ਅੰਮਿ੍ਤਸਰ, 5 ਮਾਰਚ (ਸੁਰਿੰਦਰ ਕੋਛੜ)-ਰੋਟਰੀ ਕਲੱਬ ਅੰਮਿ੍ਤਸਰ ਸਾਊਥ ਈਸਟ ਦੇ ਪ੍ਰਧਾਨ ਰੋਟੇਰੀਅਨ ਐੱਸ. ਪੀ. ਸਿੰਘ (ਆਲ ਇੰਡੀਆ ਰੇਡੀਓ) ਦੀ ਪ੍ਰਧਾਨਗੀ ਹੇਠ ਹੋਲੀ ਦਾ ਤਿਉਹਾਰ ਗਰੋਵਰ ਫਾਰਮ 'ਚ ਮਨਾਇਆ ਗਿਆ | ਸਮਾਗਮ 'ਚ ਰੋਟਰੀ ਚੇਅਰਮੈਨ ਇੰਜ. ਪੀ. ਐੱਸ. ਗਰੋਵਰ ਨੇ ਵਿਸ਼ੇਸ਼ ਤੌਰ 'ਤੇ ਹਾਜ਼ਰੀ ਲਗਵਾਈ | ਇਸ ਮੌਕੇ ਫ਼ਸਟ ਕਲੱਬ ਲੇਡੀ ਰੋਟੇਰੀਅਨ ਵਰਿੰਦਰ ਕੌਰ ਮਾਣਕ, ਸਾਬਕਾ ਪ੍ਰਧਾਨ ਡਾ: ਅਤੁਲ ਸ਼ਰਮਾ, ਉਪ ਪ੍ਰਧਾਨ ਡਾ: ਜਸਪਾਲ ਸਾਹਨੀ, ਕਲੱਬ ਸਕੱਤਰ ਕੇ. ਕੇ. ਢੰਡ, ਪਦਮਜੀਤ ਸਿੰਘ, ਬਲਬੀਰ ਸਿੰਘ ਬਮਰਾਹ, ਹਰਜਿੰਦਰ ਸਿੰਘ ਬੱਗਾ ਆਦਿ ਰੋਟੇਰੀਅਨ ਸਮੇਤ ਉਨ੍ਹਾਂ 'ਚੋਂ ਕੁਝ ਦੀਆਂ ਧਰਮ-ਪਤਨੀਆਂ ਨੇ ਭਾਗ ਲਿਆ | ਸਮਾਗਮ ਦੌਰਾਨ ਪ੍ਰਧਾਨ ਐੱਸ. ਪੀ. ਸਿੰਘ ਨੇ ਸਾਰੇ ਮਹਿਮਾਨਾਂ ਅਤੇ ਮੈਂਬਰਾਂ ਦਾ ਸਵਾਗਤ ਕੀਤਾ | ਇਸ ਤੋਂ ਬਾਅਦ ਉਨ੍ਹਾਂ ਨੇ ਹੋਲੀ ਅਤੇ ਹੋਲਾ ਮਹੱਲਾ ਦੇ ਤਿਉਹਾਰਾਂ ਦੀ ਇਤਿਹਾਸਕ ਅਤੇ ਸਭਿਆਚਾਰਕ ਮਹੱਤਤਾ ਬਾਰੇ ਵਿਸਥਾਰਪੂਰਵਕ ਅਤੇ ਬਹੁਤ ਹੀ ਪ੍ਰਭਾਵਸ਼ਾਲੀ ਢੰਗ ਨਾਲ ਚਾਨਣਾ ਪਾਇਆ | ਇਸ ਮੌਕੇ ਵਰਿੰਦਰ ਕੌਰ ਮਾਣਕ ਵਲੋਂ ਹਾਜ਼ਰ ਰੋਟੇਰੀਅਨਜ਼ ਅਤੇ ਮਹਿਲਾਵਾਂ ਨੂੰ ਹੋਲੀ ਦਾ ਟਿੱਕਾ ਲਗਾ ਕੇ ਤਿਉਹਾਰ ਦੀਆਂ ਵਧਾਈਆਂ ਦਿੱਤੀਆਂ ਗਈਆਂ |
