ਨੂਰਪੁਰ ਬੇਦੀ, 4 ਜਨਵਰੀ (ਵਿੰਦਰਪਾਲ ਝਾਂਡੀਆਂ)- ਗੁਰਦੁਆਰਾ ਸਿੰਘ ਸਭਾ ਪਿੰਡ ਬੈਂਸ (ਨੀਲੇ) ਤੋਂ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਦੂਜਾ ਨਗਰ ਕੀਰਤਨ ਅੱਜ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਦੇਖ-ਰੇਖ 'ਚ ਪਿੰਡ ਵਾਸੀ ਤੇ ਇਲਾਕੇ ਦੀਆਂ ਸੰਗਤਾਂ ਦੇ ਪੂਰਨ ਸਹਿਯੋਗ ਨਾਲ ਸਜਾਇਆ ਗਿਆ | ਨਗਰ ਕੀਰਤਨ ਉੱਪਰਲਾ ਬੈਂਸ, ਭੱਟੋ, ਸਰਥਲੀ ਬਜਰੂੜ, ਅਬਿਆਣਾ, ਰਾਜਗਿਰੀ, ਧਮਾਣਾ, ਭੋਗੀਪੁਰ, ਬਾਹਮਣਮਾਜਰਾ, ਤਖਤਗੜ੍ਹ ਆਦਿ ਪਿੰਡਾਂ ਤੋਂ ਹੁੰਦਾ ਹੋਇਆ ਮੁੜ ਗੁਰਦੁਆਰਾ ਸਾਹਿਬ ਬੈਂਸ ਵਿਖੇ ਸੰਪੂਰਨ ਹੋਇਆ | ਨਗਰ ਕੀਰਤਨ ਦੌਰਾਨ ਨੌਜਵਾਨ ਸਿੰਘਾਂ ਦੀ ਗਤਕਾ ਪਾਰਟੀ ਨੇ ਜੰਗਜ਼ੂ ਜੌਹਰ ਦਿਖਾਏ | ਗਿਆਨੀ ਬਲਵਿੰਦਰ ਸਿੰਘ ਪਰਵਾਨਾ ਭਾਓਵਾਲ ਦੇ ਢਾਡੀ ਜਥੇ ਵਲੋਂ ਸੰਗਤਾਂ ਨੂੰ ਵਾਰਾਂ ਦੁਆਰਾ ਨਿਹਾਲ ਕੀਤਾ ਗਿਆ | ਇਸ ਮੌਕੇ ਹਰਮਿੰਦਰ ਸਿੰਘ ਬੈਂਸ ਪ੍ਰਧਾਨ, ਮਹਿੰਦਰ ਸਿੰਘ, ਅਮਰੀਕ ਸਿੰਘ, ਕਰਮਜੀਤ ਸਿੰਘ ਬੈਂਸ, ਮੱਖਣ ਸਿੰਘ ਬੈਂਸ, ਪਾਲ ਸਿੰਘ ਮਾਨ, ਜਥੇਦਾਰ ਸੁੱਚਾ ਸਿੰਘ ਬੈਂਸ, ਜਗਵਿੰਦਰ ਸਿੰਘ ਬੰਗਾ, ਨੰਬਰਦਾਰ ਮਹਿੰਦਰ ਸਿੰਘ, ਜੱਸਾ ਸਿੰਘ ਮੱਲੀ, ਭਾਗ ਸਿੰਘ, ਗਿਆਨੀ ਹਰਦਿਆਲ ਸਿੰਘ, ਜਥੇਦਾਰ ਰਣਜੀਤ ਸਿੰਘ, ਹਰਜੀਤ ਸਿੰਘ ਫੌਜੀ, ਸਵਰਨ ਸਿੰਘ ਕਰਨੈਲ ਸਿੰਘ, ਸਤਵੀਰ ਸਿੰਘ ਭੱਠਲ, ਰਮਨਪ੍ਰੀਤ ਸਿੰਘ ਬੈਂਸ ਆਦਿ ਹਾਜ਼ਰ ਸਨ |