ਖਰੜ, 2 ਜਨਵਰੀ (ਗੁਰਮੁੱਖ ਸਿੰਘ ਮਾਨ)-ਵਿਧਾਨ ਸਭਾ ਹਲਕਾ ਖਰੜ ਦੇ 'ਆਪ' ਦੇ ਟਰੇਡ ਵਿੰਗ ਦੇ ਅਹੁਦੇਦਾਰਾਂ ਦੀ ਮੀਟਿੰਗ ਹਲਕਾ ਵਿਧਾਇਕਾ ਅਨਮੋਲ ਗਗਨ ਮਾਨ ਦੀ ਅਗਵਾਈ ਹੇਠ ਹੋਈ | ਮੀਟਿੰਗ ਦੌਰਾਨ ਖਰੜ ਹਲਕੇ ਦੇ ਵਪਾਰਕ ਅਦਾਰਿਆਂ ਨੂੰ ਪੇਸ਼ ਆਉਣ ਵਾਲੀਆਂ ਸਮੱਸਿਆਵਾਂ ਦੇ ਹੱਲ ਸੰਬੰਧੀ ਵਿਚਾਰ-ਵਟਾਂਦਰਾ ਕੀਤਾ ਗਿਆ | ਇਸ ਮੌਕੇ ਹਲਕਾ ਖਰੜ ਦੇ ਟਰੇਡ ਵਿੰਗ ਦੇ ਕੋਆਰਡੀਨੇਟਰ ਵਿਨੋਦ ਕਪੂਰ ਨੇ ਦੱਸਿਆ ਕਿ ਆਉਣ ਵਾਲੇ ਸਮੇਂ 'ਚ ਇਸ ਤਰ੍ਹਾਂ ਦੀਆਂ ਹੋਰ ਮੀਟਿੰਗਾਂ ਸੱਦੀਆਂ ਜਾਣਗੀਆਂ ਤਾਂ ਕਿ ਹਲਕੇ ਦੇ ਵਪਾਰੀਆਂ/ਕਾਰੋਬਾਰੀਆਂ ਨੂੰ ਪੇਸ਼ ਆਉਣ ਵਾਲੀਆਂ ਸਮੱਸਿਆਵਾਂ ਨੂੰ ਪਹਿਲ ਦੇ ਆਧਾਰ 'ਤੇ ਹੱਲ ਕਰਵਾਇਆ ਜਾ ਸਕੇ | ਇਸ ਮੌਕੇ ਕਰਮਜੀਤ ਸਿੰਘ ਵਾਲੀਆ, ਡਾ. ਕਰਨੈਲ ਸਿੰਘ ਮਾਵੀ, ਹਾਕਮ ਸਿੰਘ ਵਾਲੀਆ, ਰਾਜੇਸ਼ ਕਪੂਰ, ਵੇਦ ਪ੍ਰਕਾਸ਼, ਡਾ. ਵਿਨੇ ਸੂਦ, ਪ੍ਰਦੀਪ ਸ਼ਰਮਾ, ਵਿਨੀਤ ਜੈਨ ਬਿੱਟੂ ਕੌਂਸਲਰ, ਪਵਨ ਕੁਮਾਰ, ਲਲਿਤ ਕੁਮਾਰ, ਮਨੀਸ਼ ਦੁੱਗਲ ਤੇ ਅਮਰ ਨਾਥ ਸਿੰਗਲਾ ਸਮੇਤ 'ਆਪ' ਦੇ ਵਰਕਰ ਹਾਜ਼ਰ ਸਨ |
