ਢੰਡਾਰੀ ਕਲਾਂ/ਲੁਧਿਆਣਾ, 28 ਜਨਵਰੀ (ਜਸਵੀਰ ਸਿੰਘ ਬੰਗਾ)-ਜੀਵ ਜੰਤੂਆਂ ਅਤੇ ਮਨੁੱਖੀ ਜ਼ਿੰਦਗੀਆਂ ਲਈ ਘਾਤਕ ਤੇ ਜਾਨਲੇਵਾ ਬਣੀ ਚਾਈਨਾ ਡੋਰ ਖ਼ਿਲਾਫ਼ ਕੋਈ ਸਖ਼ਤ ਨੀਤੀ ਤੇ ਵਿਉਂਤਬੰਦੀ ਹੁੰਦੀ ਨਜ਼ਰ ਨਹੀਂ ਆ ਰਹੀ | ਇਹ ਪ੍ਰਗਟਾਵਾ ਸੀਨੀਅਰ ਕਾਂਗਰਸੀ ਗੁਰਕ੍ਰਿਪਾਲ ਸਿੰਘ ਪਾਲਾ ਢੰਡਾਰੀ ਨੇ ਗੱਲਬਾਤ ਕਰਦਿਆਂ ਕੀਤਾ | ਉਨ੍ਹਾਂ ਕਿਹਾ ਕਿ ਸੜਕਾਂ ਉਤੇ ਹੀ ਨਹੀਂ ਅਸਮਾਨ ਵਿਚ ਉਡਾਰੀ ਲਾਉਂਦੇ ਪੰਛੀਆਂ ਨੂੰ ਵੀ ਇਸ ਚਾਈਨਾ ਡੋਰ ਦਾ ਗਰਾਸ ਬਣਨਾ ਪੈ ਰਿਹਾ ਹੈ | ਪਾਲਾ ਢੰਡਾਰੀ ਨੇ ਜ਼ਿਲ੍ਹਾ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਚਾਈਨਾ ਡੋਰ ਵੇਚਣ ਵਾਲਿਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇ |
