ਅਕਾਲ ਯੂਨੀਵਰਸਿਟੀ ਵਿਚ 8ਵੀਂ ਐਥਲੈਟਿਕ ਮੀਟ ਸਫਲਤਾ ਨਾਲ ਮੁਕੰਮਲ ਹੋਈ <br/>
ਅਜੀਤ ਡੈਸਕ
12-03-2026
ਖੇਡ ਮੁਕਾਬਲਿਆਂ ਵਿਚ 100 ਮੀਟਰ, 200 ਮੀਟਰ, 800 ਮੀਟਰ 1500 ਮੀਟਰ ਦੀ ਰੇਸ, ਰਿਲੇਅ ਰੇਸ, ਰੱਸਾਕਸ਼ੀ, ਡਿਸਕਸ ਥਰੋ, ਲੰਮੀ ਛਾਲ, ਟਿ੍ਪਲ ਜੰਪ ਅਤੇ ਸ਼ਾਟ ਪੁੱਟ ਆਦਿ ਖੇਡਾਂ ਦੇ ਮੁਕਾਬਲੇ ਕਰਵਾਏ ਗਏ, ਜਿਨ੍ਹਾਂ ਵਿਚ ਲਗਭਗ ਹਰ ਵਿਭਾਗ ਦੇ ਵਿਦਿਆਰਥੀਆਂ ਨੇ ਖੇਡ ਭਾਵਨਾ ਦੀ ਵਚਨਬੱਧਤਾ ਨਾਲ ਭਾਗ ਲਿਆ | ਡਾਇਰੈਕਟਰ ਡਾ. ਗੁਰਟੇਕ ਸਿੰਘ ਨੇ ਖੇਡਾਂ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਚ ਵਿਸ਼ੇਸ਼ ਯੋਗਦਾਨ ਦਿਤਾ | ਡੀਨ ਵਿਦਿਆਰਥੀ ਭਲਾਈ ਡਾ. ਜਨਪ੍ਰੀਤ ਸਿੰਘ, ਡਾ. ਗੁਰਟੇਕ ਸਿੰਘ ਅਤੇ ਡਾ. ਕੋਮਲਪ੍ਰੀਤ ਕੌਰ ਨੇ ਕੋਆਰਡੀਨੇਟਰ ਦੀ ਭੂਮਿਕਾ ਨਿਭਾਈ | ਖੇਡਾਂ ਨੂੰ ਸਫਲਤਾ ਨਾਲ ਮੁਕੰਮਲ ਕਰਨ ਵਿਚ ਅਕਾਲ ਅਕੈਡਮੀ ਤੋਂ ਆਏ ਕੋਚ ਸਰਬਜੀਤ ਸਿੰਘ ਅਤੇ ਯੂਨੀਵਰਸਿਟੀ ਤੋਂ ਖੇਡ ਅਧਿਆਪਕ ਜਸਬੀਰ ਸਿੰਘ ਨੇ ਪੂਰਾ ਸਹਿਯੋਗ ਦਿੱਤਾ | ਖੇਡ ਮੁਕਾਬਲਿਆਂ ਤੋਂ ਬਾਅਦ ਉੱਪ ਕੁਲਪਤੀ ਪ੍ਰੋਫ਼ੈਸਰ ਗੁਰਮੇਲ ਸਿੰਘ ਨੇ ਖੇਡ ਮੁਕਾਬਲਿਆਂ ਵਿਚ ਭਾਗ ਲੈਣ ਵਾਲੇ ਮੁੰਡਿਆਂ ਵਿਚੋਂ ਬੈਸਟ ਐਥਲੀਟ ਵਰਿੰਦਰ ਸਿੰਘ (ਕੰਪਿਊਟਰ ਸਾਇੰਸ ਵਿਭਾਗ), ਕੁੜੀਆਂ ਵਿਚੋਂ ਬੈਸਟ ਐਥਲੀਟ ਅੰਮਿ੍ਤਪਾਲ ਕੌਰ (ਕਾਮਰਸ ਵਿਭਾਗ) ਨੂੰ ਸਨਮਾਨਿਤ ਕੀਤਾ | ਉਨ੍ਹਾਂ ਨੇ ਖੇਡ ਮੁਕਾਬਲਿਆਂ ਦੇ ਹੋਰ ਜੇਤੂਆਂ ਨੂੰ ਵੀ ਤਗਮੇ ਤੇ ਪ੍ਰਮਾਣ-ਪੱਤਰ ਵੰਡੇ | ਅੰਤ ਵਿਚ ਡੀਨ ਅਕਾਦਮਿਕ ਮੇਜਰ ਜਨਰਲ (ਸੇਵਾਮੁਕਤ) ਡਾ. ਜੀ ਐੱਸ ਲਾਂਬਾ ਨੇ ਸ਼ਲਾਘਾ ਪੂਰਨ ਸ਼ਬਦਾਂ ਨਾਲ ਸਭਨਾਂ ਦਾ ਧੰਨਵਾਦ ਕੀਤਾ |