ਸ੍ਰੀ ਚਮਕੌਰ ਸਾਹਿਬ ਵਿਖੇ ਦੁਕਾਨ ’ ਚ ਲੱਗੀ ਅੱਗ , ਦੋ ਵਾਹਨ ਸੜੇ
ਸ੍ਰੀ ਚਮਕੌਰ ਸਾਹਿਬ, 11 ਸਤੰਬਰ (ਜਗਮੋਹਣ ਸਿੰਘ ਨਾਰੰਗ)-ਸਥਾਨਕ ਅਨਾਜ ਮੰਡੀ ਸਾਹਮਣੇ ਨਵੇਂ ਤੇ ਪੁਰਾਣੇ ਦੋ ਪਹੀਆ ਵਾਹਨ ਵੇਚਣ ਵਾਲੇ ਪੰਜਾਬ ਆਟੋ ਡੀਜ਼ਲ ਦੁਕਾਨ ’ਤੇ ਅੱਜ ਸਵੇਰੇ 7 ਵਜੇ ਦੇ ਕਰੀਬ ਅੱਗ ਲੱਗ ਗਈ, ਜਿਸ ਦਾ ਨੇੜਲੇ ਦੁਕਾਨਦਾਰਾਂ ਨੂੰ ਪਤਾ ਲੱਗਣ ’ਤੇ ਉਨ੍ਹਾਂ ਸ਼ਟਰ ਦਾ ਜਿੰਦਰਾ ਤੋੜ ਕੇ ਅੰਦਰ ਖੜੇ ਕਈ ਨਵੇਂ ਤੇ ਪੁਰਾਣੇ ਵਾਹਨਾਂ ਨੂੰ ਤੁਰੰਤ ਬਾਹਰ ਕੱਢਿਆ, ਇਸ ਦੇ ਬਾਵਜੂਦ ਇੱਕ ਮੋਟਰ ਸਾਈਕਲ ਅਤੇ ਸਕੂਟਰੀ ਅੱਗ ਨਾਲ ਪੂਰੀ ਤਰਾਂ ਨੁਕਸਾਨੇ ਗਏ, ਜਦਕਿ ਕੁਝ ਹੋਰ ਵਾਹਨਾਂ ਨੂੰ ਵੀ ਸੇਕ ਲੱਗਣ ਕਾਰਨ ਵਾਹਨਾਂ ਦਾ ਰੰਗ ਖ਼ਰਾਬ ਪ੍ਰਭਾਵਿਤ ਹੋਇਆ ਹੈ। ਦੁਕਾਨ ਮਾਲਕ ਸਤਨਾਮ ਸਿੰਘ ਫ਼ਤਿਹਪੁਰ ਬੇਟ ਨੇ ਦੱਸਿਆ ਕਿ ਇਹ ਅੱਗ ਇਨਵਰਟਰ ‘ਚ ਪਏ ਨੁਕਸ ਕਾਰਨ ਲੱਗੀ ਹੈ, ਜਿਸ ਕਾਰਨ ਬੈਟਰੀ ਅਤੇ ਇਨਵਰਟਰ ਵੀ ਬੁਰੀ ਤਰਾਂ ਸੜ ਗਏ ਹਨ।
ਸ੍ਰੀ ਚਮਕੌਰ ਸਾਹਿਬ, 11 ਸਤੰਬਰ (ਜਗਮੋਹਣ ਸਿੰਘ ਨਾਰੰਗ)-ਸਥਾਨਕ ਅਨਾਜ ਮੰਡੀ ਸਾਹਮਣੇ ਨਵੇਂ ਤੇ ਪੁਰਾਣੇ ਦੋ ਪਹੀਆ ਵਾਹਨ ਵੇਚਣ ਵਾਲੇ ਪੰਜਾਬ ਆਟੋ ਡੀਜ਼ਲ ਦੁਕਾਨ ’ਤੇ ਅੱਜ ਸਵੇਰੇ 7 ਵਜੇ ਦੇ ਕਰੀਬ ਅੱਗ ਲੱਗ ਗਈ, ਜਿਸ ਦਾ ਨੇੜਲੇ ਦੁਕਾਨਦਾਰਾਂ ਨੂੰ ਪਤਾ ਲੱਗਣ ’ਤੇ ਉਨ੍ਹਾਂ ਸ਼ਟਰ ਦਾ ਜਿੰਦਰਾ ਤੋੜ ਕੇ ਅੰਦਰ ਖੜੇ ਕਈ ਨਵੇਂ ਤੇ ਪੁਰਾਣੇ ਵਾਹਨਾਂ ਨੂੰ ਤੁਰੰਤ ਬਾਹਰ ਕੱਢਿਆ, ਇਸ ਦੇ ਬਾਵਜੂਦ ਇੱਕ ਮੋਟਰ ਸਾਈਕਲ ਅਤੇ ਸਕੂਟਰੀ ਅੱਗ ਨਾਲ ਪੂਰੀ ਤਰਾਂ ਨੁਕਸਾਨੇ ਗਏ, ਜਦਕਿ ਕੁਝ ਹੋਰ ਵਾਹਨਾਂ ਨੂੰ ਵੀ ਸੇਕ ਲੱਗਣ ਕਾਰਨ ਵਾਹਨਾਂ ਦਾ ਰੰਗ ਖ਼ਰਾਬ ਪ੍ਰਭਾਵਿਤ ਹੋਇਆ ਹੈ। ਦੁਕਾਨ ਮਾਲਕ ਸਤਨਾਮ ਸਿੰਘ ਫ਼ਤਿਹਪੁਰ ਬੇਟ ਨੇ ਦੱਸਿਆ ਕਿ ਇਹ ਅੱਗ ਇਨਵਰਟਰ ‘ਚ ਪਏ ਨੁਕਸ ਕਾਰਨ ਲੱਗੀ ਹੈ, ਜਿਸ ਕਾਰਨ ਬੈਟਰੀ ਅਤੇ ਇਨਵਰਟਰ ਵੀ ਬੁਰੀ ਤਰਾਂ ਸੜ ਗਏ ਹਨ। ਇਸ ਅੱਗ ਨੂੰ ਬੁਝਾਉਣ ਲਈ ਦੁਕਾਨਦਾਰਾਂ ਨਾਲ ਲੰਘਦੇ ਲੋਕਾਂ ਅਤੇ ਮੌਕੇ ‘ਤੇ ਬੁਲਾਈ ਨਗਰ ਕੌਸ਼ਲ ਸ੍ਰੀ ਚਮਕੌਰ ਸਾਹਿਬ ਦੀ ਅੱਗ ਬੁਝਾਉਣ ਵਾਲੀ ਗੱਡੀ ਨੇ ਜਲਦੀ ਹੀ ਅੱਗ ’ਤੇ ਕਾਬੂ ਪਾ ਲਿਆ। ਸਤਨਾਮ ਸਿੰਘ ਨੇ ਦੱਸਿਆ ਕਿ ਜੇਕਰ ਨਜ਼ਦੀਕੀ ਦੁਕਾਨਦਾਰ ਦੁਕਾਨ ’ਚੋਂ ਵਾਹਨ ਬਾਹਰ ਨਾ ਕੱਢਦੇ ਤਾਂ ਬਹੁਤ ਜ਼ਿਆਦਾ ਨੁਕਸਾਨ ਹੋਣਾ ਸੀ ਕਿਉਂਕਿ ਅੰਦਰ ਨਵੀਆਂ ਇਲੈੱਕਟ੍ਰਾਨਿਕ ਸਕੂਟਰੀਆਂ ਖੜ੍ਹੀਆਂ ਸਨ। ਇਸ ਅੱਗ ਨਾਲ ਦੋ ਲੱਖ ਰੁਪਏ ਤੋਂ ਉੱਪਰ ਦਾ ਨੁਕਸਾਨ ਹੋਇਆ ਦੱਸਿਆ ਜਾ ਰਿਹਾ ਹੈ।
