ਅੰਮਿ੍ਤਸਰ, 7 ਅ੍ਰਪੈਲ (ਰੇਸ਼ਮ ਸਿੰਘ, ਰਾਜੇਸ਼ ਕੁਮਾਰ ਸ਼ਰਮਾ)-ਲੋਕ ਸੇਵਾ ਲਈ ਵਕਾਰੀ ਸੰਸਥਾ ਵਜੋਂ ਜਾਣੀ ਜਾਂਦੀ ਸੇਵਾ ਭਾਰਤੀ ਦੇ ਮਹਾਂਨਗਰ ਪ੍ਰਧਾਨ ਵਜੋਂ ਤਹਿਸੀਲਦਾਰ ਜੇ.ਪੀ. ਸਲਵਾਨ ਨੂੰ ਮੁੜ ਜ਼ਿਲ੍ਹਾ ਪ੍ਰਧਾਨ ਚੁਣ ਲਿਆ ਗਿਆ ਹੈ | ਇਹ ਫੈਸਲਾ ਸਮੁਚੇ ਮਹਾਂਨਗਰ ਇਕਾਈ ਦੀ ਇਥੇ ਮਦਨ ਲਾਲ ਢੀਂਗਰਾ ਯਾਦਗਾਰੀ ਹਾਲ ਵਿਖੇ ਹੋਈ ਪੁਨਰਗਠਨ ਮੀਟਿੰਗ ਉਪਰੰਤ ਲਿਆ ਗਿਆ ਹੈ | ਮਿਲੇ ਵੇਰਵਿਆਂ ਅਨੁਸਾਰ ਇਹ ਮੀਟਿੰਗ ਪ੍ਰਾਰਥਨਾ ਨਾਲ ਸ਼ੁਰੂ ਹੋਈ ਤੇ ਇਸ ਦਾ ਸੰਚਾਲਨ ਦੀਪਕ ਨੰਦਾ ਨੇ ਕਰਦਿਆਂ ਪਹਿਲੇ ਤੇ ਨਵੇਂ ਅਹੁਦੇਦਾਰਾਂ ਤੇ ਮੈਂਬਰਾਂ ਦੀ ਆਪਸੀ ਜਾਣ ਪਹਿਚਾਣ ਕੀਤੀ | ਇਸ ਮੌਕੇ ਪ੍ਰਧਾਨ ਸ੍ਰੀ ਸਲਵਾਨ ਨੇ ਪਿਛਲੇ ਸਾਲਾਂ ਦਾ ਲੇਖਾ ਜੋਖਾ ਪੇਸ਼ ਕੀਤਾ ਅਤੇ ਮਿਲ ਕੇ ਕੰਮ ਕਰਨ ਤੇ ਉਨ੍ਹਾਂ ਨੂੰ ਬਤੌਰ ਪ੍ਰਧਾਨ ਸਹਿਯੋਗ ਦੇਣ ਲੲਾੀ ਧੰਨਵਾਦ ਕੀਤਾ | ਇਸ ਤੋਂ ਬਾਅਦ ਸੂਬਾ ਸੰਗਠਨ ਸਕੱਤਰ ਸ੍ਰੀ ਸੰਜੀਵ ਕੁਮਾਰ ਨੇ 2026-2029 ਕਾਰਜਕਾਲ ਲਈ ਪੁਨਰਗਠਨ ਪ੍ਰਕਿਰਿਆ ਸ਼ੁਰੂ ਕੀਤੀ | ਇਸ ਮੌਕੇ ਸਰਬਸੰਮਤੀ ਨਾਲ ਇੱਕ ਨਵੀਂ ਕਾਰਜਕਾਰੀ ਕਮੇਟੀ ਬਣਾਈ ਗਈ, ਜਿਸ ਵਿਚ ਸ਼੍ਰੀ ਜੇ.ਪੀ. ਸਲਵਾਨ (ਸੇਵਾਮੁਕਤ ਤਹਿਸੀਲਦਾਰ) ਨੂੰ ਪ੍ਰਧਾਨ ਚੁਣਿਆ ਗਿਆ | ਉਨ੍ਹਾਂ ਤੋਂ ਇਲਾਵਾ ਡਾ. ਮੋਨਾ ਤੁਲੀ ਅਤੇ ਸ਼੍ਰੀ ਗੌਤਮ ਗੰਭੀਰ ਨੂੰ ਉਪ ਪ੍ਰਧਾਨ, ਦੀਪਕ ਨੰਦਾ ਨੂੰ ਵਿਭਾਗ ਸਕੱਤਰ, ਸੁਰੇਂਦਰ ਭੰਡਾਰੀ ਨੂੰ ਜਨਰਲ ਸਕੱਤਰ, ਈਵਾਨ ਕਪੂਰ ਅਤੇ ਬੀ.ਡੀ. ਮੰਨਨ ਨੂੰ ਸਕੱਤਰ, ਰੋਹਿਤ ਖੰਨਾ ਨੂੰ ਖਜ਼ਾਨਚੀ, ਰਾਜੇਸ਼ ਸ਼ਰਮਾ ਨੂੰ ਦਫਤਰ ਸਕੱਤਰ ਅਤੇ ਸ਼੍ਰੀ ਨਿਪੁੰਨ ਸ਼ਰਮਾ ਨੂੰ ਸੋਸ਼ਲ ਮੀਡੀਆ ਮੁਖੀ ਨਿਯੁਕਤ ਕੀਤਾ ਗਿਆ |
