ਕਾਂਵੜ ਸ਼ਰਧਾਲੂਆਂ ਲਈ ਭਰਤਗੜ੍ਹ ’ਚ ਸੇਵਾ ਕੈਂਪ ਕੱਲ੍ਹ ਤੋਂ

ਭਰਤਗੜ੍ਹ, 4 ਅਗਸਤ (ਜਸਬੀਰ ਸਿੰਘ ਬਾਵਾ)-ਵਿਸ਼ਵ ਮਾਨਵ ਰੂਹਾਨੀ ਕੇਂਦਰ, ਨਵਾਂ ਨਗਰ ਦੀ ਸ਼ਾਖਾ ਮਾਨਵ ਰੂਹਾਨੀ ਕੇਂਦਰ ਬੜਾ ਪਿੰਡ ਵਲੋਂ ਸੰਤ ਬਲਜੀਤ ਸਿੰਘ ਦੀ ਪ੍ਰੇਰਣਾ ਸਦਕਾ ਸ੍ਰੀ ਕ੍ਰਿਸ਼ਨਾ ਮੰਦਿਰ ਭਰਤਗੜ੍ਹ ਦੇ ਸਾਹਮਣੇ ਕੌਮੀ ਮਾਰਗ ’ਤੇ ਕਾਂਵੜ ਸ਼ਰਧਾਲੂਆਂ ਲਈ ਵਿਸ਼ਾਲ ਸੇਵਾ ਕੈਂਪ 6 ਤੋਂ 11 ਅਗਸਤ ਤੱਕ ਲਗਾਇਆ ਜਾ ਰਿਹਾ ਹੈ। ਸਬੰਧਿਤ ਨੁਮਾਇੰਦਿਆਂ ਨੇ ਦੱਸਿਆ ਕਿ ਉਕਤ ਕੈਂਪ ’ਚ ਮਾਹਿਰ ਡਾਕਟਰ ਸ਼ਰਧਾਲੂਆਂ ਦੀ ਮੁਫ਼ਤ ਸਿਹਤ ਜਾਂਚ ਕਰਕੇ ਲੋੜੀਂਦੀ ਦਵਾਈ ਦੇਣਗੇ, ਨੁਮਾਇੰਦੇ ਸ਼ਰਧਾਲੂਆਂ ਲਈ ਚਾਹ, ਬਿਸਕੁਟ, ਪੀਣ ਵਾਲਾ ਪਾਣੀ, ਲੰਗਰ ਤੇ ਆਰਾਮ ਕਰਨ ਲਈ ਰਿਹਾਇਸ਼ ਦੇਣਗੇ।