ਖਾਧ ਸੁਰੱਖਿਆ ਟੀਮ ਵਲੋਂ ਸ਼ਿਮਲਾਪੁਰੀ ਦੀ ਸੋਇਆ ਚਾਂਪ ਨਿਰਮਾਣ ਇਕਾਈ ’ਤੇ ਛਾਪੇਮਾਰੀ-100 ਕਿਲੋ ਸੋਇਆ ਚਾਂਪ ਬਰਾਮਦ
ਲੁਧਿਆਣਾ, 18 ਅਗਸਤ (ਡਾ. ਤਰਲੋਚਨ ਸਿੰਘ)-ਸਿਹਤ ਵਿਭਾਗ ਦੀ ਜ਼ਿਲ੍ਹਾ ਖਾਧ ਸੁਰੱਖਿਆ ਟੀਮ ਨੇ ਖਾਧ ਸੁਰੱਖਿਆ ਐਨਫੋਰਸਮੈਂਟ ਮੁਹਿੰਮ ਤਹਿਤ ਇੱਕ ਗੁਪਤ ਸੂਚਨਾ ਦੇ ਆਧਾਰ ’ਤੇ ਮਹੱਤਵਪੂਰਨ ਕਾਰਵਾਈ ਕਰਦਿਆਂ ਇੱਕ ਸੋਇਆ ਚਾਪ ਨਿਰਮਾਣ ਇਕਾਈ ‘ਤੇ ਅਚਾਨਕ ਛਾਪੇਮਾਰੀ ਕੀਤੀ ਅਤੇ ਮੌਕੇ ’ਤੇ ਲਗਭਗ 100 ਕਿਲੋ ਸੋਇਆ ਚਾਪ ਬਰਾਮਦ ਕੀਤਾ।
ਜ
ਜ਼ਿਲ੍ਹਾ ਸਿਹਤ ਅਫਸਰ ਡਾ. ਆਸ਼ੀਸ਼ ਚਾਵਲਾ ਸ਼ਿਮਲਾਪੁਰੀ ਵਿਖੇ ਸੋਇਆ ਚਾਪ ਨਿਰਮਾਣ ਇਕਾਈ ‘ਤੇ ਅਚਾਨਕ ਛਾਪੇਮਾਰੀ ਦੌਰਾਨ ਜ਼ਬਤ ਕੀਤੇ 100 ਕਿਲੋ ਸੋਇਆ ਚਾਪ ਬਾਰੇ ਜਾਣਕਾਰੀ ਦਿੰਦੇ ਹੋਏ। ਅਜੀਤ ਤਸਵੀਰ
ਪਿੰਡ ਭਾਮੀਆਂ ਕਲਾਂ ਵਿਖੇ ਤੀਆਂ ਦੇ ਤਿੳਹਾਰ ’ਤੇ ਕਰਵਾਏ ਗਏ ਸਮਾਗਮ ਦਾ ਉਦਘਾਟਨ ਕਰਦੇ ਹੋਏ ਸਮਾਜ ਸੇਵੀ ਇੰਦਰਪਾਲ ਸਿੰਘ ਹੁੰਦਲ, ਮੈਂਬਰ ਪੰਚਾਇਤ ਬਲਵਿੰਦਰ ਸਿੰਘ ਰੋਡਾ ਤੇ ਹੋਰ। ਅਜੀਤ ਤਸਵੀਰ
19-08-2026
ਲੁਧਿਆਣਾ, 18 ਅਗਸਤ (ਡਾ. ਤਰਲੋਚਨ ਸਿੰਘ)-ਸਿਹਤ ਵਿਭਾਗ ਦੀ ਜ਼ਿਲ੍ਹਾ ਖਾਧ ਸੁਰੱਖਿਆ ਟੀਮ ਨੇ ਖਾਧ ਸੁਰੱਖਿਆ ਐਨਫੋਰਸਮੈਂਟ ਮੁਹਿੰਮ ਤਹਿਤ ਇੱਕ ਗੁਪਤ ਸੂਚਨਾ ਦੇ ਆਧਾਰ ’ਤੇ ਮਹੱਤਵਪੂਰਨ ਕਾਰਵਾਈ ਕਰਦਿਆਂ ਇੱਕ ਸੋਇਆ ਚਾਪ ਨਿਰਮਾਣ ਇਕਾਈ ‘ਤੇ ਅਚਾਨਕ ਛਾਪੇਮਾਰੀ ਕੀਤੀ ਅਤੇ ਮੌਕੇ ’ਤੇ ਲਗਭਗ 100 ਕਿਲੋ ਸੋਇਆ ਚਾਪ ਬਰਾਮਦ ਕੀਤਾ। ਜਾਂਚ ਦੌਰਾਨ ਟੀਮ ਨੇ ਲੈਬੋਰਟਰੀ ਜਾਂਚ ਲਈ ਦੋ ਨਮੂਨੇ ਇਕੱਠੇ ਕੀਤੇ ਜਿਨ੍ਹਾਂ ਵਿਚ ਇੱਕ ਸੋਇਆ ਚਾਪ ਦਾ ਅਤੇ ਦੂਜਾ ਸੋਇਆ ਆਟਾ ਦਾ ਹੈ ਤੇ ਦੋਵੇਂ ਨਮੂਨੇ ਵਿਸ਼ਲੇਸ਼ਣ ਲਈ ਲੈਬੋਰਟਰੀ ਭੇਜ ਦਿੱਤੇ ਗਏ ਹਨ। ਲੈਬ ਰਿਪੋਰਟ ਪ੍ਰਾਪਤ ਹੋਣ ਉਪਰੰਤ ਖਾਧ ਸੁਰੱਖਿਆ ਨਿਯਮਾਂ ਅਨੁਸਾਰ ਅਗਲੀ ਕਾਰਵਾਈ ਕੀਤੀ ਜਾਵੇਗੀ। ਜਾਂਚ ਦੌਰਾਨ ਨਿਰਮਾਣ ਇਕਾਈ ਵਿੱਚ ਗੈਰ-ਸਫਾਈ ਵਾਲੀਆਂ ਸਥਿਤੀਆਂ ਵੀ ਪਾਈਆਂ ਗਈਆਂ। ਖਾਧ ਪਦਾਰਥਾਂ ਦੀ ਤਿਆਰੀ ਵਿੱਚ ਲੱਗੇ ਕਰਮਚਾਰੀਆਂ ਵੱਲੋਂ ਨਿੱਜੀ ਸਫਾਈ ਦੇ ਨਿਰਧਾਰਤ ਮਾਪਦੰਡਾਂ ਦੀ ਪਾਲਣਾ ਨਹੀਂ ਕੀਤੀ ਜਾ ਰਹੀ ਸੀ। ਇਨ੍ਹਾਂ ਉਲੰਘਣਾਵਾਂ ਦੇ ਮੱਦੇਨਜ਼ਰ ਇਕਾਈ ਖ਼ਿਲਾਫ਼ ਗੈਰ-ਸਫਾਈ ਸਬੰਧੀ ਚਲਾਨ ਜਾਰੀ ਕੀਤਾ ਗਿਆ। ਇਹ ਜਾਣਕਾਰੀ ਜਿਲ੍ਹਾ ਸਿਹਤ ਅਫਸਰ ਡਾ. ਆਸ਼ੀਸ਼ ਚਾਵਲਾ ਵੱਲੋਂ ਸਾਂਝੀ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਵਿਭਾਗ ਖਾਧ ਨਿਰਮਾਣ ਇਕਾਈਆਂ ਵਿੱਚ ਖਾਧ ਸੁਰੱਖਿਆ, ਸਫਾਈ ਅਤੇ ਨਿੱਜੀ ਸਫਾਈ ਦੇ ਮਾਪਦੰਡਾਂ ਦੀ ਪਾਲਣਾ ਯਕੀਨੀ ਬਣਾਉਣ ਲਈ ਲਗਾਤਾਰ ਯਤਨਸ਼ੀਲ ਹੈ। ਖਾਧ ਸੁਰੱਖਿਆ ਟੀਮ ਨੇ ਦੁਹਰਾਇਆ ਕਿ ਖਾਧ ਸੁਰੱਖਿਆ ਅਤੇ ਸਫਾਈ ਮਾਪਦੰਡਾਂ ਨਾਲ ਸਮਝੌਤਾ ਕਰਨ ਵਾਲੇ ਫੂਡ ਬਿਜ਼ਨਸ ਆਪਰੇਟਰਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਜਨ ਸਿਹਤ ਦੀ ਸੁਰੱਖਿਆ ਲਈ ਵਿਭਾਗ ਵੱਲੋਂ ਨਿਰੀਖਣ ਅਤੇ ਐਨਫੋਰਸਮੈਂਟ ਮੁਹਿੰਮਾਂ ਲਗਾਤਾਰ ਜਾਰੀ ਰਹਿਣਗੀਆਂ, ਲੈਬੋਰਟਰੀ ਵਿਸ਼ਲੇਸ਼ਣ ਰਿਪੋਰਟ ਪ੍ਰਾਪਤ ਹੋਣ ਉਪਰੰਤ ਅਗਲੀ ਕਾਰਵਾਈ ਕੀਤੀ ਜਾਵੇਗੀ।
