ਭੀਖੀ ਦੇ ਸਰਕਾਰੀ ਹਸਪਤਾਲ ਦੀ ਨਵੀਂ ਇਮਾਰਤ ਲਈ ਹਲਕਾ ਵਿਧਾਇਕ ਨੇ ਵਿਧਾਨ ਸਭਾ ’ਚ ਆਵਾਜ਼ ਉਠਾਈ
ਭੀਖੀ, 4 ਅਗਸਤ (ਬਲਕਾਰ ਸਿੰਘ ਸਹੋਤਾ)- ਪੰਜਾਬ ਵਿਧਾਨ ਸਭਾ ਦੇ ਚੱਲ ਰਹੇ ਸੈਸ਼ਨ ਦੌਰਾਨ ਹਲਕਾ ਵਿਧਾਇਕ ਡਾ. ਵਿਜੈ ਸਿੰਗਲਾ ਨੇ ਸਿਹਤ ਮੰਤਰੀ ਬਲਵੀਰ ਸਿੰਘ ਪਾਸੋਂ ਸਥਾਨਕ ਸਰਕਾਰੀ ਹਸਪਤਾਲ ਦੀ ਇਮਾਰਤ ਅਤੇ ਸੀ.
ਭੀਖੀ, 4 ਅਗਸਤ (ਬਲਕਾਰ ਸਿੰਘ ਸਹੋਤਾ)- ਪੰਜਾਬ ਵਿਧਾਨ ਸਭਾ ਦੇ ਚੱਲ ਰਹੇ ਸੈਸ਼ਨ ਦੌਰਾਨ ਹਲਕਾ ਵਿਧਾਇਕ ਡਾ. ਵਿਜੈ ਸਿੰਗਲਾ ਨੇ ਸਿਹਤ ਮੰਤਰੀ ਬਲਵੀਰ ਸਿੰਘ ਪਾਸੋਂ ਸਥਾਨਕ ਸਰਕਾਰੀ ਹਸਪਤਾਲ ਦੀ ਇਮਾਰਤ ਅਤੇ ਸੀ.ਐਚ.ਸੀ ਖ਼ਿਆਲਾ ਕਲਾਂ ਵਿਖੇ ਟਰੋਮਾ ਸੈਂਟਰ ਬਣਾਉਣ ਦੀ ਮੰਗ ਰੱਖਦਿਆਂ ਕਿਹਾ ਕਿ ਪਿੰਡ ਹਮੀਰਗੜ੍ਹ ਢੈਪਈ ਤੋਂ ਭੈਣੀਬਾਘਾ ਤੱਕ ਸੜਕੀ ਦੁਰਘਟਨਾਵਾਂ ਸੰਭਾਵਿਤ ਖੇਤਰ ਹੈ ਅਤੇ ਕੋਟਸ਼ਮੀਰ-ਭਵਾਨੀਗੜ੍ਹ ਸੜਕ ਦੇ ਇਸ ਖੇਤਰ ’ਚ ਧਸ ਜਾਣ ਕਾਰਨ ਸੜਕੀ ਦੁਰਘਟਨਾਵਾਂ ਹੋਰ ਵੀ ਵਧ ਗਈਆਂ ਹਨ। ਰਾਹਗੀਰਾਂ ਦੀ ਜ਼ਰੂਰਤ ਦੇ ਮੱਦੇਨਜ਼ਰ ਭੀਖੀ ਦੇ ਹਸਪਤਾਲ ਅਤੇ ਪਿੰਡ ਖ਼ਿਆਲਾ ਕਲਾ ਵਿਖੇ ਟਰੋਮਾ ਸੈਂਟਰ ਦੀ ਮੁੱਖ ਲੋੜ ਹੈ। ਦੱਸਣਯੋਗ ਹੈ ਕਿ ਕਰੀਬ ਡੇਢ ਸਾਲ ਤੋਂ ਸਰਕਾਰੀ ਹਸਪਤਾਲ ਦੀ ਮੁੱਖ ਇਮਾਰਤ ਬਿਲਕੁਲ ਨਕਾਰਾ ਹੋ ਚੁੱਕੀ ਹੈ। ਮੌਜੂਦਾ ਸਮੇਂ ਸਿਹਤ ਵਿਭਾਗ ਵਲੋਂ ਇਸ ਇਮਾਰਤ ਨੂੰ ਅਸੁਰੱਖਿਅਤ ਐਲਾਨ ਕੇ ਤਾਲਾਬੰਦੀ ਕੀਤੀ ਹੋਈ ਹੈ। ਹਸਪਤਾਲ ਵੈਕਸੀਨੇਸ਼ਨ ਯੂਨਿਟ ਵੀ ਇਮਾਰਤ ’ਚ ਹੀ ਚਲਾਈ ਜਾ ਰਹੀ ਹੈ ਜਿੱਥੇ ਮਰੀਜ਼ਾਂ ਲਈ ਤਾਂ ਕਿ ਸਹੂਲਤ ਹੋਣੀ ਸੀ ਖ਼ੁਦ ਐਸ.ਐਮ.ਓ. ਦੇ ਬੈਠਣ ਲਈ ਵੀ ਕੋਈ ਕਮਰਾ ਉਪਲਬਧ ਨਹੀਂ ਹੈ। ਜਨਾਨਾ ਮਰੀਜ਼ਾਂ ਲਈ ਛੋਟੇ ਜਿਹੇ ਕਮਰੇ ’ਚ 2 ਬੈੱਡ ਲਗਾ ਕੇ ਅਸਥਾਈ ਪ੍ਰਬੰਧ ਕੀਤੇ ਗਏ ਹਨ ਅਤੇ ਐਮਰਜੈਂਸੀ ਲਈ ਵੀ ਛੋਟਾ ਕਮਰਾ ਉਪਲਬਧ ਹੈ ਜਦੋਂ ਕਿ ਮਰਦ ਮਰੀਜ਼ਾਂ ਲਈ ਹਸਪਤਾਲ ’ਚ ਵਾਰਡ ਦੀ ਕੋਈ ਵਿਵਸਥਾ ਹੀ ਨਹੀਂ। ਅਪਰੇਸ਼ਨ ਥੀਏਟਰ ਦੇ ਉਪਕਰਨ ਵੀ ਦੂਜੇ ਹਸਪਤਾਲਾਂ ’ਚ ਤਬਦੀਲ ਕਰ ਦਿੱਤੇ ਗਏ ਹਨ।
