ਲੁਧਿਆਣਾ, 13 ਜੂਨ (ਜਸਵਿੰਦਰ ਸਿੰਘ)-ਗੁਰੂ ਅੰਗਦ ਦੇਵ ਵੈਟਰਨਰੀ ਅਤੇ ਐਨੀਮਲ ਸਾਇੰਸਜ਼ ਯੂਨੀਵਰਸਿਟੀ ਨੇ ਪੰਜਾਬ ਭਰ ਦੇ ਪਸ਼ੂ ਪਾਲਕਾਂ ਨੂੰ ਮੁਫ਼ਤ ਫੀਡ ਅਤੇ ਦੁੱਧ ਜਾਂਚ ਸੇਵਾਵਾਂ ਅਤੇ ਰਾਸ਼ਨ ਫ਼ਾਰਮੂਲਾ ਸੇਵਾਵਾਂ ਪ੍ਰਦਾਨ ਕਰਨ ਲਈ ਇਕ ਅਤਿ ਆਧੁਨਿਕ ਮੋਬਾਈਲ ਫੀਡ ਅਤੇ ਦੁੱਧ ਜਾਂਚ ਪ੍ਰਯੋਗਸ਼ਾਲਾ ਸਥਾਪਤ ਕਰਨ ਲਈ ਕੇਮਿਨ ਇੰਡਸਟਰੀਜ਼ ਸਾਊਥ ਏਸ਼ੀਆ ਤੋਂ 1.55 ਕਰੋੜ ਦੀ ਮਹੱਤਵਪੂਰਨ ਵਿੱਤੀ ਗਰਾਂਟ ਪ੍ਰਾਪਤ ਕੀਤੀ ਹੈ¢ ਡਾ. ਜਤਿੰਦਰ ਪਾਲ ਸਿੰਘ ਗਿੱਲ, ਉਪ-ਕੁਲਪਤੀ ਨੇ ਪ੍ਰਾਜੈਕਟ ਟੀਮ ਨੂੰ ਵਧਾਈ ਦਿੱਤੀ ਅਤੇ ਇਸ ਪਹਿਲਕਦਮੀ ਨੂੰ ਪੰਜਾਬ ਦੇ ਡੇਅਰੀ ਖੇਤਰ ਨੂੰ ਮਜ਼ਬੂਤ ਕਰਨ ਦੇ ਉਦੇਸ਼ ਸੰਬੰਧੀ ਇਕ ਇਤਿਹਾਸਕ ਜਨਤਕ-ਨਿੱਜੀ ਭਾਈਵਾਲੀ ਦੱਸਿਆ¢ ਉਨ੍ਹਾਂ ਕਿਹਾ ਕਿ ਵਿਗਿਆਨਕ ਫੀਡ ਅਤੇ ਦੁੱਧ ਜਾਂਚ ਸੇਵਾਵਾਂ ਤੱਕ ਸੀਮਤ ਪਹੁੰਚ, ਪਸ਼ੂ ਪਾਲਕਾਂ ਲਈ ਇਕ ਗੰਭੀਰ ਰੁਕਾਵਟ ਬਣੀ ਹੋਈ ਹੈ¢ ਇਹ ਮੋਬਾਈਲ ਪ੍ਰਯੋਗਸ਼ਾਲਾ ਇਸ ਪਾੜੇ ਨੂੰ ਪੂਰਾ ਕਰਨ ਵਿਚ ਮਦਦ ਕਰੇਗੀ¢ ਡਾ. ਜਸਪਾਲ ਸਿੰਘ ਹੁੰਦਲ, ਪ੍ਰਮੁੱਖ ਨਿਰੀਖਕ ਅਤੇ ਪਸ਼ੂ ਆਹਾਰ ਵਿਭਾਗ ਦੇ ਮੁਖੀ ਨੇ ਦੱਸਿਆ ਕਿ ਫੀਡ, ਚਾਰਾ, ਸਾਈਲੇਜ, ਅਫਲਾਟÏਕਸਿਨ ਅਤੇ ਦੁੱਧ ਦੀ ਜਾਂਚ ਲਈ ਇਕ ਪੂਰੀ ਤਰ੍ਹਾਂ ਢੁਕਵੀਂ, ਪ੍ਰਯੋਗਸ਼ਾਲਾ-ਆਨ-ਵ੍ਹੀਲ ਸਥਾਪਿਤ ਕੀਤੀ ਜਾਵੇਗੀ¢ ਪੰਜਾਬ ਦੇ ਵੱਖ-ਵੱਖ ਖੇਤਰਾਂ ਵਿਚ ਕੰਮ ਕਰਦੇ ਹੋਏ ਇਹ ਪ੍ਰਯੋਗਸ਼ਾਲਾ ਮੁਫ਼ਤ ਟੈਸਟਿੰਗ, ਸਲਾਹਕਾਰ ਸੇਵਾਵਾਂ, ਰਾਸ਼ਨ ਫ਼ਾਰਮੂਲਾ ਅਤੇ ਫੀਡ ਸੁਰੱਖਿਆ, ਲੇਵੇ ਦੀ ਸੋਜ ਦੀ ਰੋਕਥਾਮ, ਸਾਈਲੇਜ ਪ੍ਰਬੰਧਨ ਅਤੇ ਆਧੁਨਿਕ ਡੇਅਰੀ ਤਕਨਾਲੋਜੀਆਂ ਬਾਰੇ ਕਿਸਾਨ ਜਾਗਰੂਕਤਾ ਪ੍ਰੋਗਰਾਮ ਪ੍ਰਦਾਨ ਕਰੇਗੀ |
