ਭਾਰਤੀ ਜੀਵਨ ਬੀਮਾ ਨਿਗਮ ਨੇ ਜਾਗਰੂਕਤਾ ਰੈਲੀ ਕੱਢੀ
ਲੁਧਿਆਣਾ, 28 ਅਕਤੂਬਰ (ਡਾ. ਤਰਲੋਚਨ ਸਿੰਘ)-ਭਾਰਤੀ ਜੀਵਨ ਬੀਮਾ ਨਿਗਮ, ਲੁਧਿਆਣਾ ਮੰਡਲ ਵਲੋਂ ਇਕ ਪ੍ਰਭਾਵਸ਼ਾਲੀ ਜਾਗਰੂਕਤਾ ਰੈਲੀ ਮੰਡਲ ਮੈਨੇਜਰ ਭਾਂਵਰ ਲਾਲ ਸੁਥਾਰ ਦੀ ਦੇਖ-ਦੇਖ ਵਿਚ ਕੱਢੀ ਗਈ।
ਲੁਧਿਆਣਾ, 28 ਅਕਤੂਬਰ (ਡਾ. ਤਰਲੋਚਨ ਸਿੰਘ)-ਭਾਰਤੀ ਜੀਵਨ ਬੀਮਾ ਨਿਗਮ, ਲੁਧਿਆਣਾ ਮੰਡਲ ਵਲੋਂ ਇਕ ਪ੍ਰਭਾਵਸ਼ਾਲੀ ਜਾਗਰੂਕਤਾ ਰੈਲੀ ਮੰਡਲ ਮੈਨੇਜਰ ਭਾਂਵਰ ਲਾਲ ਸੁਥਾਰ ਦੀ ਦੇਖ-ਦੇਖ ਵਿਚ ਕੱਢੀ ਗਈ। ਰੈਲੀ ਦਾ ਮੁੱਖ ਉਦੇਸ਼ ਸੰਸਥਾਵਾਂ ਵਿਚ ਇਮਾਨਦਾਰੀ, ਪਾਰਦਰਸ਼ਿਤਾ ਅਤੇ ਗ਼ਰੀਬ ਮੁਕਤ ਸਭਿਆਚਾਰ ਨੂੰ ਪ੍ਰਦਾਨ ਕਰਨਾ ਸੀ। ਇਹ ਰੈਲੀ ਐਲ.ਆਈ.ਸੀ. ਦੀ ਇਨਵੈਸਟਮੈਂਟ ਬਿਲਡਿੰਗ ‘ਜੀਵਨ ਤਰੱਕੀ’ ਤੋਂ ਸ਼ੁਰੂ ਹੋਈ। ਰੈਲੀ ਦੀ ਅਗਵਾਈ ਮੰਡਲ ਦੇ ਮਾਰਕੀਟਿੰਗ ਮੈਨੇਜਰ ਜੇ.ਕੇ. ਰਾਇਨਾ ਅਤੇ ਪ੍ਰਬੰਧਕ ਰਮਾ ਭੱਠਾਚਾਰੀ ਨੇ ਸਾਂਝੇ ਰੂਪ ਵਿਚ ਕੀਤੀ। ਰੈਲੀ ਵਿਚ ਇਕ ਸੌ ਤੋਂ ਵਧੇਰੇ ਅਧਿਕਾਰੀਆਂ/ਕਰਮਚਾਰੀਆਂ ਨੂੰ ਹਿੱਸਾ ਲਿਆ। ਰੈਲੀ ਵਿਚ ਐਲ.ਆਈ . ਸੀ. ਦੇ ਪਰਿਵਾਰਕ ਮੈਂਬਰ ਤਖ਼ਤੀਆਂ ਅਤੇ ਬੈਨਰਾਂ ਦੇ ਮਾਧਿਅਮ ਜਰੀਏ ਜਨ-ਚੇਤਨਾ ਦਾ ਪ੍ਰਸਾਰਣ ਕਰ ਰਹੇ ਸਨ। ਦੇਸ਼ ਨੂੰ ਅੱਗੇ ਵਧਾਉਣਾ ਹੈ, ਕਦਮ ਸੇ ਕਦਮ ਮਿਲਾਏ ਜਾ, ਦੋਸ਼ ਨਿਪਟਾਏ ਜਾ, ਇਕ, ਦੋ, ਤਿੰਨ, ਚਾਰ, ਐਲ.ਆਈ.ਸੀ. ਦੀ ਜੈ ਜੈਕਾਰ, ਜਦੋਂ ਤੱਕ ਸੂਰਜ ਚਾਂਦ ਰਹੇਗਾ, ਐਲ.ਆਈ.ਸੀ. ਤੇਰਾ ਨਾਮ ਰਹੇਗਾ, ਜਿਹੇ ਨਾਅਰੇ ਲਗਾ ਰਹੇ ਸਨ। ਇਸ ਮੌਕੇ ਸੀਨੀਅਰ ਮੰਡਲ ਮੈਨੇਜਰ ਭਾਂਵਰ ਲਾਲ ਸੁਥਾਰ ਨੇ ਕਿਹਾ ਕਿ ਰਾਸ਼ਟਰ ਨਿਰਮਾਣ ਅਤੇ ਵਿੱਤੀ ਅਨੁਸ਼ਾਸਨ ਲਈ ਸਚਾਈ ਦਾ ਸਭ ਤੋਂ ਵੱਡਾ ਆਧਾਰ ਹੈ। ਉਨ੍ਹਾਂ ਨੇ ਕਿਹਾ ਕਿ ਐਲ.ਆਈ.ਸੀ. ਇਕ ਫਰਾਡ ਮੁਕਤ ਅਦਾਰਾ ਹੈ ਅਤੇ ਐਲ.ਆਈ.ਸੀ. ਪਹਿਲੀ ਲਾਈਨ ਵਿਚ ਤੁਹਾਡੇ ਬਹੁ-ਮੁੱਲ ਪਾਲਸੀਧਾਰਕਾਂ ਦੀ ਸੇਵਾ ਕਰ ਰਿਹਾ ਹੈ।
