ਬੈਡ ਮਾਸਟਰ ਈਕੋ ਮਸ਼ੀਨ ਸਬਜ਼ੀਆਂ ਦੀ ਕਾਸ਼ਤ ਲਈ ਇਕ ਯੁੱਗ ਪਲਟਾਊ ਮਸ਼ੀਨ ਹੈ- ਅਜਮੇਰ ਸਿੰਘ ਢੱਟ
ਗੱਗੋਮਾਹਲ, 23 ਅਕਤੂਬਰ (ਬਲਵਿੰਦਰ ਸਿੰਘ ਸੰਧੂ)- ਪੰਜਾਬ ਐਗਰੀਕਲਚਰ ਯੂਨੀਵਰਸਿਟੀ ਲੁਧਿਆਣਾ ਦੇ ਨਿਰਦੇਸ਼ਕ ਖੋਜ ਡਾ. ਅਜਮੇਰ ਸਿੰਘ ਢੱਟ ਨੇ ਸਰਹੱਦੀ ਪਿੰਡ ਮਾਛੀਵਾਹਲਾ ਵਿਖੇ ਕੰਬੋਜ ਮਕੈਨੀਕਲ ਵਰਕਸ ਦੇ ਬੈਡਮਾਸਟਰ ਇਕੋਮਸ਼ੀਨ ਰਾਹੀਂ ਝੋਨੇ ਦੀ ਪਰਾਲੀ ਵਿਚ ਬਿਨ੍ਹਾ ਸਾੜੇ ਸਿੱਧੀ ਹਰੇ ਮਟਰਾਂ ਦੀ ਬਿਜਾਈ ਸਬੰਧੀ ਚੱਲ ਰਹੇ ਖੇਤਰੀ ਟਰਾਇਲਾਂ ਦਾ ਜਾਇਜ਼ਾ ਲਿਆ।
ਗੱਗੋਮਾਹਲ, 23 ਅਕਤੂਬਰ (ਬਲਵਿੰਦਰ ਸਿੰਘ ਸੰਧੂ)- ਪੰਜਾਬ ਐਗਰੀਕਲਚਰ ਯੂਨੀਵਰਸਿਟੀ ਲੁਧਿਆਣਾ ਦੇ ਨਿਰਦੇਸ਼ਕ ਖੋਜ ਡਾ. ਅਜਮੇਰ ਸਿੰਘ ਢੱਟ ਨੇ ਸਰਹੱਦੀ ਪਿੰਡ ਮਾਛੀਵਾਹਲਾ ਵਿਖੇ ਕੰਬੋਜ ਮਕੈਨੀਕਲ ਵਰਕਸ ਦੇ ਬੈਡਮਾਸਟਰ ਇਕੋਮਸ਼ੀਨ ਰਾਹੀਂ ਝੋਨੇ ਦੀ ਪਰਾਲੀ ਵਿਚ ਬਿਨ੍ਹਾ ਸਾੜੇ ਸਿੱਧੀ ਹਰੇ ਮਟਰਾਂ ਦੀ ਬਿਜਾਈ ਸਬੰਧੀ ਚੱਲ ਰਹੇ ਖੇਤਰੀ ਟਰਾਇਲਾਂ ਦਾ ਜਾਇਜ਼ਾ ਲਿਆ। ਦੌਰੇ ਦੌਰਾਨ ਖੇਤ ਵਿਚ ਚੱਲ ਰਹੀ ਮਸ਼ੀਨ ਦਾ ਜਾਇਜ਼ਾ ਲੈਂਦਿਆ ਡਾ. ਢੱਟ ਨੇ ਮਸ਼ੀਨ ਦੀ ਕਾਰਗੁਜਾਰੀ ਨੂੰ ਮੌਕੇ ’ਤੇ ਦੇਖਿਆ ਤੇ ਬਿਜਾਈ ਦੀ ਪ੍ਰਕਿਰਿਆ, ਬੈਡ ਬਣਾਉਣ ਦੇ ਢੰਡ ਤੇ ਪਰਾਲੀ ਦੀ ਮੌਜੂਦਗੀ ਵਿਚ ਇਸ ਦੇ ਕੰਮਕਾਜ ਦਾ ਨਿਰੀਖਣ ਕੀਤਾ। ਉਹਨਾਂ ਨੇ ਕਿਸਾਨਾਂ ਨਾਲ ਗੱਲ ਕਰਕੇ ਬੀਜਾਂ ਦੇ ਜੰਮਣ ਤੇ ਫਸਲਾਂ ਦੀ ਸ਼ੁਰੂਆਤੀ ਹਾਲਤ ਬਾਰੇ ਵੀ ਜਾਣਕਾਰੀ ਹਾਸਲ ਕੀਤੀ। ਡਾ. ਢੱਟ ਨੇ ਕਿਹਾ ਕਿ ਸਬਜ਼ੀਆਂ ਦੀ ਕਾਂਸ਼ਤ ਵਾਲੇ ਇਲਾਕਿਆ ਵਿਚ ਝੋਨੇ ਦੀ ਪਰਾਲੀ ਦਾ ਪ੍ਰਬੰਧਨ ਇਕ ਅਹਿਮ ਚਣੌਤੀ ਹੈ। ਉਨ੍ਹਾਂ ਨੇ ਕਿਸਾਨਾਂ ਅਤੇ ਮਸ਼ੀਨ ਨਿਰਮਾਤਾ ਜੋਗਿੰਦਰ ਸਿੰਘ ਕੰਬੋਜ ਦੀ ਹੌਸਲਾ ਅਫ਼ਜਾਈ ਕਰਦਿਆਂ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਉਹ ਪਰਾਲੀ ਨੂੰ ਅੱਗ ਲਗਾਉਣ ਦੀ ਬਿਜਾਈ ਖੇਤਾਂ ਵਿਚ ਹੀ ਇਸ ਦਾ ਯੋਗਪ੍ਰਬੰਧਨ ਕਰਨ ਤੇ ਵਾਤਾਵਰਨ ਦੀ ਸੰਭਾਲ ਵਿਚ ਯੋਗਦਾਨ ਪਾਉਣ। ਕੰਬੋਜ ਮਕੈਨੀਕਲ ਵਰਕਸ ਦੇ ਜੋਗਿੰਦਰ ਸਿੰਘ ਕੰਬੋਜ ਨੇ ਦੱਸਿਆ ਕਿ ਬੈਡ ਮਾਸਟਰ ਈਕੋ ਰਾਹੀ ਸਰ੍ਹੋਂ ਦੀ ਸਿੱਧੀ ਬਿਜਾਈ ਦੇ ਟਰਾਇਲ ਵੀ ਜਾਰੀ ਹਨ। ਇਸ ਮੌਕੇ ਪੀ. ਏ. ਯੂ. ਤੋਂ ਡਾ. ਮਨਪ੍ਰੀਤ ਸਿੰਘ, ਡਾ. ਰਾਜੇਸ਼ ਗੋਇਲ, ਕੇ.ਵੀ.ਕੇ. ਅੰਮ੍ਰਿਤਸਰ ਦੇ ਨਿਰਦੇਸ਼ਕ ਡਾ. ਬਿਕਰਮਜੀਤ ਸਿੰਘ, ਡਾ. ਰਮਿੰਦਰ ਕੌਰ ਤੋਂ ਇਲਾਵਾ ਮਨਪ੍ਰੀਤ ਸਿੰਘ ਕੰਬੋਜ, ਅਜੀਤ ਸਿੰਘ, ਜਗਮੀਤ ਸਿੰਘ, ਪ੍ਰਭਦੀਪ ਸਿੰਘ, ਅਮਨਦੀਪ ਸਿੰਘ, ਰਛਪਾਲ ਸਿੰਘ ਆਦਿ ਕਿਸਾਨ ਮੌਜੂਦ ਸਨ।
