ਖਰੜ, 14 ਅਪ੍ਰੈਲ (ਗੁਰਮੁੱਖ ਸਿੰਘ ਮਾਨ)-ਅੱਜ ਸਥਾਨਕ ਦਰਪਣ ਸਿਟੀ ਵਿਖੇ ਕਰਵਾਏ ਗਏ ਪ੍ਰੋਗਰਾਮ ਦੌਰਾਨ ਸੀਨੀਅਰ ਭਾਜਪਾ ਆਗੂ ਅਤੇ ਸੂਬਾਈ ਮੀਡੀਆ ਮੁਖੀ ਵਿਨੀਤ ਜੋਸ਼ੀ ਦੀ ਅਗਵਾਈ 'ਚ ਉੱਘੇ ਸਮਾਜ ਸੇਵੀ ਡਾ. ਜੇ. ਐੱਸ. ਮਾਨ ਸਮੇਤ ਸੈਂਕੜੇ ਨੌਜਵਾਨ ਭਾਜਪਾ 'ਚ ਸ਼ਾਮਿਲ ਹੋ ਗਏ | ਇਸ ਮੌਕੇ ਮੰਡਲ ਨੰਬਰ-3 ਦੇ ਪ੍ਰਧਾਨ ਕੁਸ਼ ਰਾਣਾ ਨੇ ਪਾਰਟੀ ਦਾ ਰਿਵਾਇਟੀ ਪਟਕਾ ਪਹਿਨਾ ਕੇ ਨਵੇਂ ਮੈਂਬਰਾਂ ਦਾ ਭਾਜਪਾ ਅੰਦਰ ਸਵਾਗਤ ਕੀਤਾ | ਇਸ ਮੌਕੇ ਭਾਜਪਾ 'ਚ ਸ਼ਾਮਿਲ ਹੋਣ ਵਾਲਿਆਂ 'ਚ ਡਾ. ਜੇ. ਐੱਸ. ਮਾਨ ਸਮੇਤ ਗੁਰਦੀਪ ਸਿੰਘ ਬਿੱਲਾ, ਸਾਗਰ ਨਗਰ, ਪਨੂੰ ਬਦਾਲਾ, ਸਾਹਿਬ ਬਦਾਲਾ, ਸੰਦੀਪ ਸਿੰਘ, ਦੀਪ (ਨਵਾਂ ਸ਼ਹਿਰ), ਸੰਜੂ (ਨਵਾਂ ਸ਼ਹਿਰ), ਗੁਰਕਿ੍ਪਾਲ ਸਿੰਘ, ਗੌਰਵ ਕੁਮਾਰ, ਹਰਜਿੰਦਰ ਸਿੰਘ, ਪ੍ਰਦੀਪ ਚੋਲਟਾ, ਮੋਹਿਤ, ਵੰਸ਼ ਰਾਣਾ, ਗੈਰੀ ਖਾਨਪੁਰ, ਨਿਹਾਲ ਖਾਨਪੁਰ, ਹਰਵਿੰਦਰ ਸਿੰਘ, ਹਰਸ਼ਪ੍ਰੀਤ ਖਰੜ, ਸ਼ੈਰੀ ਤਲਵਾਰ, ਦੀਪਕ ਕੁਮਾਰ, ਤਰਸੇਮ ਸਿੰਘ ਅਤੇ ਅਮਨਦੀਪ ਸਿੰਘ ਆਦਿ ਸ਼ਾਮਿਲ ਸਨ, ਜਿਨ੍ਹਾਂ ਕਿਹਾ ਕਿ ਉਹ ਖਰੜ ਵਿਧਾਨ ਸਭਾ ਹਲਕੇ ਦੀਆਂ ਸਮੱਸਿਆਵਾਂ ਦੇ ਹੱਲ ਲਈ ਵਿਨੀਤ ਜੋਸ਼ੀ ਦੇ ਸਮਰਪਣ ਅਤੇ ਲਗਾਤਾਰ ਯਤਨਾਂ ਤੋਂ ਪ੍ਰਭਾਵਿਤ ਹੋ ਕੇ ਹੀ ਭਾਜਪਾ 'ਚ ਸ਼ਾਮਿਲ ਹੋਏ ਹਨ | ਉਨ੍ਹਾਂ ਦੱਸਿਆ ਕਿ ਜੋਸ਼ੀ ਵਲੋਂ ਚਲਾਏ ਗਏ ਲਗਾਤਾਰ ਅੰਦੋਲਨ ਕਾਰਨ ਪੰਜਾਬ ਸਰਕਾਰ ਨੂੰ ਆਪਣਾ ਫ਼ੈਸਲਾ ਬਦਲਣਾ ਪਿਆ ਸੀ ਅਤੇ ਈਕੋ-ਸੈਂਸੀਟਿਵ ਜੋਨ ਦੀ ਹੱਦ 3 ਕਿੱਲੋਮੀਟਰ ਤੋਂ ਘਟਾ ਕੇ 100 ਮੀਟਰ ਕਰਨੀ ਪਈ ਸੀ, ਜਿਸ ਨਾਲ ਨਵਾਂਗਰਾਓਾ ਤੇ ਕਾਂਸਲ 'ਚ ਹਜ਼ਾਰਾਂ ਘਰ ਟੁੱਟਣ ਤੋਂ ਬਚ ਗਏ ਸਨ | ਇਸ ਤੋਂ ਇਲਾਵਾ ਖਰੜ 'ਚ ਆਏ ਭਿਆਨਕ ਹੜ੍ਹਾਂ ਮੌਕੇ ਵੀ ਵਿਨੀਤ ਜੋਸ਼ੀ ਲੱਕ ਤੱਕ ਖੜ੍ਹੇ ਪਾਣੀ 'ਚ ਉਤਰ ਕੇ ਫਲੈਟਾਂ ਅਤੇ ਘਰਾਂ 'ਚ ਫਸੇ ਲੋਕਾਂ ਦੀ ਮਦਦ ਲਈ ਪਹੁੰਚੇ ਸਨ ਅਤੇ ਉਹ ਲਾਂਡਰਾਂ ਰੋਡ ਦਾ ਮਸਲਾ ਵੀ ਲਗਾਤਾਰ ਚੁੱਕਦੇ ਆ ਰਹੇ ਹਨ |
