ਐਸ . ਡੀ . ਕਾਲਜ ਵਲੋਂ ਯੁਵਾ ਇਨੋਵੇਸ਼ਨ ਮੇਲਾ
ਗੁਰਦਾਸਪੁਰ, 14 ਨਵੰਬਰ (ਪੰਕਜ ਸ਼ਰਮਾ)- ਪੰਡਿਤ ਮੋਹਨ ਲਾਲ ਐਸ. ਡੀ.
ਗੁਰਦਾਸਪੁਰ, 14 ਨਵੰਬਰ (ਪੰਕਜ ਸ਼ਰਮਾ)- ਪੰਡਿਤ ਮੋਹਨ ਲਾਲ ਐਸ.ਡੀ. ਕਾਲਜ ਫਾਰ ਵੁਮੈਨ ਵਲੋਂ ਸੰਸਥਾ ਦੇ ਨਵੀਨਤਾ ਪ੍ਰੀਸ਼ਦ (ਆਈ.ਆਈ.ਸੀ.) ਦੇ ਸੈਲੀਬ੍ਰੇਸ਼ਨ ਸੈੱਲ ਅਤੇ ਸੈਂਟਰਲ ਐਸੋਸੀਏਸ਼ਨ ਵਲੋਂ ਨੈਸ਼ਨਲ ਐਜੂ-ਟਰੱਸਟ ਆਫ਼ ਇੰਡੀਆ ਦੇ ਸਹਿਯੋਗ ਨਾਲ ਰਾਸ਼ਟਰੀ ਉੱਦਮਤਾ ਦਿਵਸ ਮਨਾਉਣ ਲਈ ਯੁਵਾ ਇਨੋਵੇਸ਼ਨ ਮੇਲਾ 3.0–2026 ਕਰਵਾਇਆ ਗਿਆ। ਇਹ ਮੇਲਾ ਹਰ ਸਾਲ ਨੈਸ਼ਨਲ ਐਜੂ-ਟਰੱਸਟ ਆਫ਼ ਇੰਡੀਆ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਸਮਰਥ ਸ਼ਰਮਾ ਦੇ ਸੁਚੱਜੇ ਮਾਰਗਦਰਸ਼ਨ ਤੇ ਨਿਰੰਤਰ ਸਹਿਯੋਗ ਸਦਕਾ ਸਫ਼ਲਤਾ ਪੂਰਵਕ ਕਰਵਾਇਆ ਜਾਂਦਾ ਹੈ। ਸਮਾਗਮ ਵਿਚ 79 ਵਿਦਿਆਰਥੀਆਂ ਤੇ 5 ਅਧਿਆਪਕਾਂ ਨੇ ਉਤਸ਼ਾਹ ਨਾਲ ਭਾਗ ਲਿਆ। ਮੇਲੇ ਨੇ ਵਿਦਿਆਰਥੀਆਂ ਨੂੰ ਆਪਣੀ ਸਿਰਜਣਾਤਮਕਤਾ, ਉੱਦਮੀ ਹੁਨਰ, ਨਵੀਨਤਮ ਵਿਚਾਰਾਂ ਤੇ ਵਪਾਰਕ ਸੂਝ-ਬੂਝ ਦਾ ਪ੍ਰਦਰਸ਼ਨ ਕਰਨ ਲਈ ਸ਼ਾਨਦਾਰ ਮੰਚ ਪ੍ਰਦਾਨ ਕੀਤਾ। ਵਿਦਿਆਰਥੀਆਂ ਵਲੋਂ ਕਈ ਸਟਾਲ ਲਗਾਏ ਗਏ। ਕਾਲਜ ਦੇ ਪ੍ਰਿੰਸੀਪਲ ਡਾ: ਨੀਰੂ ਸ਼ਰਮਾ ਨੇ ਵਿਦਿਆਰਥੀਆਂ ਨੂੰ ਨਵੇਂ ਅਤੇ ਰਚਨਾਤਮਕ ਵਿਚਾਰਾਂ ਨੂੰ ਵਿਕਸਿਤ ਕਰਨ, ਉੱਦਮੀ ਸੋਚ ਅਪਣਾਉਣ ਤੇ ਆਪਣੀਆਂ ਯੋਗਤਾਵਾਂ ਵਿਚ ਵਿਸ਼ਵਾਸ ਰੱਖਣ ਲਈ ਪ੍ਰੇਰਿਤ ਕੀਤਾ। ਉਨ੍ਹਾਂ ਵਿਦਿਆਰਥੀਆਂ ਨੂੰ ਆਤਮ-ਨਿਰਭਰ, ਸਿਰਜਣਾਤਮਕ ਤੇ ਭਵਿੱਖ ਦੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨ ਦੇ ਸਮਰੱਥ ਬਣਨ ਲਈ ਉਤਸ਼ਾਹਿਤ ਕੀਤਾ। ਸਮਾਗਮ ਨੂੰ ਸਫ਼ਲ ਬਣਾਉਣ ਵਿਚ ਡਾ: ਰਵਨੀਤ ਕੌਰ (ਸੰਯੋਜਕ ਆਈ.ਆਈ.ਸੀ) ਤੇ ਸਮਿਤਾ ਖਜੂਰੀਆ (ਸੰਯੋਜਕ ਸੈਂਟਰਲ ਐਸੋਸੀਏਸ਼ਨ ਅਤੇ ਇੰਚਾਰਜ, ਸੈਲੀਬ੍ਰੇਸ਼ਨ ਸੈੱਲ, (ਆਈ.ਆਈ.ਸੀ) ਦੇ ਸਮਰਪਿਤ ਯਤਨਾਂ ਦੀ ਅਹਿਮ ਭੂਮਿਕਾ ਰਹੀ।
