ਬਾਬਾ ਬਕਾਲਾ ਸਾਹਿਬ, 25 ਜਨਵਰੀ (ਸ਼ੇਲਿੰਦਰਜੀਤ ਸਿੰਘ ਰਾਜਨ)-ਘੱਟ ਗਿਣਤੀ ਲੋਕ ਭਲਾਈ ਸੰਸਥਾ ਦੇ ਪ੍ਰਧਾਨ ਸ: ਸਤਨਾਮ ਸਿੰਘ ਗਿੱਲ ਨੇ ਮੁੱਖ ਮੰਤਰੀ ਪੰਜਾਬ ਤੋਂ ਮੰਗ ਕੀਤੀ ਹੈ ਕਿ ਹਲਕਾ ਬਾਬਾ ਬਕਾਲਾ ਸਾਹਿਬ ਦੇ ਸੀਨੀਅਰ ਆਪ ਆਗੂ, ਬਲਾਕ ਸੰਮਤੀ ਮੈਂਬਰ ਸ: ਸਰਵਣ ਸਿੰਘ ਸਰਾਂ ਨੂੰ ਰਈਆ ਬਲਾਕ ਸੰਮਤੀ ਦਾ ਚੇਅਰਮੈਨ ਬਣਾਇਆ ਜਾਵੇ | ਉਨ੍ਹਾਂ ਨੇ ਇਸ ਗੱਲ 'ਤੇ ਤਸੱਲੀ ਜਿਤਾਈ ਹੈ ਕਿ ਜੇਕਰ ਸ: ਸਰਵਣ ਸਿੰਘ ਸਰਾਂ ਨੂੰ ਰਾਜ ਸਰਕਾਰ ਇਹ ਜ਼ਿੰਮੇਵਾਰੀ ਦੇ ਦਿੰਦੀ ਹੈ ਤਾਂ ਢਾਹੇ ਕੰਢੇ ਦੀ ਬੈਲਟ ਦੀਆਂ ਪੰਚਾਇਤਾਂ ਵਿਕਾਸ ਨੂੰ ਲੈ ਕੇ ਮੀਲ ਪੱਥਰ ਸਾਬਤ ਕਰਨਗੀਆਂ | ਉਨ੍ਹਾਂ ਨੇ ਸਥਾਨਕ ਵਿਧਾਇਕ ਸ: ਦਲਬੀਰ ਸਿੰਘ ਟੌਂਗ ਨੂੰ ਵੀ ਜਨਤਕ ਹਿੱਤ 'ਚ ਅਪੀਲ ਕੀਤੀ ਹੈ ਕਿ ਸਾਡੀ ਬੈਲਟ ਨੂੰ ਬਣਦਾ ਮਾਣ ਸਤਿਕਾਰ ਦੇਣ ਲਈ ਬਲਾਕ ਸੰਮਤੀ ਰਈਆ ਦੀ ਚੇਅਰਮੈਨੀ ਸਰਵਣ ਸਿੰਘ ਸਰਾਂ ਨੂੰ ਦਿੱਤੀ ਜਾਵੇ |
