ਲੀਗਲ ਕਲਰਕ ਅਸਟੇਟ ਵਿਭਾਗ ਨੂੰ ਆਪਣੇ ਸਾਥੀ ਕਲਰਕ ਨਾਲ ਕੁੱਟਮਾਰ ਕਰਨ ’ਤੇ ਕੀਤਾ ਮੁਅੱਤਲ
ਅਜੀਤ ਡੈਸਕ
31-07-2026
ਬੀਤੇ ਦਿਨੀਂ ਲੀਗਲ ਕਲਰਕ ਅਸਟੇਟ ਵਿਭਾਗ ਸਿਰਮਨਜੀਤ ਸਿੰਘ ਦਾ ਅਸਟੇਟ ਵਿਭਾਗ ਦੇ ਕਲਰਕ ਅਰਵਿੰਦਰ ਸਿੰਘ ਦਾ ਕਿਸੇ ਗੱਲ ਨੂੰ ਲੈ ਕੇ ਝਗੜਾ ਹੋ ਗਿਆ ਅਤੇ ਸਿਰਮਨਜੀਤ ਸਿੰਘ ਵਲੋਂ ਆਪਣੇ ਨਾਲ ਕੁਝ ਬਾਹਰੀ ਲੋਕਾਂ ਨੂੰ ਨਾਲ ਲੈ ਕੇ ਅਰਵਿੰਦਰ ਸਿੰਘ ਨਾਲ ਕੁੱਟਮਾਰ ਕੀਤੀ ਅਤੇ ਉਸ ਨੂੰ ਜਾਤੀ ਸੂਚਕ ਸ਼ਬਦ ਕਹੇ। ਉਕਤ ਮਾਮਲੇ ਦੀ ਅਸਟੇਟ ਵਿਭਾਗ ਵਲੋਂ ਕੀਤੀ ਰਿਪੋਰਟ ਅਤੇ ਵਧੀਕ ਕਮਿਸ਼ਨਰ ਨਗਰ ਨਿਗਮ ਵਲੋਂ ਲਈ ਤਜਵੀਜ ਨੂੰ ਵਿਚਾਰਦੇ ਹੋਏ ਸਿਮਰਨਜੀਤ ਸਿੰਘ ਲੀਗਲ ਕਲਰਕ ਅਸਟੇਟ ਵਿਭਾਗ ਖ਼ਿਲਾਫ਼ ਕਾਰਵਾਈ ਕਰਦੇ ਹੋਏ ਕਮਿਸ਼ਨਰ ਨਗਰ ਨਿਗਮ ਵਲੋਂ ਤੁਰੰਤ ਪ੍ਰਭਾਵ ਨਾਲ ਡਿਊਟੀ ਤੋਂ ਮੁਅੱਤਲ ਕਰਨ ਦੇ ਹੁਕਮ ਕੀਤੇ ਹਨ ਅਤੇ ਮੁਅੱਤਲੀ ਦੌਰਾਨ ਕਰਮਚਾਰੀ ਕੋਈ ਵੀ ਭੱਤਾ ਦੇਣ ਯੋਗ ਨਹੀਂ ਹੋਵੇਗਾ। ਇਸ ਤੋਂ ਇਲਾਵਾ ਕਰਮਚਾਰੀ ਵਿਰੁੱਧ ਅਨੁਸ਼ਾਸਨੀ ਕਾਰਵਾਈ ਅਰੰਭ ਕਰਨ ਲਈ ਸੰਬੰਧਿਤ ਵਿਭਾਗ ਨੂੰ ਹਦਾਇਤਾਂ ਕੀਤੀਆਂ ਗਈਆਂ ਹਨ।
