਪਰ ਗਊਸ਼ਾਲਾਵਾਂ ਦੇ ਰੱਖ ਰਖਾਵ ਤੇ ਗਾਵਾਂ ਦੀ ਹਾਲਤ ਸੁਧਾਰਨ ਵਿਚ ਇਨਾਂ ਪੈਸਿਆਂ ਦੀ ਵਰਤੋਂ ਨਹੀਂ ਕੀਤੀ ਜਾਂਦੀ। ਉਨਾਂ ਕਿਹਾ ਕਿ ਪੰਜਾਬ ਸਰਕਾਰ ਗਊਸ਼ਾਲਾਵਾਂ ਦੀ ਹਾਲਤ ਸੁਧਾਰਨ ਲਈ ਵਧੇਰੇ ਯਤਨ ਕਰ ਰਹੀ ਹੈ। ਪਰ ਅਧਿਕਾਰੀਆਂ ਦਾ ਇਸ ਪਾਸੇ ਕੋਈ ਧਿਆਨ ਨਹੀਂ ਹੈ ਜੋ ਨਿੰਦਰਯੋਗ ਹੈ ।
