ਇਆਲੀ/ਥਰੀਕੇ, 30 ਮਈ (ਮਨਜੀਤ ਸਿੰਘ ਦੁੱਗਰੀ)-ਸ਼ਨੀਵਾਰ ਦੀ ਸਵੇਰੇ ਤੜਕੇ ਸਾਰ ਪਏ ਮੋਹਲ਼ੇਧਾਰ ਮੀਂਹ ਨੇ ਜਿੱਥੇ ਆਮ ਲੋਕਾਂ ਨੂੰ ਗਰਮੀ ਤੋਂ ਰਾਹਤ ਦਵਾਈ ਉਥੇ ਹੀ ਚੱਲੇ ਤੇਜ ਝੱਖੜ ਨਾਲ ਕਈ ਥਾਈਾ ਦਰਖਤਾਂ ਦੇ ਟਾਹਣੇ ਟੁੱਟ ਕੇ ਬਿਜਲੀ ਦੀਆਂ ਤਾਰਾਂ ਉਪਰ ਡਿੱਗਣ ਕਾਰਨ ਬਿਜਲੀ ਸਪਲਾਈ ਘੰਟਿਆਂ ਬੱਧੀ ਬੰਦ ਰਹੀ | ਅਜਿਹਾ ਹੀ ਦਿ੍ਸ਼ਨ ਭਾਈ ਹਿੰਮਤ ਸਿੰਘ ਨਗਰ ਧੂਰੀ ਰੇਲਵੇ ਲਾਈਨ ਕਿਨਾਰੇ ਤੇਜ ਝੱਖੜ ਕਾਰਨ ਟੁੱਟੇ ਦਰਖ਼ਤ ਦੇ ਟਾਹਨੇ ਕਾਰਨ ਸੜਕ 'ਤੇ ਆਉਣ-ਜਾਣ ਵਾਲਿਆਂ ਨੂੰ ਮੁਸ਼ਕਿਲ ਪੇਸ਼ ਆਈ | ਦੂਜੇ ਪਾਸੇ ਇਹ ਬਰਸਾਤ ਜਿੱਥੇ ਪਿੰਡਾਂ ਵਿਚ ਝੋਨੇ ਦੀ ਬਿਜਾਈ ਲਈ ਲਾਹੇਵੰਦ ਸਾਬਤ ਹੋਈ, ਉਥੇ ਹੀ ਪਿਛਲੇ ਕਈ ਦਿਨਾਂ ਤੋਂ ਪੈ ਰਹੀ ਅੱਤ ਦੀ ਗਰਮੀ ਤੋਂ ਵੀ ਲੋਕਾਂ ਨੂੰ ਰਾਹਤ ਮਿਲੀ ਹੈ | ਹਾਲਾਂਕਿ ਮੀਂਹ ਕਾਰਨ ਕਈ ਇਲਾਕਿਆਂ ਵਿਚ ਪਾਣੀ ਦੀ ਨਿਕਾਸੀ ਸਹੀ ਢੰਗ ਨਾਲ ਨਾ ਹੋਣ ਕਰਕੇ ਪਾਣੀ ਭਰ ਗਿਆ ਅਤੇ ਕਈ ਥਾਈਾ ਸੜਕਾਂ 'ਤੇ ਲੰਬੇ ਜਾਮ ਵੀ ਲੱਗੇ ਰਹੇ, ਜਿਸ ਕਾਰਨ ਕੰਮਾਂ ਕਾਰਾਂ 'ਤੇ ਜਾਣ ਵਾਲੇ ਲੋਕਾਂ ਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ |
