ਚੰਡੀਗੜ੍ਹ, 7 ਮਾਰਚ (ਮਾਰਕੰਡਾ)-ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਮੌਕੇ ਪੋਸਟ ਗ੍ਰੈਜੂਏਟ ਸਰਕਾਰੀ ਕਾਲਜ ਸੈਕਟਰ 11 ਵਿਖੇ 'ਸਸ਼ਕਤ ਨਾਰੀ ਸਮਿ੍ੱਧ ਸਮਾਜ' ਸਿਰਲੇਖ ਅਧੀਨ ਇਕ ਸਮਾਗਮ ਕਰਵਾਇਆ, ਜਿਸ ਦਾ ਉਦੇਸ਼ ਮਹਿਲਾ ਸਸ਼ਕਤੀਕਰਨ ਤੇ ਲਿੰਗ ਸਮਾਨਤਾ ਬਾਰੇ ਜਾਗਰੂਕਤਾ ਫੈਲਾਉਣਾ ਸੀ | ਮੁਕਾਬਲਿਆਂ 'ਚ ਜੱਜ ਦੀ ਭੂਮਿਕਾ ਡਾ. ਸੋਨੀਆ ਕੁਮਾਰ ਤੇ ਡਾ. ਪੂਨਮ ਦੁਆਰਾ ਕੀਤਾ ਗਈ | ਸਮਾਗਮ ਵਿਚ ਪੋਸਟਰ ਮੇਕਿੰਗ ਤੇ ਕਵਿਤਾ ਪਾਠ ਮੁਕਾਬਲੇ ਕਰਵਾਏ ਗਏ | ਪੋਸਟਰ ਮੇਕਿੰਗ ਮੁਕਾਬਲੇ 'ਚ ਮਨਸ਼ਵੀ ਨੇ ਪਹਿਲਾ, ਓਮ ਕੁਮਾਰੀ ਨੇ ਦੂਜਾ, ਵੈਸ਼ਾਲੀ ਨੇ ਤੀਜਾ ਤੇ ਵੰਸ਼ਿਕਾ ਰਾਠੌਰ ਨੂੰ ਹੌਸਲਾ ਅਫਜਾਈ ਇਨਾਮ ਪ੍ਰਾਪਤ ਕੀਤਾ | ਕਵਿਤਾ ਪਾਠ ਮੁਕਾਬਲੇ ਵਿਚ ਰਾਘਵ ਨੇ ਪਹਿਲਾ, ਸਾਕਸ਼ੀ ਨੇ ਦੂਜਾ ਤੇ ਅਨੰਨਿਆ ਸਿੰਘ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਜੇਤੂ ਵਿਦਿਆਰਥੀਆ ਨੂੰ ਸਨਮਾਨਿਤ ਕੀਤਾ |
