ਯੂਰੀਆ ਨਾਲ ਫਾਲਤੂ ਸਾਮਾਨ ਲੈਣ ਲਈ ਕੀਤਾ ਜਾ ਰਿਹਾ ਮਜਬੂਰ-ਜੋਗਾ ਸਿੰਘ
ਧਾਰੀਵਾਲ, 9 ਨਵੰਬਰ (ਸਵਰਨ ਸਿੰਘ)- ਖ਼ਾਦ ਵਿਕ੍ਰੇਤਾਵਾਂ ਵਲੋਂ ਪਹਿਲਾਂ ਡੀ. ਏ.
ਧਾਰੀਵਾਲ, 9 ਨਵੰਬਰ (ਸਵਰਨ ਸਿੰਘ)- ਖ਼ਾਦ ਵਿਕ੍ਰੇਤਾਵਾਂ ਵਲੋਂ ਪਹਿਲਾਂ ਡੀ.ਏ.ਪੀ. ਖ਼ਾਦ ਨਾਲ ਕਿਸਾਨਾਂ ਨੂੰ ਹੋਰ ਬੇਲੋੜਾ ਸਮਾਨ ਵੇਚਿਆ ਗਿਆ ਤੇ ਹੁਣ ਯੂਰੀਆ ਖ਼ਾਦ ਦੇ ਨਾਲ ਵੀ ਕਿਸਾਨਾਂ ਨੂੰ ਫਾਲਤੂ ਸਮਾਨ ਲੈਣ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ। ਇਸ ਨਾਲ ਕਿਸਾਨਾਂ ਵਿਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ। ਸਾ. ਡਾਇਰੈਕਟਰ ਜੋਗਾ ਸਿੰਘ ਆਲੋਵਾਲ ਨੇ ਦੱਸਿਆ ਕਿ ਇਲਾਕੇ ’ਚ ਲਗਪਗ ਸਾਰੇ ਹੀ ਖ਼ਾਦ ਵਿਕ੍ਰੇਤਾ ਅਜਿਹਾ ਕਰ ਰਹੇ ਹਨ। ਕਿਸਾਨ ਨੂੰ ਖ਼ਾਦ ਲੈਣੀ ਮਜ਼ਬੂਰੀ ਹੈ, ਜਿਸ ਦਾ ਫਾਇਦਾ ਉਠਾ ਕੇ ਵਿਕ੍ਰੇਤਾ ਉਸ ਨੂੰ ਮਹਿੰਗਾ ਤੇ ਬੇਲੋੜਾ ਸਾਮਾਨ ਥੋਪ ਰਹੇ ਹਨ, ਜਿਸ ਨਾਲ ਕਿਸਾਨਾਂ ’ਤੇ ਵਾਧੂ ਆਰਥਿਕ ਬੋਝ ਪੈ ਰਿਹਾ ਹੈ। ਉਨ੍ਹਾਂ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਅਜਿਹੇ ਖ਼ਾਦ ਵਿਕ੍ਰੇਤਾਵਾਂ ’ਤੇ ਨਕੇਲ ਕੱਸੀ ਜਾਵੇ ਅਤੇ ਕਿਸਾਨਾਂ ਨੂੰ ਬਿਨਾਂ ਕਿਸੇ ਸ਼ਰਤ ਦੇ ਸਿਰਫ਼ ਖ਼ਾਦ ਮੁਹੱਈਆ ਕਰਵਾਈ ਜਾਵੇ ਤਾਂ ਜੋ ਕਿਸਾਨਾਂ ਨੂੰ ਰਾਹਤ ਮਿਲ ਸਕੇ।
