ਐੱਸ ਜੀ ਠਾਕੁਰ ਸਿੰਘ ਦਾ ਆਰਟ ਗੈਲਰੀ ’ਚ 127ਵਾਂ ਜਨਮ ਦਿਨ ਮਨਾਇਆ
ਅੰਮ੍ਰਿਤਸਰ, 6 ਸਤੰਬਰ (ਹਰਮਿੰਦਰ ਸਿੰਘ)-ਆਰਟ ਗੈਲਰੀ ਦੇ ਪਹਿਲੇ ਪ੍ਰਧਾਨ ਪਦਮ ਸ੍ਰੀ ਐੱਸ ਜੀ ਠਾਕੁਰ ਸਿੰਘ ਦਾ 127 ਵਾਂ ਜਨਮ ਦਿਨ ਉਨ੍ਹਾਂ ਦੀ ਯਾਦਗਾਰ ਆਰਟ ਗੈਲਰੀ ਐੱਮ. ਐੱਮ.
ਅੰਮ੍ਰਿਤਸਰ, 6 ਸਤੰਬਰ (ਹਰਮਿੰਦਰ ਸਿੰਘ)-ਆਰਟ ਗੈਲਰੀ ਦੇ ਪਹਿਲੇ ਪ੍ਰਧਾਨ ਪਦਮ ਸ੍ਰੀ ਐੱਸ ਜੀ ਠਾਕੁਰ ਸਿੰਘ ਦਾ 127 ਵਾਂ ਜਨਮ ਦਿਨ ਉਨ੍ਹਾਂ ਦੀ ਯਾਦਗਾਰ ਆਰਟ ਗੈਲਰੀ ਐੱਮ. ਐੱਮ. ਮਾਲਵੀਆ ਰੋਡ ਵਿਖੇ ਮਨਾਇਆ ਗਿਆ। ਜਿਸ ਦੌਰਾਨ ਐੱਸ. ਜੀ. ਠਾਕੁਰ ਸਿੰਘ ਦੀ ਮੂਰਤੀ ’ਤੇ ਫੁਲ ਅਰਪਿਤ ਕੀਤੇ ਗਏ। ਇਸ ਦੌਰਾਨ ਪ੍ਰਦਰਸ਼ਨੀ ਵੀ ਲਗਵਾਈ ਗਈ ਜਿਸ ਦਾ ਉਦਘਾਟਨ ਇੰਡੀਅਨ ਅਕੈਡਮੀ ਆਫ਼ ਫਾਇਨ ਆਰਟ ਦੇ ਚੇਅਰਮੈਨ ਸ਼ਿਵਦੇਵ ਸਿੰਘ ਨੇ ਕੀਤਾ। ਇਸ ਮੌਕੇ ’ਤੇ ਉਨ੍ਹਾਂ ਦੇ ਨਾਲ ਪ੍ਰਧਾਨ ਰਾਜਿੰਦਰ ਮੋਹਨ ਸਿੰਘ ਛੀਨਾ ਵੀ ਮੌਜੂਦ ਸਨ। ਇਸ ਮੌਕੇ ’ਤੇ ਆਰਟ ਗੈਲਰੀ ਦੇ ਆਨਰੇਰੀ ਸਕੱਤਰ ਡਾ: ਪੀ.ਐੱਸ. ਗਰੋਵਰ ਵਲੋਂ ਐੱਸ. ਜੀ. ਠਾਕੁਰ ਸਿੰਘ ਦੇ ਜੀਵਨ ’ ਤੇ ਰੋਸ਼ਨੀ ਪਾਈ ਤੇ ਦੱਸਿਆ ਕਿ ਉਨ੍ਹਾਂ ਦਾ ਜਨਮ 1899 ਈ : ਨੂੰ ਵੇਰਕਾ ਵਿਖੇ ਹੋਇਆ ਅਤੇ ਉਨ੍ਹਾਂ ਨੂੰ 1973 ਵਿਚ ਪਦਮ ਸ੍ਰੀ ਅਵਾਰਡ ਨਾਲ ਭਾਰਤ ਸਰਕਾਰ ਵਲੋਂ ਸਨਮਾਨਿਤ ਕੀਤਾ ਗਿਆ। ਡਾ: ਗਰੋਵਰ ਨੇ ਦੱਸਿਆ ਕਿ ਠਾਕੁਰ ਸਿੰਘ ਦੀ ਇਕ ਪੇਂਟਿੰਗ ਨੂੰ 1924 ਵਿਚ ਬ੍ਰਿਟਿਸ਼ ਇੰਪਾਇਅਰ ਲੰਡਨ ਵਲੋਂ ਜੇਤੂ ਕਰਾਰ ਦਿੱਤਾ ਗਿਆ। ਉਹ ਦੇਸ਼ ਦੇ ਪ੍ਰਮੁੱਖ ਕਲਾਕਾਰਾਂ ਵਿਚ ਆਉਂਦੇ ਹਨ ਜਿਨ੍ਹਾਂ ਨੂੰ ਡਾ: ਰਾਜਿੰਦਰ ਪ੍ਰਸ਼ਾਦ ਤੇ ਰਵਿੰਦਰ ਨਾਥ ਟੈਗੋਰ ਵਲੋਂ ਸਨਮਾਨਿਤ ਕੀਤਾ ਗਿਆ ਸੀ । ਅੱਜ ਲਗਾਈ ਗਈ ਪ੍ਰਦਰਸ਼ਨੀ ਤਿੰਨ ਦਿਨ ਚੱਲੇਗੀ। ਇਸ ਮੌਕੇ ’ਤੇ ਡਾ: ਏ. ਐੱਸ. ਚਮਕ, ਕੁਲਵੰਤ ਸਿੰਘ ਗਿੱਲ, ਧਰਮਿੰਦਰ ਸ਼ਰਮਾ, ਨਰਿੰਦਰ ਸਿੰਘ ਬੁਤਤਰਾਸ਼, ਨਰਿੰਦਰਜੀਤ ਸਿੰਘ ਆਦਿ ਮੌਜੂਦ ਸਨ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
