ਅੰਮਿ੍ਤਸਰ, 4 ਫਰਵਰੀ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਏਸ਼ੀਆ ਦੀਆਂ ਸਭ ਤੋਂ ਵੱਡੀਆਂ ਮੰਡੀਆਂ 'ਚ ਸ਼ੁਮਾਰ ਜ਼ਿਲ੍ਹ੍ਹਾ ਅੰਮਿ੍ਤਸਰ ਦੀ ਪ੍ਰਮੁੱਖ ਦਾਣਾ ਮੰਡੀ ਭਗਤਾਂ ਵਾਲਾ ਵਿਖੇ ਅੱਜ ਮੁਨੀਮ ਭਾਈਚਾਰੇ ਵਲੋਂ ਗੱਲਾ ਆੜਤੀਆ ਐਸੋਸੀਏਸ਼ਨ ਦੇ ਨਵਨਿਯੁਕਤ ਪ੍ਰਧਾਨ ਅਮਨਦੀਪ ਸਿੰਘ ਛੀਨਾ ਨੂੰ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਛੀਨਾ ਨੇ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਮੰਡੀ ਤੇ ਮੰਡੀ ਨਾਲ ਸੰਬੰਧਿਤ ਹਰੇਕ ਵਰਗ ਦੀ ਬਿਹਤਰੀ ਅਤੇ ਹੱਕਾਂ ਦੀ ਰਾਖੀ ਲਈ ਹਮੇਸ਼ਾ ਵਾਂਗ ਯਤਨਸ਼ੀਲ ਰਹਿਣਗੇ | ਉਨ੍ਹਾਂ ਕਿਹਾ ਕਿ ਮੁਨੀਮ ਭਾਈਚਾਰਾ ਮੰਡੀ ਦਾ ਅਹਿਮ ਹਿੱਸਾ ਹੈ, ਜਿਨ੍ਹਾਂ ਦੀ ਭੂਮਿਕਾ ਨੂੰ ਅਣਗੌਲਿਆ ਨਹੀਂ ਕੀਤਾ ਜਾ ਸਕਦਾ | ਛੀਨਾ ਨੇ ਇਹ ਵੀ ਕਿਹਾ ਕਿ ਉਹ ਸਰਕਾਰ, ਪ੍ਰਸ਼ਾਸਨ, ਮੰਡੀ ਬੋਰਡ, ਮਾਰਕੀਟ ਕਮੇਟੀ ਦੇ ਸਹਿਯੋਗ ਨਾਲ ਮੰਡੀ 'ਚ ਨਵੇਂ ਸ਼ੈੱਡ, ਸੜਕਾਂ ਦਾ ਨਿਰਮਾਣ, ਪੁਨਰ ਨਿਰਮਾਣ ਸਮੇਤ ਹਰ ਲੋੜੀਂਦੀ ਸਹੂਲਤਾਂ ਲਈ ਲਗਾਤਾਰ ਪ੍ਰਬੰਧ ਕਰਵਾ ਰਹੇ ਹਨ | ਉਨ੍ਹਾਂ ਇਹ ਵੀ ਦੱਸਿਆ ਕਿ ਮਿਤੀ 7 ਫਰਵਰੀ 2026 ਨੂੰ ਗੱਲਾ ਆੜਤੀ ਐਸੋਸੀਏਸ਼ਨ ਦਾਣਾ ਮੰਡੀ ਭਗਤਾਂਵਾਲਾ ਵਿਖੇ ਸਮਾਗਮ ਕਰਵਾਇਆ ਜਾ ਰਿਹਾ ਹੈ, ਜਿਸ 'ਚ ਐਸੋਸੀਏਸ਼ਨ ਦਾ ਵਿਸਥਾਰ ਕਰਦਿਆਂ ਜਨਰਲ ਸਕੱਤਰ, ਖਜਾਨਚੀ ਸਮੇਤ ਹੋਰ ਅਹੁਦੇਦਾਰਾਂ ਦੀ ਚੋਣ ਕੀਤੀ ਜਾਵੇਗੀ | ਇਸ ਮੌਕੇ ਨਰੇਸ਼ ਸ਼ਰਮਾ, ਸੰਦੀਪ ਚੋਪੜਾ, ਰਵੀ ਕੁਮਾਰ, ਦੀਪਕ ਕੁਮਾਰ, ਦਮਨ, ਮਨਦੀਪ ਸਿੰਘ, ਸੁੱਖ, ਅਰਜਨ, ਪ੍ਰਦੀਪ ਕੁਮਾਰ, ਗੋਲਡੀ, ਅਮਨ ਆਦਿ ਹਾਜ਼ਰ ਸਨ |