ਅੰਮਿ੍ਤਸਰ, 3 ਜੂਨ (ਰੇਸ਼ਮ ਸਿੰਘ)-ਅੰਮਿ੍ਤਸਰ ਪੁਲਿਸ ਜ਼ਿਲ੍ਹਾ ਦਿਹਾਤੀ ਦੇ ਨਵ ਨਿਯੁਕਤ ਐੱਸ. ਐੱਸ. ਪੀ. ਕੰਵਲਜੀਤ ਸਿੰਘ ਚਾਹਲ ਨੇ ਅੱਜ ਇੱਥੇ ਆਪਣੇ ਦਫ਼ਤਰ ਵਿਖੇ ਆਪਣੇ ਅਹੁਦੇ ਦਾ ਕਾਰਜਭਾਰ ਸੰਭਾਲ ਲਿਆ ਹੈ | ਉਨ੍ਹਾਂ ਨੂੰ ਉਥੇ ਗਾਰਡ ਆਫ ਆਨਰ ਦਿੰਦਿਆਂ ਸਵਾਗਤ ਕੀਤਾ ਗਿਆ | ਸ: ਚਾਹਲ ਨੇ ਅਹੁਦਾ ਸੰਭਾਲੇ ਜਾਣ ਉਪਰੰਤ ਨਸ਼ਿਆਂ ਤੇ ਜਨਤਕ ਸੁਰਖਿਆ 'ਤੇ ਨਸ਼ਾ ਮੁਕਤ ਸਮਾਜ ਦੀ ਨਿਰਮਾਣ ਪ੍ਰਤੀ ਆਪਣੀ ਅੱਟਲ ਵਚਨਬੱਧਤਾ ਨੂੰ ਦੁਹਰਾਇਆ | ਦੱਸਣਯੋਗ ਹੈ ਕਿ ਬੀਤੇ ਦਿਨ ਮਜੀਠਾ ਵਿਖੇ ਚੋਣਾਂ ਮੌਕੇ ਅਮਨ ਕਾਨੂੰਨ ਦੀ ਬਣੀ ਸਥਿਤੀ ਉਪਰੰਤ ਐੱਸ.ਐੱਸ.ਪੀ. ਸੁਹੇਲ ਕਾਸਿਮ ਮੀਰ ਨੂੰ ਅਹੁਦੇ ਤੋਂ ਹਟਾ ਦਿੱਤਾ ਗਿਆ ਹੈ ਜਿਨਾਂ ਦੀ ਥਾਂ 'ਤੇ ਕੰਵਲਪ੍ਰੀਤ ਸਿੰਘ ਏ.ਡੀ.ਸੀ.ਪੀ. ਉਦਯੋਗ ਸੁਰਖਿਆ ਲੁਧਿਆਣਾ ਤੋਂ ਐਸ.ਪੀ. ਹੈੱਡ ਕੁਆਟਰ ਦਿਹਾਤੀ ਲਾਇਆ ਗਿਆ ਹੈ, ਨੂੰ ਐੱਸ.ਐੱਸ.ਪੀ. ਦਾ ਵਾਧੂ ਚਾਰਜ ਦੇ ਦਿੱਤਾ ਗਿਆ ਹੈ |
