ਇਸੂਜ਼ੂ ਮੋਟਰਜ਼ ਇੰਡੀਆ ਨੇ ਸ਼੍ਰੀਸਿਟੀ ਪਲਾਂਟ ਵਿੱਚ ਭਾਰਤ ਵਿੱਚ ਨਿਰਮਾਣ ਦੇ 10 ਸਾਲ ਕੀਤੇ ਪੂਰੇ
ਚੰਡੀਗੜ੍ਹ, 27 ਅਕਤੂਬਰ (ਅ. ਬ.)
ਚੰਡੀਗੜ੍ਹ, 27 ਅਕਤੂਬਰ (ਅ.ਬ.) - ਇਸੂਜ਼ੂ ਮੋਟਰਜ਼ ਇੰਡੀਆ ਨੇ ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਸਿਟੀ ਸਥਿਤ ਆਪਣੇ ਆਧੁਨਿਕ ਵਾਹਨ ਨਿਰਮਾਣ ਪਲਾਂਟ ਵਿੱਚ ਭਾਰਤ ਵਿੱਚ ਵਾਹਨਾਂ ਦਾ ਉਤਪਾਦਨ ਸ਼ੁਰੂ ਕਰਨ ਦੇ 10 ਸਾਲ ਪੂਰੇ ਕਰ ਲਏ ਹਨ। ਅਪ੍ਰੈਲ 2016 ਵਿੱਚ ਸ਼ੁਰੂ ਹੋਏ ਇਸ ਪਲਾਂਟ ਨੇ ਇਸੂਜ਼ੂ ਦੇ ਘਰੇਲੂ ਅਤੇ ਵਿਦੇਸ਼ੀ ਬਾਜ਼ਾਰਾਂ ਲਈ ਵਾਹਨ ਤਿਆਰ ਕਰਨ ਵਾਲੇ ਇਸ ਦੇ ਸਭ ਤੋਂ ਵੱਡੇ ਨਿਰਮਾਣ ਕੇਂਦਰ ਵਜੋਂ ਆਪਣੀ ਪਛਾਣ ਬਣਾਈ ਹੈ। ‘ਮੇਡ ਇਨ ਇੰਡੀਆ’ ਮੁਹਿੰਮ ਤਹਿਤ ਇਸ ਪਲਾਂਟ ਵਿੱਚ ਭਾਰਤੀ ਗਾਹਕਾਂ ਦੇ ਨਾਲ-ਨਾਲ ਵਿਦੇਸ਼ੀ ਬਾਜ਼ਾਰਾਂ ਦੀਆਂ ਲੋੜਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਉੱਚ ਗੁਣਵੱਤਾ ਵਾਲੇ ਵਾਹਨ ਤਿਆਰ ਕੀਤੇ ਜਾਂਦੇ ਹਨ। ਕੰਪਨੀ ਆਪਣੇ ਵਾਹਨਾਂ ਦਾ ਨਿਰਯਾਤ ਮੱਧ ਪੂਰਬ ਦੇ ਸਾਊਦੀ ਅਰਬ, ਬਹਿਰੀਨ, ਕਤਰ, ਕੁਵੈਤ, ਓਮਾਨ ਅਤੇ ਜਾਰਡਨ ਵਰਗੇ ਦੇਸ਼ਾਂ ਤੋਂ ਇਲਾਵਾ ਏਸ਼ੀਆ ਦੇ ਨੇਪਾਲ, ਭੂਟਾਨ ਅਤੇ ਬੰਗਲਾਦੇਸ਼ ਸਮੇਤ ਕਈ ਬਾਜ਼ਾਰਾਂ ਵਿੱਚ ਕਰਦੀ ਹੈ। ਜਾਪਾਨ ਦੀ ਇਸੂਜ਼ੂ ਮੋਟਰਜ਼ ਲਿਮਟਿਡ ਦੇ ਪ੍ਰਧਾਨ ਅਤੇ ਪ੍ਰਤੀਨਿਧੀ ਨਿਰਦੇਸ਼ਕ ਨਾਓਹਿਰੋ ਯਾਮਾਗੁਚੀ ਨੇ ਪਿਛਲੇ 10 ਸਾਲਾਂ ਦੌਰਾਨ ਇਸੂਜ਼ੂ ਮੋਟਰਜ਼ ਇੰਡੀਆ ਦੀ ਤਰੱਕੀ ਅਤੇ ਪ੍ਰਾਪਤੀਆਂ ’ਤੇ ਮਾਣ ਪ੍ਰਗਟਾਇਆ। ਉਨ੍ਹਾਂ ਕਿਹਾ ਕਿ ਸਮੂਹਿਕ ਮਿਹਨਤ ਅਤੇ ਦ੍ਰਿੜ੍ਹ ਇਰਾਦੇ ਸਦਕਾ ਕੰਪਨੀ ਨੇ ਸ਼ਾਨਦਾਰ ਨਤੀਜੇ ਹਾਸਲ ਕੀਤੇ ਹਨ।
