ਮੰਡੀ ਰੋੜਾਂਵਾਲੀ, 28 ਅਪ੍ਰੈਲ (ਮਨਜੀਤ ਸਿੰਘ ਬਰਾੜ)-ਬਾਬਾ ਖ਼ੁਸ਼ਦਿਲ ਸਪੋਰਟਸ ਕਲੱਬ ਜੰਡਵਾਲਾ ਭੀਮੇਸ਼ਾਹ ਵਲੋਂ ਇਕ ਦਿਨਾ ਕਿ੍ਕਟ ਟੂਰਨਾਮੈਂਟ ਕਰਵਾਇਆ ਗਿਆ | ਜਿਸ ਵਿਚ ਵੱਖ-ਵੱਖ ਜਗਾ ਤੋਂ ਪੁੱਜੀਆਂ 18 ਟੀਮਾਂ ਨੇ ਭਾਗ ਲਿਆ | ਇਸ ਟੂਰਨਾਮੈਂਟ ਵਿਚ 17 ਹਜ਼ਾਰ ਰੁਪਏ ਦਾ ਪਹਿਲਾਂ ਇਨਾਮ ਜੋੜਕੀ ਅੰਧੇਵਾਲੀ ਵਲੋਂ ਪ੍ਰਾਪਤ ਕੀਤਾ ਗਿਆ | 11 ਹਜ਼ਾਰ ਰੁਪਏ ਦਾ ਦੂਸਰਾ ਇਨਾਮ ਤਰਖਾਣ ਵਾਲਾ ਵਲੋਂ ਪ੍ਰਾਪਤ ਕੀਤਾ ਗਿਆ, ਜਦੋਂ ਕਿ 21-21 ਹਜ਼ਾਰ ਰੁਪਏ ਦਾ ਤੀਸਰਾ ਅਤੇ ਚੌਥਾ ਇਨਾਮ ਘਟਿਆਂ ਵਾਲੀ ਅਤੇ ਉਦੇਕਰਨ ਵਲੋਂ ਪ੍ਰਾਪਤ ਕੀਤਾ ਗਿਆ | ਇਸ ਟੂਰਨਾਮੈਂਟ ਮੌਕੇ ਵਿਸ਼ੇਸ਼ ਤੌਰ ਤੇ ਪੁੱਜੇ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਹਲਕਾ ਇੰਚਾਰਜ ਸਤਿੰਦਰਜੀਤ ਸਿੰਘ ਮੰਟਾ ਅਤੇ ਕਰਨ ਕੰਬੋਜ ਹਰੀਪੁਰਾ ਵਲੋਂ ਬਾਬਾ ਖ਼ੁਸ਼ਦਿਲ ਸਪੋਰਟਸ ਕਲੱਬ ਜੰਡਵਾਲਾ ਭੀਮੇਸ਼ਾਹ ਨੂੰ 21 ਹਜ਼ਾਰ ਰੁਪਏ ਸਹਾਇਤਾ ਵਜੋਂ ਦਿੱਤੇ ਗਏ, ਜਦੋਂ ਕਿ ਪਿੰਡ ਦੇ ਨੌਜਵਾਨ ਮਹਿਕ ਸੰਧੂ ਕੈਨੇਡਾ ਵਲੋਂ 15 ਹਜ਼ਾਰ ਰੁਪਏ ਦਿੱਤੇ ਗਏ | ਇਸ ਟੂਰਨਾਮੈਂਟ ਨੂੰ ਕਰਵਾਉਣ ਵਿਚ ਸਾਬਕਾ ਚੇਅਰਮੈਨ ਓਮ ਪ੍ਰਕਾਸ਼ ਕੰਬੋਜ ਹਰੀਪੁਰਾ, ਸਰਪੰਚ ਮਹਿੰਦਰਪਾਲ ਕੰਬੋਜ, ਸਾਬਕਾ ਬਲਾਕ ਸੰਮਤੀ ਮੈਂਬਰ ਜਗਜੀਤ ਸਿੰਘ ਬਿੱਟੂ ਸੰਧੂ, ਰਾਜਨ ਖੇੜਾ, ਸਾਬਕਾ ਬਲਾਕ ਸੰਮਤੀ ਮੈਂਬਰ ਜਰਨੈਲ ਸਿੰਘ, ਰਾਜ ਕੁਮਾਰ ਪੰਚ, ਸੁਖਵਿੰਦਰ ਸਿੰਘ ਆਦਿ ਵਲੋਂ ਵਿਸ਼ੇਸ਼ ਸਹਿਯੋਗ ਦਿੱਤਾ ਗਿਆ |
