ਜਗਰਾਉਂ, 28 ਮਈ (ਵਿਨੋਦ ਕੁਮਾਰ)-ਅਨੁਵਰਤ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਪਿ੍ੰਸੀਪਲ ਗੋਲਡੀ ਜੈਨ ਦੀ ਅਗਵਾਈ ਵਿਚ ਨੰਨ੍ਹੇ-ਮੁੰਨ੍ਹੇ ਬੱਚਿਆਂ ਲਈ ਪੂਲ ਪਾਰਟੀ ਕਰਵਾਈ ਗਈ | ਰੰਗ-ਬਿਰੰਗੀਆਂ ਤੈਰਾਕੀ ਪੁਸ਼ਾਕਾਂ ਵਿਚ ਸਜੇ ਬੱਚੇ ਬੇਹੱਦ ਖ਼ੁਸ਼ ਨਜ਼ਰ ਆ ਰਹੇ ਸਨ | ਹਰੇ-ਹਰੇ ਘਾਹ 'ਤੇ ਕਈ ਖੇਡਾਂ ਖੇਡਦੇ ਤੇ ਸੰਗੀਤ ਦੀ ਧੁਨ 'ਤੇ ਡਾਂਸ ਕਰਦੇ ਹੋਏ ਬੱਚਿਆਂ ਨੇ ਪੂਲ ਪਾਰਟੀ ਦਾ ਖੂਬ ਆਨੰਦ ਮਾਣਿਆ | ਇਸ ਮੌਕੇ ਬੱਚਿਆਂ ਲਈ ਫਰੂਟੀ, ਸਨੈਕਸ ਸਮੇਤ ਰਿਫਰੈਸ਼ਮੈਂਟ ਦਾ ਪ੍ਰਬੰਧ ਕੀਤਾ ਗਿਆ | ਪ੍ਰਬੰਧਕ ਕਮੇਟੀ ਤੋਂ ਅਰਿਹੰਤ ਜੈਨ ਨੇ ਬੱਚਿਆਂ ਦੀ ਹੌਂਸਲਾ ਅਫ਼ਜ਼ਾਈ ਕੀਤੀ ਅਤੇ ਕਿਹਾ ਕਿ ਅਜਿਹੀਆਂ ਗਤੀਵਿਧੀਆਂ ਸਿੱਖਿਆ ਪ੍ਰਣਾਲੀ ਦਾ ਅਹਿਮ ਅੰਗ ਹਨ, ਬੱਚਿਆਂ ਦੇ ਸਰਵਪੱਖੀ ਵਿਕਾਸ ਲਈ ਅਜਿਹੀਆਂ ਗਤੀਵਿਧੀਆਂ ਜ਼ਰੂਰੀ ਹਨ | ਸਕੂਲ ਡਾਇਰੈਕਟਰ ਅਮਰਜੀਤ ਕੌਰ ਨੇ ਕਿਹਾ ਕਿ ਪੜ੍ਹਾਈ ਦੇ ਨਾਲ-ਨਾਲ ਮਨੋਰੰਜਕ ਗਤੀਵਿਧੀਆਂ ਰਾਹੀਂ ਬੱਚੇ ਤਣਾਅ ਮੁਕਤ ਰਹਿੰਦੇ ਹਨ ਅਤੇ ਬੱਚੇ ਤਰੋਤਾਜ਼ਾ ਹੋ ਕੇ ਮਨ ਲਗਾਕੇ ਪੜ੍ਹਾਈ ਕਰਦੇ ਹਨ |
