76 ਵਾਂ ਸਾਲਾਨਾ ਧਾਰਮਿਕ ਸਮਾਗਮ ਕਰਵਾਇਆ
ਬੱਲੂਆਣਾ, 17 ਅਕਤੂਬਰ (ਜਸਮੇਲ ਸਿੰਘ ਢਿੱਲੋਂ)- ਗੁਰਦੁਆਰਾ ਟਿੱਬਾ ਸਾਹਿਬ ਬੱਲੂਆਣਾ ਵਿਖੇ 1 ਅੱਸੂ ਤੋਂ ਅਖੰਡ ਪਾਠ ਦੀ ਇਕੋਤਰੀ ਲੜੀ ਚੱਲ ਰਹੀ ਸੀ ਜਿਸ ਦੇ 1 ਕੱਤਕ ਨੂੰ ਭੋਗ ਪਾਏ ਗਏ। ਇਕ ਅੱਸੂ ਤੋਂ ਲੈ ਕੇ ਅੱਜ ਤੱਕ ਲਗਭਗ 300 ਅਖੰਡ ਪਾਠ ਦੇ ਭੋਗ ਸੰਪੂਰਨ ਹੋਏ।
ਬੱਲੂਆਣਾ, 17 ਅਕਤੂਬਰ (ਜਸਮੇਲ ਸਿੰਘ ਢਿੱਲੋਂ)- ਗੁਰਦੁਆਰਾ ਟਿੱਬਾ ਸਾਹਿਬ ਬੱਲੂਆਣਾ ਵਿਖੇ 1 ਅੱਸੂ ਤੋਂ ਅਖੰਡ ਪਾਠ ਦੀ ਇਕੋਤਰੀ ਲੜੀ ਚੱਲ ਰਹੀ ਸੀ ਜਿਸ ਦੇ 1 ਕੱਤਕ ਨੂੰ ਭੋਗ ਪਾਏ ਗਏ। ਇਕ ਅੱਸੂ ਤੋਂ ਲੈ ਕੇ ਅੱਜ ਤੱਕ ਲਗਭਗ 300 ਅਖੰਡ ਪਾਠ ਦੇ ਭੋਗ ਸੰਪੂਰਨ ਹੋਏ। ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਜਤਿੰਦਰ ਪਾਲ ਸਿੰਘ ਰੋਮੀ ਨੇ ਦੱਸਿਆ ਕਿ ਹਰ ਸਾਲ ਇਕ ਅੱਸੂ ਤੋਂ ਅਖੰਡ ਪਾਠ ਦੀ ਲੜੀ ਸ਼ੁਰੂ ਹੁੰਦੀ ਹੈ। ਇਕ ਕੱਤਕ ਨੂੰ ਭੋਗ ਪਾਏ ਜਾਂਦੇ ਹਨ। ਇਸ ਸਮੇਂ ਸੰਬੋਧਨ ਕਰਦਿਆਂ ਭਾਈ ਗੁਰਮੀਤ ਸਿੰਘ ਬਿੱਟੂ ਨੇ ਦੱਸਿਆ ਕਿ ਦੇਸ਼ ਦੀ ਵੰਡ ਤੋਂ ਪਹਿਲਾਂ ਟਿੱਬਾ ਸਾਹਿਬ ਗੁਰਦੁਆਰਾ ਪਾਕਿਸਤਾਨ ਵਿਖੇ ਸੁਸ਼ੋਭਿਤ ਸੀ ਜਿੱਥੇ ਸੰਤ ਸਤਨਾਮ ਸਿੰਘ ਤੇ ਉਨ੍ਹਾਂ ਦੇ ਸੇਵਕ ਸੰਤ ਕਰਤਾਰ ਸਿੰਘ ਸਨ। ਉਕਤ ਸੰਤਾਂ ਨੇ ਉੱਥੇ ਚਰਨ ਛੋਹ ਮਿੱਟੀ ਲਿਆ ਕੇ ਇੱਥੇ ਗੁਰਦੁਆਰਾ ਟਿੱਬਾ ਸਾਹਿਬ ਸੁਸ਼ੋਭਿਤ ਕੀਤਾ। ਇਸ ਸਮੇਂ ਗਿਆਨੀ ਗੁਰਪ੍ਰਤਾਪ ਸਿੰਘ ਪਦਮ, ਬੀਬੀ ਦਲੇਰ ਕੌਰ ਖ਼ਾਲਸਾ, ਗਿਆਨੀ ਪ੍ਰੀਤਮ ਸਿੰਘ ਪਰਵਾਨਾ, ਗਿਆਨੀ ਮਨਦੀਪ ਸਿੰਘ ਮੁਰੀਦ, ਭਾਈ ਅਪਾਰ ਸਿੰਘ ਖ਼ਾਲਸਾ ਜ਼ੀਰਾ ਵਾਲੇ ਤੇ ਭਾਈ ਜਗਦੀਸ਼ ਸਿੰਘ ਹਜ਼ੂਰੀ ਰਾਗੀ ਜਥਿਆਂ ਨੇ ਤਿੰਨ ਦਿਨ ਸਮਾਗਮਾਂ ਦੌਰਾਨ ਸੰਗਤਾਂ ਨੂੰ ਗੁਰੂਆਂ ਇਤਿਹਾਸ ਸੁਣਾ ਕੇ ਨਿਹਾਲ ਕੀਤਾ।
