ਅਣਪਛਾਤੇ ਵਿਅਕਤੀ ਦੀ ਲਾਸ਼ ਬਰਾਮਦ
ਅਜੀਤ ਡੈਸਕ
12-03-2026
ਸ੍ਰੀ ਅਨੰਦਪੁਰ ਸਾਹਿਬ, 11 ਮਾਰਚ (ਕਰਨੈਲ ਸਿੰਘ)-ਸਥਾਨਕ ਪੁਲਿਸ ਨੂੰ ਸ੍ਰੀ ਅਨੰਦਪੁਰ ਸਾਹਿਬ ਦੀ ਮੁੱਖ ਸੜਕ 'ਤੇ ਸਥਿਤ ਪਿੰਡ ਥੱਪਲ ਦੇ ਖੇਤਾਂ ਵਿਚੋਂ ਇੱਕ ਅਣਪਛਾਤੇ ਵਿਅਕਤੀ ਦੀ ਲਾਸ਼ ਬਰਾਮਦ ਹੋਈ ਹੈ | ਤਫ਼ਤੀਸ਼ੀ ਅਫ਼ਸਰ ਏ.ਐਸ.ਆਈ. ਹਰਜੀਤ ਸਿੰਘ ਨੇ ਦੱਸਿਆ ਕਿ ਇੱਕ 40 ਸਾਲਾ, ਸਿਰੋਂ ਮੋਨਾ, ਕੱਦ 5 ਫੁੱਟ 4 ਇੰਚ, ਸਰੀਰ ਪਤਲਾ, ਸਲੇਟੀ ਰੰਗ ਦੀ ਕਮੀਜ਼ ਅਤੇ ਧਾਰੀਦਾਰ ਲੋਅਰ ਪਹਿਨੇ ਵਿਅਕਤੀ ਦੀ ਲਾਸ਼ ਖੇਤਾਂ ਵਿਚੋਂ ਮਿਲੀ ਹੈ | ਉਨ੍ਹਾਂ ਕਿਹਾ ਇਸ ਵਿਅਕਤੀ ਦੀ ਮੌਤ ਹੋਈ ਨੂੰ 10 ਦਿਨ ਤੋਂ ਵੱਧ ਦਾ ਸਮਾਂ ਲੱਗਦਾ ਹੋ ਗਿਆ ਹੈ | ਲਾਸ਼ ਨੂੰ ਸ਼ਨਾਖ਼ਤ ਲਈ ਭਾਈ ਜੈਤਾ ਜੀ ਸਿਵਲ ਹਸਪਤਾਲ ਵਿਖੇ ਰੱਖ ਦਿੱਤਾ ਗਿਆ ਹੈ |
ਅੱਜ ਬਿਜਲੀ ਬੰਦ
ਰੂਪਨਗਰ, 11 ਮਾਰਚ (ਸੱਤੀ)- 132 ਕੇ.ਵੀ. ਰੋਪੜ ਸਬ ਸਟੇਸ਼ਨ ਤੋਂ ਚਲਦੇ 11 ਕੇ.ਵੀ. ਜੈਲ ਸਿੰਘ ਨਗਰ ਫੀਡਰ ਅਤੇ 11 ਕੇ.ਵੀ. ਰੋਪੜ ਟਾਊਨ ਫੀਡਰ ਦੀ ਜ਼ਰੂਰੀ ਮੁਰੰਮਤ ਕਾਰਨ ਮਿਤੀ 12 ਮਾਰਚ 2026 ਨੂੰ ਸਵੇਰੇ 9.30 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਫੀਡਰ ਦੀ ਸਪਲਾਈ ਬੰਦ ਰਹੇਗੀ | ਇਸ ਨਾਲ ਗੁਰੂ ਨਗਰ, ਨਿਊ ਅਨਾਜ ਮੰਡੀ, ਬਸੰਤ ਨਗਰ, ਨੰਗਲ ਚੌਂਕ, ਰੇਲਵੇ ਰੋਡ, ਜੈਲ ਸਿੰਘ ਨਗਰ, ਪੁੱਲ ਬਾਜ਼ਾਰ, ਬਾਲਮਿਕੀ ਮੁਹੱਲਾ, ਮਾਤਾ ਰਾਣੀ ਮੁਹੱਲਾ, ਚੰਦਰਗੜ੍ਹ ਮੁਹੱਲਾ, ਸ਼ੇਖਾ ਮੁਹੱਲਾ, ਉਚੱਾ ਖੇੜਾ, ਛੋਟਾ ਖੇੜਾ, ਗੁਗਾ ਮਾੜੀ ਮੁਹੱਲਾ ਆਦਿ ਦੀ ਸਪਲਾਈ ਬੰਦ ਰਹੇਗੀ | ਇਸ ਸਮਾਂ ਘੱਟ-ਵੱਧ ਹੋ ਸਕਦਾ ਹੈ | ਇਹ ਸੂਚਨਾ ਸਹਾਇਕ ਕਾਰਜਕਾਰੀ ਇੰਜੀਨੀਅਰ ਪਾਵਰਕਾਮ ਰੂਪਨਗਰ ਵਲੋਂ ਜਾਰੀ ਕੀਤੀ ਜਾਂਦੀ ਹੈ |