ਨੰਗਲ, 8 ਮਾਰਚ (ਗੁਰਪ੍ਰੀਤ ਸਿੰਘ ਗਰੇਵਾਲ)-ਵਾਰਡ ਨੰਬਰ ਇੱਕ ਦੇ ਨਿਵਾਸੀ ਪਰਵਾਸੀ ਪੰਜਾਬੀ ਕੁਲਵਿੰਦਰ ਪਰਮਾਰ ਨੇ ਕਿਹਾ ਕਿ ਇਹ ਬੜੇ ਹੀ ਦੁੱਖ ਦੀ ਗੱਲ ਹੈ ਕਿ ਅੰਤਿਮ ਬਜਟ ਵਿਚ ਨੰਗਲ ਨੂੰ ਸੈਰਗਾਹ ਬਣਾਉਣ ਲਈ ਕੋਈ ਠੋਸ ਐਲਾਨ ਨਹੀਂ ਹੋਇਆ | ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਨੰਗਲ ਦੇ ਸੁਹੱਪਣ ਦੀ ਤੁਲਨਾ ਹਮੇਸ਼ਾ ਬਿ੍ਟਿਸ਼ ਕੋਲੰਬੀਆ ਨਾਲ ਕੀਤੀ ਹੈ ਪਰ ਨਾ ਤਾਂ ਨੰਗਲ ਡੈਮ ਜਲਗਾਹ ਦੇ ਚੌਗਿਰਦਾ ਮਿੱਤਰ ਵਿਕਾਸ ਲਈ ਕੋਈ ਗੱਲ ਹੋਈ ਅਤੇ ਨਾ ਹੀ ਸੈਰ-ਸਪਾਟਾ ਸਹੂਲਤਾਂ ਬਾਰੇ | ਉਨ੍ਹਾਂ ਕਿਹਾ ਕਿ ਇਹ ਦੁੱਖ ਦੀ ਗੱਲ ਹੈ ਕਿ ਹਰ ਵਰ੍ਹੇ ਨੰਗਲ ਭਾਖੜਾ ਪ੍ਰਾਜੈਕਟ ਦੇਖਣ 5 ਲੱਖ ਤੋਂ ਵੱਧ ਸੈਲਾਨੀ ਆਉਂਦੇ ਹਨ ਪਰ ਸਹੂਲਤਾਂ ਦੀ ਘਾਟ ਕਾਰਨ ਨਿਰਾਸ਼ ਪਰਤਦੇ ਹਨ | ਨੰਗਲ ਦਾ ਟੂਰਿਸਟ ਕੰਪਲੈਕਸ ਲੰਬੇ ਸਮੇਂ ਤੋਂ ਬੰਦ ਪਿਆ ਹੈ ਪਰ ਸਰਕਾਰ ਧਿਆਨ ਨਹੀਂ ਦੇ ਰਹੀ |
