ਅਬੋਹਰ, 8 ਅਪ੍ਰੈਲ (ਤੇਜਿੰਦਰ ਸਿੰਘ ਖ਼ਾਲਸਾ)-ਅਬੋਹਰ ਦੇ ਉੱਘੇ ਸਮਾਜਸੇਵੀ ਗਗਨ ਚੁੱਘ ਨੇ ਆਪਣੇ ਸਵ. ਪਿਤਾ ਮੇਹਰ ਚੰਦ ਦੀ ਤੀਜੀ ਬਰਸੀ ਨੂੰ ਯਾਦਗਾਰੀ ਅਤੇ ਪ੍ਰੇਰਨਾਦਾਇਕ ਬਣਾਉਣ ਲਈ ਇਕ ਵਿਲੱਖਣ ਪਹਿਲ ਕੀਤੀ | ਆਮ ਤੌਰ 'ਤੇ ਬਰਸੀ 'ਤੇ ਲੰਗਰ ਲਗਾਇਆ ਜਾਂਦਾ ਹੈ ਪਰ ਇਸ ਵਾਰ ਵਾਤਾਵਰਨ ਸੁਰੱਖਿਆ ਨੂੰ ਪਹਿਲ ਦਿੰਦੇ ਹੋਏ ਉਨ੍ਹਾਂ ਨੇ ਰੁੱਖ ਲਗਾਉਣ ਦਾ ਫ਼ੈਸਲਾ ਕੀਤਾ | ਇਸ ਦੌਰਾਨ ਗਰੀਨ ਸਿਟੀ ਟੀਮ ਦਾ ਸ਼ਲਾਘਾਯੋਗ ਸਮਰਥਨ ਅਰੋੜਾ ਵਿਕਾਸ ਮੰਚ ਦੇ ਪ੍ਰਧਾਨ ਗਗਨ ਚੁੱਘ ਅਤੇ ਉਨ੍ਹਾਂ ਦੀ ਪਤਨੀ ਰੇਣੂ ਚੁੱਘ ਨੇ ਗਰੀਨ ਸਿਟੀ ਟੀਮ ਦੀ ਮਦਦ ਨਾਲ 6 ਬੋਹੜ ਦੇ ਰੁੱਖ ਲਗਾਏ | ਇਸ ਦੇ ਨਾਲ ਹੀ ਰੁੱਖਾਂ ਦੀ ਸੁਰੱਖਿਆ ਲਈ ਟ੍ਰੀ ਗਾਰਡ ਪ੍ਰਦਾਨ ਕਰਨ ਵਿਚ ਵੀ ਹਰ ਸੰਭਵ ਯੋਗਦਾਨ ਪਾਇਆ ਗਿਆ | ਇਸ ਮੌਕੇ ਡਾ.ਅਮਨਦੀਪ, ਡਾ.ਸਾਹਿਲ ਮਿੱਤਲ, ਸੌਰਵ ਡੋਡਾ, ਸੁਨੀਲ ਗੱਖੜ, ਧਰਮਿੰਦਰ, ਚਿੰਕੂ, ਕੁਲਵੰਤ, ਪਵਨ, ਗੋਰਾ, ਪ੍ਰਵੀਨ ਗੋਇਲ, ਨਵੀਨ, ਸੰਜੈ ਡੋਡਾ, ਅੰਕੁਸ਼, ਗੌਤਮ, ਗਗਨ ਆਦਿ ਮੌਜੂਦ ਸਨ | ਜਿਨ੍ਹਾਂ ਨੇ ਇਸ ਪਹਿਲਕਦਮੀ ਦੀ ਸ਼ਲਾਘਾ ਕੀਤੀ ਅਤੇ ਇਸ ਨੂੰ ਸਮਾਜ ਲਈ ਪ੍ਰੇਰਨਾਦਾਇਕ ਕਿਹਾ |
