ਕੇ.ਵੀ.ਕੇ ਫਾਜ਼ਿਲਕਾ ਵਿਖੇ ਮਹਿਲਾ ਸਸ਼ਕਤੀਕਰਨ ਅਤੇ ਪੇਂਡੂ ਉੱਦਮਤਾ ਨੂੰ ਉਤਸ਼ਾਹਿਤ ਕਰਨ ਲਈ ਦੋ ਪੰਜ-ਰੋਜ਼ਾ ਸਿਖਲਾਈ ਪ੍ਰੋਗਰਾਮ ਦੀ ਸ਼ੁਰੂਆਤ
ਅਬੋਹਰ, 3 ਅਗਸਤ (ਸੁਖਜੀਤ ਸਿੰਘ ਬਰਾੜ)-ਖੇਤੀਬਾੜੀ ਵਿਗਿਆਨ ਕੇਂਦਰ (ਕੇ. ਵੀ.
ਅਬੋਹਰ, 3 ਅਗਸਤ (ਸੁਖਜੀਤ ਸਿੰਘ ਬਰਾੜ)-ਖੇਤੀਬਾੜੀ ਵਿਗਿਆਨ ਕੇਂਦਰ (ਕੇ.ਵੀ.ਕੇ), ਆਈ.ਸੀ.ਏ.ਆਰ–ਸੀਫੈਟ, ਖੇਤਰੀ ਕੇਂਦਰ, ਅਬੋਹਰ ਵਲੋਂ ਪੇਂਡੂ ਮਹਿਲਾਵਾਂ ਅਤੇ ਨੌਜਵਾਨਾਂ ਨੂੰ ਸਵੈ-ਰੁਜ਼ਗਾਰ ਅਤੇ ਉੱਦਮਤਾ ਨਾਲ ਜੋੜਨ ਦੇ ਉਦੇਸ਼ ਨਾਲ ਦੋ ਪੰਜ-ਰੋਜ਼ਾ ਪੇਸ਼ੇਵਰ ਸਿਖਲਾਈ ਪ੍ਰੋਗਰਾਮਾਂ ਦੀ ਕੀਤੀ ਗਈ ।ਪਹਿਲਾ ਸਿਖਲਾਈ ਅਨੁਸੂਚਿਤ ਜਾਤੀ ਉਪ ਯੋਜਨਾ ਦੇ ਤਹਿਤ ਕਲਾ ਅਤੇ ਸ਼ਿਲਪ ਵਿਸ਼ੇ ‘ਤੇ ਅਤੇ ਦੂਜਾ ਆਤਮਾ, ਫਾਜ਼ਿਲਕਾ ਦੇ ਸਹਿਯੋਗ ਨਾਲ ਵਿਗਿਆਨਕ ਮੁਰਗੀ ਪਾਲਣ ਵਿਸ਼ੇ ‘ਤੇ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਦੋਵੇਂ ਸਿਖਲਾਈ ਪ੍ਰੋਗਰਾਮ 03 ਤੋਂ 07 ਅਗਸਤ 2026 ਤੱਕ ਚੱਲਣਗੇ।ਐਸ.ਸੀ.ਐਸ.ਪੀ. ਦੇ ਤਹਿਤ ਆਯੋਜਿਤ ਕਲਾ ਅਤੇ ਸ਼ਿਲਪ ਸਿਖਲਾਈ ਵਿੱਚ ਫਾਜ਼ਿਲਕਾ ਜ਼ਿਲ੍ਹੇ ਦੇ 11 ਤੋਂ ਵੱਧ ਪਿੰਡਾਂ ਦੀਆਂ 25 ਮਹਿਲਾਵਾਂ ਨੇ ਭਾਗ ਲਿਆ। ਸਿਖਲਾਈ ਦੌਰਾਨ ਭਾਗੀਦਾਰਾਂ ਨੂੰ ਫੈਬਰਿਕ ਅਤੇ ਪੇਪਰ ਕਰਾਫਟ, ਸਜਾਵਟੀ ਵਸਤੂਆਂ ਦਾ ਨਿਰਮਾਣ, ਗੁਣਵੱਤਾ ਸੁਧਾਰ, ਆਕਰਸ਼ਕ ਪੈਕੇਜਿੰਗ, ਬ੍ਰਾਂਡਿੰਗ, ਕੀਮਤ ਨਿਰਧਾਰਨ ਅਤੇ ਮਾਰਕੀਟਿੰਗ ਸਬੰਧੀ ਵਿਹਾਰਕ ਜਾਣਕਾਰੀ ਦਿੱਤੀ ਜਾਵੇਗੀ, ਤਾਂ ਜੋ ਉਹ ਘਰੇਲੂ ਪੱਧਰ ‘ਤੇ ਸਵੈ-ਰੁਜ਼ਗਾਰ ਅਤੇ ਸੂਖਮ ਉੱਦਮ ਸਥਾਪਤ ਕਰਕੇ ਆਰਥਿਕ ਤੌਰ ’ਤੇ ਆਤਮਨਿਰਭਰ ਬਣ ਸਕਣ।ਇਸੇ ਤਰ੍ਹਾਂ, ਆਤਮਾ ਫਾਜ਼ਿਲਕਾ ਦੇ ਸਹਿਯੋਗ ਨਾਲ ਆਯੋਜਿਤ ਵਿਗਿਆਨਕ ਮੁਰਗੀ ਪਾਲਣ ਸਿਖਲਾਈ ਵਿੱਚ ਜ਼ਿਲ੍ਹੇ ਦੇ 6 ਤੋਂ ਵੱਧ ਪਿੰਡਾਂ ਦੇ 20 ਭਾਗੀਦਾਰ, ਜਿਨ੍ਹਾਂ ਵਿਚ 3 ਮਹਿਲਾਵਾਂ ਵੀ ਸ਼ਾਮਲ ਹਨ, ਭਾਗ ਲੈ ਰਹੇ ਹਨ। ਸਿਖਲਾਈ ਵਿਚ ਬ੍ਰਾਇਲਰ ਅਤੇ ਲੇਅਰ ਪਾਲਣ, ਉੱਨਤ ਨਸਲਾਂ ਦੀ ਚੋਣ, ਰਿਹਾਇਸ਼ ਅਤੇ ਖੁਰਾਕ ਪ੍ਰਬੰਧਨ, ਰੋਗ ਨਿਯੰਤਰਣ, ਟੀਕਾਕਰਨ, ਬਾਇਓ-ਸੁਰੱਖਿਆ, ਆਰਥਿਕ ਪ੍ਰਬੰਧਨ, ਮਾਰਕੀਟਿੰਗ ਅਤੇ ਸਰਕਾਰੀ ਯੋਜਨਾਵਾਂ ਦੀ ਜਾਣਕਾਰੀ ਦੇ ਨਾਲ-ਨਾਲ ਵਿਹਾਰਕ ਸਿਖਲਾਈ ਵੀ ਦਿੱਤੀ ਜਾਵੇਗੀ।ਇਹਨਾਂ ਸਿਖਲਾਈ ਪ੍ਰੋਗਰਾਮਾਂ ਦਾ ਸੰਚਾਲਨ ਕੇਵੀਕੇ ਫਾਜ਼ਿਲਕਾ ਦੇ ਵਿਗਿਆਨੀਆਂ ਅਤੇ ਵਿਸ਼ਾ ਮਾਹਿਰਾਂ ਵਲੋਂ ਕੀਤਾ ਜਾ ਰਿਹਾ ਹੈ। ਵਿਸ਼ੇਸ਼ਜ਼ ਲੈਕਚਰਾਂ, ਵਿਹਾਰਕ ਪ੍ਰਦਰਸ਼ਨਾਂ ਅਤੇ ਉੱਦਮਤਾ ਵਿਕਾਸ ਸੈਸ਼ਨਾਂ ਰਾਹੀਂ ਭਾਗੀਦਾਰਾਂ ਨੂੰ ਆਮਦਨ ਵਧਾਉਣ ਅਤੇ ਸਵੈ-ਰੁਜ਼ਗਾਰ ਦੇ ਨਵੇਂ ਮੌਕਿਆਂ ਨਾਲ ਜੋੜਨ ਦਾ ਯਤਨ ਕੀਤਾ ਜਾ ਰਿਹਾ ਹੈ, ਜਿਸ ਨਾਲ ਪੇਂਡੂ ਮਹਿਲਾਵਾਂ ਅਤੇ ਨੌਜਵਾਨਾਂ ਦੀ ਆਰਥਿਕ ਸਥਿਤੀ ਮਜ਼ਬੂਤ ਹੋਣ ਦੇ ਨਾਲ-ਨਾਲ ਪੇਂਡੂ ਉੱਦਮਤਾ ਅਤੇ ਸਥਾਨਕ ਆਰਥਿਕਤਾ ਨੂੰ ਵੀ ਹੁਲਾਰਾ ਮਿਲੇਗਾ।
