ਐੱਫ. ਸੀ. ਆਈ. ਚੌਲ ਘੁਟਾਲੇ ਦੇ ਮਾਮਲੇ 'ਚ 12 ਮੁਲਜ਼ਮ ਦੋਸ਼ੀ ਕਰਾਰ ਤੇ 5 ਬਰੀ <br/>
ਅਜੀਤ ਡੈਸਕ
08-04-2026
ਜਾਂਚ ਦੌਰਾਨ ਸਾਹਮਣੇ ਆਈਆਂ ਗੰਭੀਰ ਗੜਬੜੀਆਂ
ਸੀ. ਬੀ. ਆਈ. ਟੀਮ ਵਲੋਂ 29 ਸਤੰਬਰ 2005 ਨੂੰ ਮੋਗਾ ਡਿੱਪੂ ਦੇ ਗੋਦਾਮਾਂ ਵਿਚ ਅਚਨਚੇਤ ਜਾਂਚ ਕੀਤੀ ਗਈ ਸੀ, ਜਿਸ ਦੌਰਾਨ 46 ਨਮੂਨੇ ਇਕੱਤਰ ਕੀਤੇ ਗਏ ਸਨ | ਇਹ ਨਮੂਨੇ ਕੇਂਦਰੀ ਅਨਾਜ ਵਿਸ਼ਲੇਸ਼ਣ ਲੈਬੋਰਟਰੀ (ਸੀ. ਜੀ. ਏ. ਐਲ.) ਵਲੋਂ ਜਾਂਚੇ ਗਏ, ਜਿਸ ਦੌਰਾਨ ਕੋਈ ਵੀ ਨਮੂਨਾ ਨਿਰਧਾਰਤ ਮਿਆਰਾਂ 'ਤੇ ਖਰਾ ਨਹੀਂ ਉਤਰਿਆ | ਇਨ੍ਹਾਂ 'ਚੋਂ 9 ਨਮੂਨੇ ਤਾਂ ਮਨੁੱਖੀ ਖਪਤ ਲਈ ਅਣਉਪਯੋਗ ਪਾਏ ਗਏ |
ਇਨ੍ਹਾਂ ਦੋਸ਼ੀਆਂ ਨੂੰ ਸੁਣਾਈ ਗਈ ਸਜ਼ਾ
ਅਦਾਲਤ ਵਲੋਂ ਇਸ ਮਾਮਲੇ 'ਚ ਰਾਜ ਕੁਮਾਰ, ਆਰ. ਸੀ. ਪੁਰੀ, ਗੁਲਾਬ ਸਿੰਘ, ਪਿਤੰਬਰ ਸਿੰਘ, ਜੀ. ਪੀ. ਐੱਸ. ਕਲਰਾ, ਗਿਆਨ ਸਿੰਘ, ਡੀ. ਕੇ. ਸ਼ਰਮਾ, ਅਜ਼ਾਦ ਸਿੰਘ ਅਤੇ ਰਾਜੇਸ਼ ਰੰਜਨ ਸਮੇਤ ਹੋਰਨਾਂ ਮੁਲਜ਼ਮਾਂ ਨੂੰ ਧਾਰਾ 120-ਬੀ, 420 ਅਤੇ ਭਿ੍ਸ਼ਟਾਚਾਰ ਨਿਵਾਰਨ ਕਾਨੂੰਨ ਤਹਿਤ ਦੋਸ਼ੀ ਕਰਾਰ ਦਿੰਦਿਆਂ 1 ਤੋਂ 3 ਸਾਲਾਂ ਤੱਕ ਦੀ ਕੈਦ ਅਤੇ ਜੁਰਮਾਨੇ ਦੀ ਸਜ਼ਾ ਸੁਣਾਈ ਗਈ ਹੈ | ਇਸ ਤੋਂ ਇਲਾਵਾ ਚੌਲ ਮਿੱਲਰਾਂ 'ਚੋਂ ਗੋਵਿੰਦਰ ਸਿੰਘ ਅਤੇ ਪਰਦੀਪ ਬੰਸਲ ਨੂੰ ਵੀ ਸਾਜ਼ਿਸ਼ ਅਤੇ ਧੋਖਾਧੜੀ ਦੇ ਦੋਸ਼ਾਂ ਹੇਠ ਸਜ਼ਾ ਸੁਣਾਈ ਗਈ ਹੈ |
5 ਮੁਲਜ਼ਮ ਬਰੀ
ਅਦਾਲਤ ਵਲੋਂ ਇਸ ਮਾਮਲੇ 'ਚ ਗੁਰਚੈਨ ਸਿੰਘ, ਸੰਤੋਖ ਸਿੰਘ, ਕਮਲਾ ਅਗਰਵਾਲ, ਸੁਮੀਤ ਗਰਗ ਅਤੇ ਵਿਨੀਤ ਕੁਮਾਰ ਨੂੰ ਸਾਰੇ ਦੋਸ਼ਾਂ ਤੋਂ ਬਰੀ ਕਰ ਦਿੱਤਾ ਗਿਆ ਹੈ, ਜਦਕਿ ਕੁਝ ਮੁਲਜ਼ਮਾਂ ਖ਼ਿਲਾਫ਼ ਕਾਰਵਾਈ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵਲੋਂ ਰੱਦ ਕੀਤੀ ਜਾ ਚੁੱਕੀ ਹੈ | ਇਨ੍ਹਾਂ 'ਚੋਂ ਕੁਝ ਮੁਲਜ਼ਮਾਂ ਦੀ ਮੌਤ ਹੋਣ ਕਾਰਨ ਉਨ੍ਹਾਂ ਖ਼ਿਲਾਫ਼ ਵੀ ਕਾਰਵਾਈ ਖ਼ਤਮ ਕਰ ਦਿੱਤੀ ਗਈ ਹੈ |
