ਮੁੱਲਾਂਪੁਰ-ਦਾਖਾ, 22 ਫਰਵਰੀ (ਨਿਰਮਲ ਸਿੰਘ ਧਾਲੀਵਾਲ)-ਸਜ਼ਾ ਪੂਰੀ ਕਰ ਚੁੱਕੇ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਪੂਰੀ ਸਿੱਖ ਕੌਮ ਇਕਜੁਟ ਹੋਏ, ਤਾਮਿਲਨਾਡੂ ਸਰਕਾਰ ਦੀ ਤਰਜ ਤੇ ਪੰਜਾਬ ਵਿਧਾਨ ਸਭਾ 'ਚ ਮਾਨਯੋਗ ਸਪੀਕਰ ਸਾਹਮਣੇ ਸੈਸ਼ਨ ਦੌਰਾਨ ਪੱਖ ਰੱਖਿਆ ਜਾਵੇਗਾ, ਦੂਸਰਾ ਸੰਸਦ ਅੰਮਿ੍ਤਪਾਲ ਸਿੰਘ ਹੋਰ ਸਿੰਘਾਂ ਉੱਪਰ ਐੱਨ.ਐੱਸ.ਏ ਹਟਾਉਣ ਬਾਰੇ ਦੋ ਮਤੇ ਵਿਧਾਨ ਸਭਾ 'ਚ ਲੈ ਕੇ ਆਵਾਂਗਾ | ਇਹ ਪ੍ਰਗਟਾਵਾ ਐੱਮ.ਐੱਲ.ਏ ਮਨਪ੍ਰੀਤ ਸਿੰਘ ਇਯਾਲੀ ਕੀਤਾ | ਇਯਾਲੀ ਕਿਹਾ ਕਿ ਕੇਂਦਰ 'ਚ ਭਾਜਪਾ ਦੀ ਸਰਕਾਰ ਘੱਟ ਗਿਣਤੀਆਂ ਖਾਸ ਕਰ ਸਿੱਖਾਂ ਨੂੰ ਗੁਲਾਮੀ ਮਹਿਸੂਸ ਕਰਵਾ ਰਹੀ ਹੈ, ਅਜਿਹਾ ਰੋਕਣ ਲਈ ਨਿੱਜੀ ਹਿੱਤਾਂ ਤੋਂ ਉੱਪਰ ਉੱਠਕੇ ਸ਼੍ਰੋਮਣੀ ਅਕਾਲੀ ਦਲਾਂ ਹੋਰ ਪੰਥਕ ਧਿਰਾਂ ਵਿਚ ਏਕਤਾ ਦਾ ਹੋਣਾ ਲਾਜ਼ਮੀ ਹੈ, ਅਜਿਹਾ ਕਰਨ ਲਈ ਮੇਰੇ ਵਲੋਂ ਨਿੱਜੀ ਹਿੱਤਾਂ ਤੋਂ ਉੱਪਰ ਉੱਠ ਕੇ ਪਹਿਲ ਹੋਵੇਗੀ | ਮਨਪ੍ਰੀਤ ਸਿੰਘ ਇਯਾਲੀ ਕਿਹਾ ਕਿ ਅੱਜ ਭਾਈ ਜਗਤਾਰ ਸਿੰਘ ਹਵਾਰਾ ਦੀ ਬਿਰਦ ਮਾਤਾ ਆਪਣੇ ਸਪੁੱਤਰ ਨੂੰ ਇੱਕ ਬਾਰ ਮਿਲਣ ਲਈ ਅਦਾਲਤਾਂ ਦਾ ਸਹਾਰਾ ਲੈ ਰਹੀ ਹੈ, ਸਜ਼ਾ ਪੂਰੀ ਕਰ ਚੁੱਕੇ ਬੰਦੀ ਸਿੰਘਾਂ ਤੇ ਰਿਹਾਈ ਅਸੰਭਵ ਬਣੇ ਤਾਂ ਭਾਈ ਹਵਾਰਾ, ਪ੍ਰੋਫੈਸਰ ਭੁੱਲਰ ਹੋਰ ਸਿੰਘ ਆਪਣੀ ਪਰਿਵਾਰਾਂ 'ਚ ਆ ਸਕਦੇ ਹਨ |
