ਕੱਪੜਾ ਫੈਕਟਰੀ 'ਚ ਲੱਗੀ ਭਿਆਨਕ ਅੱਗ <br/>

ਲੁਧਿਆਣਾ, 7 ਅਪ੍ਰੈਲ (ਭੁਪਿੰਦਰ ਸਿੰਘ ਬੈਂਸ)-ਮਹਾਂਨਗਰ ਦੇ ਦਿੱਲੀ ਰੋਡ ਇਲਾਕੇ ਤੋ ਮੰਗਲਵਾਰ ਨੰੂ ਇਕ ਵੱਡੀ ਘਟਨਾ ਸਾਹਮਣੇ ਆਈ | ਜਿੱਥੇ ਗੇਟਸਨ ਇੰਟਰਨੈਸ਼ਨਲ ਨਾਂਅ ਦੀ ਕੱਪੜਾ ਫੈਕਟਰੀ ਵਿਚ ਅਚਾਨਕ ਭਿਆਨਕ ਅੱਗ ਲੱਗ ਗਈ | ਅੱਗ ਲੱਗਣ ਨਾਲ ਇਲਾਕੇ ਚ ਹੜਕੰਪ ਮਚ ਗਿਆ ਤੇ ਆਸ-ਪਾਸ ਦੇ ਲੋਕਾਂ ਵਿਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ | ਅੱਗ ਦੀ ਸੂਚਨਾ ਮਿਲਦੇ ਹੀ ਫਾਇਰ ਬਿ੍ਗੇਡ ਦੀਆਂ ਲਗਭਗ 7 ਗੱਡੀਆਂ ਮੌਕੇ 'ਤੇ ਪਹੁੰਚ ਗਈਆਂ ਅਤੇ ਤੁਰੰਤ ਬਚਾਅ ਕਾਰਜ ਸ਼ੁਰੂ ਕੀਤਾ ਗਿਆ | ਫਾਇਰਮੈਨਾਂ ਵਲੋਂ ਕਰੀਬ ਡੇਢ ਘੰਟੇ ਦੀ ਮੁਸ਼ਕਲ ਮਿਹਨਤ ਤੋਂ ਬਾਅਦ ਅੱਗ 'ਤੇ ਕਾਬੂ ਪਾ ਲਿਆ ਗਿਆ | ਰਾਹਤ ਦੀ ਗੱਲ ਇਹ ਰਹੀ ਕਿ ਫੈਕਟਰੀ ਵਿਚ ਮੌਜੂਦ ਸਾਰੇ ਕਰਮਚਾਰੀਆਂ ਨੰੂ ਸਮੇਂ ਸਿਰ ਬਾਹਰ ਕੱਢ ਲਿਆ ਗਿਆ ਅਤੇ ਕਿਸੇ ਵੀ ਕਿਸਮ ਦਾ ਜਾਨੀ ਨੁਕਸਾਨ ਨਹੀਂ ਹੋਇਆ | ਫੈਕਟਰੀ ਮਾਲਕ ਵਿਕਾਸ ਦੇ ਅਨੁਸਾਰ, ਫੈਕਟਰੀ ਦੇ ਬਾਹਰ ਲੱਗੇ ਟ੍ਰਾਂਸਫਰਾਮਰ ਤੇ ਪਟਾਖਾ ਫੱਟਣ ਕਾਰਨ ਸ਼ਾਰਟ ਸਰਕਿਟ ਹੋਇਆ | ਜਿਸ ਤੋਂ ਬਾਅਦ ਅੱਗ ਨੇ ਤੇਜ਼ੀ ਨਾਲ ਫੈੇਕਟਰੀ ਵਿਚ ਫੈਲਕੇ ਅੰਦਰ ਰੱਖੇ ਕੱਪੜੇ, ਗੱਤਾ ਅਤੇ ਕੀਮਤੀ ਮਸ਼ੀਨਾਂ ਨੰੰੂ ਆਪਣੀ ਲਪੇਟ ਵਿਚ ਲੈ ਲਿਆ | ਫਾਇਰ ਅਫਸਰ ਆਤਿਸਸ਼ ਰਾਏ ਨੇ ਦੱਸਿਆ ਕਿ ਕੱਪੜਿਆਂ ਅਤੇ ਹੋਰ ਜਲਣਸ਼ੀਲ ਸਮੱਗਰੀ ਕਾਰਨ ਅੱਗ ਨਾਲ ਕਾਫੀ ਧੂੰਆਂ ਬਣ ਗਿਆ ਸੀ |ਜਿਸ ਨਾਲ ਬਚਾਅ ਕਾਰਜ ਵਿਚ ਰੁਕਾਵਟ ਆਈ | ਧੂੰਏਾ ਦੇ ਗੁਬਾਰ ਦੂਤ ਤੱਕ ਵੇਖੇ ਗਏ | ਮੌਕੇ 'ਤੇ ਪੁਲਿਸ ਟੀਮਾਂ ਵੀ ਤੈਨਾਤ ਰਹੀਆਂ ਅਤੇ ਇਲਾਕੇ ਨੰੂ ਸੁਰੱਖਿਅਤ ਕੀਤਾ ਗਿਆ | ਅੱਗ ਦੇ ਅਸਲ ਕਾਰਨਾਂ ਦੀ ਪੁਸ਼ਟੀ ਲਈ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ | ਮੁੱਢਲੀ ਅੰਦਾਜੇ ਅਨੁਸਾਰ , ਇਸ ਘਟਨਾ ਵਿਚ ਕਰੋੜਾਂ ਰੁਪਏ ਦਾ ਸਾਮਾਨ ਸੜਕੇ ਸੁਆਹ ਹੋ ਗਿਆ |
ਸੁਰੱਖਿਆ ਪ੍ਰਬੰਧਾਂ ਤੇ ਸਵਾਲ, ਪਿਛਲੀਆਂ ਘਟਨਾਵਾਂ ਤੋਂ ਨਹੀਂ ਲਿਆ ਸਬਕ
ਇਹ ਕੋਈ ਪਹਿਲੀ ਵਾਰ ਨਹੀਂ ਕਿ ਮਹਾਂਨਗਰ ਦੇ ਉਦਯੋਗਿਕ ਇਲਾਕਿਆਂ ਵਿਚ ਅੱਗ ਦੀ ਘਟਨਾ ਸਾਹਮਣੇ ਆਈ ਹੈ | ਪਿਛਸੇ ਸਮੇਂ ਵਿਚ ਵੀ ਕਈ ਫੈਕਟਰੀਆਂ ਵਿਚ ਅੱਗ ਲੱਗਣ ਦੇ ਮਾਮਲੇ ਸਾਹਮਣੇ ਆਏ ਹਨ | ਪਰ ਹਰ ਵਾਰ ਜਾਂਚ ਦੇ ਬਾਅਦ ਵੀ ਸੁਰੱਖਿਆ ਪ੍ਰਬੰਧਾਂ ਵਿਚ ਵੱਡਾ ਸੁਧਾਰ ਨਹੀਂ ਦੇਖਣ ਨੂੰ ਮਿਲਿਆ | ਇਥੇ ਸਵਾਲ ਇਹ ਵੀ ਖੜ੍ਹੇ ਹੁੰਦੇ ਹਨ ਕਿ ਫੈਕਟਰੀਆਂ ਵਿਚ ਫਾਇਰ ਸੇਫਟੀ ੱਨਿਯਮਾਂ ਦੀ ਸਖਤੀ ਨਾਲ ਪਾਲਣਾ ਕੀਤੀ ਜਾ ਰਹੀ ਹੈ | ਕੀ ਫਾਇਰ ਡਿਪਾਰਟਮੈਂਟ ਵਲੋਂ ਸਮੇਂ-ਸਮੇਂ ਤੇ ਜਾਂਚ ਕੀਤੀ ਜਾਂਦੀ ਹੈ ਜਾਂ ਨਹੀਂ | ਕੀ ਬਿਜਲੀ ਸਿਸਟਮ ਅਤੇ ਟ੍ਰਾਂਸਫਾਰਮਰਾਂ ਦੀ ਨਿਯਮਤ ਮੁਰੰਮਤ ਹੁੰਦੀ ਹੈ | ਕੀ ਫੈਕਟਰੀ ਮਾਲਕ ਸਿਰਫ ਕਾਗਜਾਂ 'ਚ ਹੀ ਸੁਰੱਖਿਆ ਮਾਪਦੰਡ ਪੂਰੇ ਕਰਦੇ ਹਨ | ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਪਿਛਲੀਆਂ ਘਟਨਾਵਾਂ ਤੋਂ ਸਬਕ ਲਿਆ ਗਿਆ ਹੁੰਦਾ ਤਾਂ ਅੱਜ ਇਸ ਤਰ੍ਹਾਂ ਦੀ ਵੱਡੀ ਅੱਗ ਨੰੂ ਰੋਕਿਆ ਜਾ ਸਕਦਾ ਸੀ |