ਅੰਮਿ੍ਤਸਰ, 7 ਮਾਰਚ (ਰਾਜੇਸ਼ ਕੁਮਾਰ ਸ਼ਰਮਾ)-ਪੈਟਰੋਲੀਅਮ ਐਂਡ ਨੈਚੂਰਲ ਗੈਸ ਰੈਗੂਲੇਟਰੀ ਬੋਰਡ ਵਲੋਂ ਸ਼ੁਰੂ ਕੀਤੇ ਗਏ ਪੀ. ਐਨ. ਜੀ. ਡਰਾਈਵ 2.0 ਦੇ ਤਹਿਤ ਗੁਜਰਾਤ ਗੈਸ ਲਿਮਿਟਡ ਵਲੋਂ ਅੰਮਿ੍ਤਸਰ 'ਚ ਇਕ ਵਾਕਾਥੌਨ ਰੈਲੀ ਕੱਢੀ ਗਈ | ਇਸ ਦਾ ਮਕਸਦ ਘਰਾਂ ਲਈ ਪਾਈਪਡ ਨੈਚੂਰਲ ਗੈਸ ਅਤੇ ਵਾਹਨਾਂ ਲਈ ਕੰਪ੍ਰੈੱਸਡ ਨੈਚੂਰਲ ਗੈਸ ਦੇ ਫ਼ਾਇਦਿਆਂ ਬਾਰੇ ਲੋਕਾਂ 'ਚ ਜਾਗਰੂਕਤਾ ਫੈਲਾਉਣਾ ਅਤੇ ਸਾਫ਼ ਤੇ ਵਾਤਾਵਰਨ-ਮਿੱਤਰ ਇੰਧਨਾਂ ਦੀ ਵਰਤੋਂ ਨੂੰ ਉਤਸ਼ਾਹਿਤ ਕਰਨਾ ਸੀ | ਇਸ ਵਾਕਾਥੌਨ ਰੈਲੀ ਨੂੰ ਡਾ. ਜੈ ਇੰਦਰ ਸਿੰਘ ਐਡੀਸ਼ਨਲ ਕਮਿਸ਼ਨਰ ਨਗਰ ਨਿਗਮ ਅੰਮਿ੍ਤਸਰ ਵਲੋਂ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ ਗਿਆ | ਇਸ 'ਚ ਲਗਭਗ 150 ਭਾਗੀਦਾਰਾਂ ਨੇ ਭਾਗ ਲਿਆ ਅਤੇ ਉਨ੍ਹਾਂ ਨੇ ਰਣਜੀਤ ਐਵੀਨਿਊ ਦੀਆਂ ਮੁੱਖ ਸੜਕਾਂ 'ਤੇ ਕਰੀਬ 3 ਿੌੱਲੋਮੀਟਰ ਦਾ ਸਫ਼ਰ ਤੈਅ ਕੀਤਾ | ਡਾ. ਜੈ ਇੰਦਰ ਸਿੰਘ ਨੇ ਇਸ ਪਹਿਲ ਦੀ ਸਰਾਹਨਾ ਕੀਤੀ ਅਤੇ ਪ੍ਰਦੂਸ਼ਣ ਘਟਾਉਣ ਅਤੇ ਟਿਕਾਊ ਸ਼ਹਿਰੀ ਵਿਕਾਸ ਲਈ ਸਾਫ਼ ਇੰਧਨਾਂ ਨੂੰ ਅਪਣਾਉਣ ਦੀ ਮਹੱਤਤਾ ਉਜਾਗਰ ਕੀਤੀ | ਇਸ ਦੌਰਾਨ ਅੰਮਿ੍ਤਸਰ ਪੁਲਿਸ ਵਲੋਂ ਰੈਲੀ ਦੇ ਸੁਚੱਜੇ ਅਤੇ ਸੁਰੱਖਿਅਤ ਆਯੋਜਨ ਲਈ ਪੂਰਾ ਸਹਿਯੋਗ ਦਿੱਤਾ ਗਿਆ | ਇਸ ਮੌਕੇ ਰਾਜਮੋਹਿੰਦਰ ਸਿੰਘ ਐੱਸ. ਐੱਚ. ਓ. ਹੈੱਡਕੁਆਰਟਰ, ਤਰੁਣ ਸ਼ਰਮਾ ਜੋਨਲ ਹੈੱਡ ਪੰਜਾਬ ਅਤੇ ਹਰਿਆਣਾ ਅਤੇ ਗੁਰਪਾਲ ਸਿੰਘ ਅਸਿਸਟੈਂਟ ਐਗਜ਼ਿਕਿਊਟਿਵ ਇੰਜੀਨੀਅਰ ਨਗਰ ਨਿਗਮ ਅੰਮਿ੍ਤਸਰ ਆਦਿ ਹਾਜ਼ਰ ਸ਼ਨ |
