ਪੰਜਾਬ ਯੂਨੀਵਰਸਿਟੀ ਦੀਆਂ ਵਿਦਿਆਰਥੀ ਜਥੇਬੰਦੀਆਂ ਨੇ ਵਿਦਿਆਰਥੀ ਕੌਂਸਲ ਚੋਣਾਂ ਲਈ ਨਾਮਜ਼ਦਗੀ ਫਾਰਮ ਕੀਤੇ ਦਾਖ਼ਲ
ਚੰਡੀਗੜ੍ਹ, 24 ਅਗਸਤ (ਮਾਰਕੰਡਾ)- ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਿਖੇ ਵਿਦਿਆਰਥੀ ਕੌਂਸਲ ਦੀਆਂ ਚੋਣਾਂ ਨੂੰ ਲੈ ਕੇ ਅੱਜ ਪਹਿਲੀ ਅਤੇ ਆਖੀਰ ਤਾਰੀਕ ਪ੍ਰਸਾਸ਼ਨ ਵਲੋਂ ਤੈਅ ਕੀਤੀ ਗਈ ਸੀ, ਜਿਸ ਵਿਚ ਕਰੀਬ ਕਾਫੀ ਗਿਣਤੀ ਵਿਚ ਵਿਦਿਆਰਥੀ ਸੰਗਠਨਾਂ ਨੇ ਆਪਣੀ ਕਿਸਮਤ ਅਜਮਾਉਣ ਲਈ ਫਾਰਮ ਭਰੇ। ਇਨ੍ਹਾਂ ਵਿਦਿਆਰਥੀਆ ਸੰਗਠਨਾਂ ਵਿਚ ਭਾਰਤੀ ਜਨਤਾ ਪਾਰਟੀ ਦੀ ਜੱਥੇਬੰਦੀ ਅਖਿਲ ਭਾਰਤੀ ਵਿਦਿਆਰਥੀ ਪਰਿਸ਼ਦ (ਏ.
ਚੰਡੀਗੜ੍ਹ, 24 ਅਗਸਤ (ਮਾਰਕੰਡਾ)- ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਿਖੇ ਵਿਦਿਆਰਥੀ ਕੌਂਸਲ ਦੀਆਂ ਚੋਣਾਂ ਨੂੰ ਲੈ ਕੇ ਅੱਜ ਪਹਿਲੀ ਅਤੇ ਆਖੀਰ ਤਾਰੀਕ ਪ੍ਰਸਾਸ਼ਨ ਵਲੋਂ ਤੈਅ ਕੀਤੀ ਗਈ ਸੀ, ਜਿਸ ਵਿਚ ਕਰੀਬ ਕਾਫੀ ਗਿਣਤੀ ਵਿਚ ਵਿਦਿਆਰਥੀ ਸੰਗਠਨਾਂ ਨੇ ਆਪਣੀ ਕਿਸਮਤ ਅਜਮਾਉਣ ਲਈ ਫਾਰਮ ਭਰੇ। ਇਨ੍ਹਾਂ ਵਿਦਿਆਰਥੀਆ ਸੰਗਠਨਾਂ ਵਿਚ ਭਾਰਤੀ ਜਨਤਾ ਪਾਰਟੀ ਦੀ ਜੱਥੇਬੰਦੀ ਅਖਿਲ ਭਾਰਤੀ ਵਿਦਿਆਰਥੀ ਪਰਿਸ਼ਦ (ਏ.ਬੀ.ਵੀ.ਪੀ), ਕਾਂਗਰਸ ਪਾਰਟੀ ਦੀ ਜੱਥੇਬੰਦੀ ਨੈਸ਼ਨਲ ਸਟੂਡੈਂਟ ਯੂਨੀਅਨ ਆਫ ਇੰਡੀਆ (ਐਨ.ਐਸ.ਯੂ.ਆਈ), ਆਮ ਆਦਮੀ ਪਾਰਟੀ ਦੀ ਜੱਥੇਬੰਦੀ ਐਸੋਸੀਏਟ ਆਫ਼ ਸਟੂਡੈਂਟ ਫਾਰ ਅਲਟਰਨੇਟਿੰਵ ਪੋਲਟਿਕਸ (ਏ.ਐਸ.ਏ.ਪੀ), ਚਾਰ ਮੁੱਖ ਜੱਥੇਬੰਦੀਆਂ ਨੇ ਪਹਿਲਾਂ ਹੀ ਆਪਣੇ ਪ੍ਰਧਾਨਗੀ ਉਮੀਦਵਾਰਾਂ ਦੇ ਨਾਮ ਦੇ ਐਲਾਨ ਕਰ ਦਿੱਤੇ ਸਨ। ਇਨ੍ਹਾਂ ਤੋਂ ਇਲਾਵਾ ਸ਼੍ਰੋਮਣੀ ਅਕਾਲੀ ਦਲ ਪਾਰਟੀ ਦੀ ਵਿਦਿਆਰਥੀ ਜੱਥੇਬੰਦੀ ਸੋਈ, ਐਸ. ਐਫ਼. ਐਸ, ਐਚ. ਆਈ. ਐਮ. ਐਸ. ਯੂ, ਆਈ. ਐਨ. ਐਸ. ਓ. ਆਦਿ ਸੰਗਠਨਾਂ ਨੇ ਵੀ ਆਪਣੇ ਪ੍ਰਧਾਨਗੀ ਫਾਰਮ ਭਰੇ। ਮਿਲੀ ਜਾਣਕਾਰੀ ਮੁਤਾਬਕ ਏ.ਬੀ.ਵੀ.ਪੀ ਦੇ ਪ੍ਰਧਾਨ ਅਹੁਦੇ ਲਈ ਉਮੀਦਵਾਰ ਅੰਕਿਤ ਬਿਧਾਨ, ਏ.ਐਸ.ਏ.ਪੀ ਦੇ ਪ੍ਰਧਾਨ ਦੇ ਆਹੁਦੇਦਾਰ ਆਦਿਲ ਬਰਾੜ, ਐਨ. ਐਸ. ਯੂ. ਆਈ. ਦੇ ਪ੍ਰਧਾਨ ਅਹੁਦੇਦਾਰ ਗੁਰਮਨ ਸਿੰਘ ਸਿੱਧੂ, ਸੱਥ ਦੇ ਪ੍ਰਧਾਨ ਦੇ ਆਹੁਦੇਦਾਰ ਦਰਸ਼ਨਪ੍ਰੀਤ ਸਿੰਘ ਆਦਿ ਨੇ ਫਾਰਮ ਅਪਲਾਈ ਕੀਤੇ। ਇਸੇ ਤਰ੍ਹਾਂ ਐਨ.ਐਸ.ਯੂ.ਆਈ ਦੇ ਵਾਈਸ ਪ੍ਰਧਾਨ ਅੰਕਾਂਕਸ਼ਾ ਠਾਕੁਰ, ਆਜ਼ਾਦ ਉਮੀਦਵਾਰ ਜੁਆਇੰਟ ਸੈਕਟਰੀ ਵਿਸਾਲ ਬਾਮਲ ਆਦਿ ਨੇ ਨਾਮਜ਼ਦਗੀ ਫਾਰਮ ਭਰੇ। ਯੂਨੀਵਰਸਿਟੀ ਪ੍ਰਸਾਸ਼ਨ ਵਲੋਂ ਧਰਨੇ ਕਾਰਨ ਦੇਰ ਰਾਤ ਤੱਕ ਕੋਈ ਵੀ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ।
