ਨੰਗਲ, 8 ਮਾਰਚ (ਗੁਰਪ੍ਰੀਤ ਸਿੰਘ ਗਰੇਵਾਲ)-ਆਰ.ਟੀ.ਆਈ. ਕਾਰਕੁੰਨ ਸ੍ਰੀ ਯੋਗੇਸ਼ ਸੱਚਦੇਵਾ ਨੇ ਬਜਟ ਵਿਚ 10 ਲੱਖ ਨਵੇਂ ਰਾਸ਼ਨ ਕਾਰਡ ਬਣਾਉਣ ਦੀ ਤਜਵੀਜ਼ ਦਾ ਸਵਾਗਤ ਕੀਤਾ ਹੈ | ਉਨ੍ਹਾਂ ਕਿਹਾ ਕਿ ਇਹ ਖ਼ੁਸ਼ੀ ਦੀ ਗੱਲ ਹੈ ਕਿ ਨਵੇਂ ਰਾਸ਼ਨ ਕਾਰਡ ਬਣਨਗੇ | ਪਰ ਸਰਕਾਰ ਨੇ ਨੌਜਵਾਨਾਂ ਨੂੰ ਰੁਜ਼ਗਾਰ ਦੇਣ ਅਤੇ ਬੇਰੁਜ਼ਗਾਰੀ ਭੱਤਾ ਦੇਣ ਸਬੰਧੀ ਕੋਈ ਠੋਸ ਐਲਾਨ ਨਹੀਂ ਕੀਤਾ | ਸਾਨੂੰ ਇਹ ਸਮਝਣਾ ਪਵੇਗਾ ਕਿ ਬੇਰੁਜ਼ਗਾਰੀ ਕਾਰਨ ਪੰਜਾਬ ਵਿਚ ਨਾ ਸਿਰਫ਼ Tਚਿੱਟਾ- ਕੱਟਾU ਕਲਚਰ ਨੂੰ ਹਲਾਸ਼ੇਰੀ ਮਿਲੀ ਹੈ, ਸਗੋਂ ਅੰਤਰਰਾਸ਼ਟਰੀ ਅਪਰਾਧੀ ਸਾਡੇ ਨੌਜਵਾਨਾਂ ਨੂੰ ਵਰਤ ਵੀ ਰਹੇ ਹਨ | ਇਹ ਪਾਪੂਲਰ ਬਜਟ ਹੈ ਪਰ ਇਹ ਸਾਡੇ ਆਰਥਿਕ ਸਿਸਟਮ ਨੂੰ ਢਾਹ ਲਾਵੇਗਾ |
